Catherine OʻHara

Catherine O'Hara
Tavalludi	4-mart 1954-yil Toronto, Ontario, Kanada
Vafoti	30-yanvar 2026-yil(2026-01-30) (71 yoshda) Santa Monica, AQSh
Kasbi	aktrisa
Faoliyat yillari	1974—2025
Turmush oʻrtogʻi	Bo Welch (turm. 1992)
Bolalari	2

Catherine OʻHara (1954-yil 4-mart — 2026-yil 30-yanvar) — Kanada va Amerika aktrisasi hamda komediyachisi. Uning faoliyati 50 yildan ortiq davom etgan. OʻHara faoliyatini kino va televideniyedagi hajviy sahna hamda improvizatsion komediya janrida boshlagan. Keyinchalik esa oʻz ijodini kengaytirish maqsadida dramatik rollarni ham ijro eta boshlagan. U ikki marotaba Primetime Emmy mukofoti, bitta Oltin globus mukofoti hamda toʻrt marotaba Screen Actors Guild mukofoti bilan taqdirlangan. Aktrisa ishtirok etgan filmlar jahon miqyosida 4,3 milliard AQSh dollaridan ortiq daromad keltirgan. 2017-yilda Kanadaning yuksak davlat mukofotlaridan biri — Kanada ordeni unvoniga sazovor boʻlgan.

OʻHara faoliyatini 1975-yilda Coming Up Rosie nomli bolalar uchun moʻljallangan televideniya sitkomida bosh rollardan birini ijro etish bilan boshlagan. U keng jamoatchilikka Second City Television (1976–1984) sketch-komediya dasturidagi ishtiroki orqali tanilgan. Mazkur loyiha uchun Primetime Emmy mukofoti bilan taqdirlangan. Aktrisa After Hours (1985), Heartburn (1986), Beetlejuice (1988), Uyda yolgʻiz (1990), Uyda yolgʻiz 2 (1992) kabi filmlardagi rollari orqali eʼtirof qozongan. OʻHara koʻpincha Christopher Guest bilan hamkorlik qilgan. Uning sujjatli janridagi Waiting for Guffman (1996), Best in Show (2000), A Mighty Wind (2003) hamda For Your Consideration (2006) filmlarida suratga tushgan. Shuningdek, u ovoz aktyori sifatida ham faoliyat yuritgan. The Nightmare Before Christmas (1993), Chicken Little (2005), Oʻrmon ahli (2006), Monster House (2006), Where the Wild Things Are (2009), Frankenweenie (2012), Elemental (2023) hamda The Wild Robot (2024) filmlarida ovoz bergan.

Hayoti

Catherine Anne OʻHara 1954-yil 4-martda Toronto shahrida tugʻilgan.