Kontent qismiga oʻtish

Carlos Baleba

ZiyoSfera, erkin ensiklopediya
Carlos Baleba
Baleba with Brighton & Hove Albion in 2026
Shaxsiy maʼlumot
Toʻliq ismi Carlos Noom Quomah Baleba
Tavallud sanasi 2004-yil 3-yanvar (2004-01-03) (22 yosh)
Tavallud joyi Douala, Cameroon
Boʻyi 1.79 m[1]
Ampluasi Midfielder
Klub maʼlumoti
Joriy klub
 Manchester United
Raqami 20
Yoshligida aʼzo boʻlgan klublar
Futur Soccer FC
2017–2022 EF Brasseries du Cameroun
Professional faoliyati*
Yillar Jamoa Isht. (Gol.)
2022–2023 Lille B 13 (1)
2022–2023 Lille 21 (0)
2023–2026 Brighton & Hove Albion 92 (3)
2026– Manchester United 0 (0)
Milliy terma jamoa
2024– Cameroon 16 (0)
*Professional klublardagi gollari (ichki chempionat)
(24-may uchun)

Carlos Noom Quomah Baleba (2004-yil 3-yanvarda tugʻilgan) — kamerunlik professional futbolchi. Carlos Premyer-liganing „Manchester United“ klubi va Kamerun milliy terma jamoasida markaziy yoki tayanch yarim himoyachisi sifatida toʻp suradi.

Baleba 2022-yil yanvar oyida Fransiyaning „Lille“ klubi safiga qoʻshilgan. 2023-yil avgustda „Brighton & Hove Albion“ jamoasiga oʻtguniga qadar klubning asosiy tarkibida 23 ta oʻyinda maydonga tushgan. U uch mavsum davomida „Brighton“ safida 112 ta oʻyin oʻtkazib, 2024–25-yilgi mavsumda klubning „Eng yaxshi yosh oʻyinchisi“ sovrinini qoʻlga kiritgan. 2026-yil avgust oyida esa „Manchester United“ bilan shartnoma imzolagan.

Baleba Kamerun terma jamoasidagi debyutini 2024-yil iyun oyida oʻtkazgan. U 2025-yilgi Afrika Millatlar Kubogida Kamerun sharafini himoya qilgan.

Ilk yillari

Carlos Noom Quomah Baleba[2] 2004-yil 3-yanvarda Kamerunning Duala shahrida kamerunlik-fransuz oilasida tugʻilgan[3]. Baleba ota-onasi orqali ham Kamerun, ham Fransiya fuqaroligiga ega[4]. Uning otasi Janubiy Afrika va Kamerunda toʻp surgan sobiq professional futbolchi hisoblanadi. U Akva mahallasida ulgʻaygan va Bassa elatiga mansub. Baleba futbolchilik faoliyatini Dualadagi „Futur Soccer FC“da boshlab, keyin 13 yoshida „École de Football des Brasseries du Cameroun“ futbol akademiyasiga qoʻshilgan[4].

Klublardagi faoliyati

Manchester United

2026-yil 25-avgust kuni Baleba „Manchester United“ klubi bilan besh yillik shartnoma imzolagan[5]. Xabarlarga koʻra, transfer narxi qoʻshimcha bonuslar bilan birga 70 million funt sterlingni tashkil etgan[6].

Xalqaro faoliyati

Baleba Kamerun milliy terma jamoasidagi debyutini 2024-yil 8-iyun kuni Ahmadou Ahidjo stadionida Jahon chempionati saralashi doirasida Kabo-Verdega qarshi kechgan uchrashuvda oʻtkazgan. U oʻyinni asosiy tarkibda boshlab, 80 daqiqa maydonda harakat qilgan[7].

Baleba murabbiy David Pagou tomonidan 2025-yilgi Afrika Millatlar Kubogida ishtirok etish uchun tanlangan kamerunlik futbolchilar roʻyxatiga kiritilgan[8].

Oʻyin uslubi

Oʻzining chidamliligi, driblingi va toʻp uzatish masofasi bilan tanilgan Baleba markaziy yarim himoyachi boʻlib, u „box-to-box“ (jarima maydonchasidan-jarima maydonchasigacha) yoki tayanch yarim himoyachisi sifatida oʻynay oladi[9][10]. U Paul Pogba, Kevin De Bruyne, Thiago Alcântara, shuningdek, „Lill“ning sobiq oʻyinchilari Nicolas Pépé va Idrissa Gueyeni oʻziga kumir bilib ulgʻaygan[4]. Baleba oʻzining jismoniy holati, toʻpni olib qoʻyish qobiliyati va raqiblarga bosim oʻtkazishga tayyorligi bilan ham ajralib turadi[9][10]. Uning qatʼiyatliligi va kuchi toʻpni qaytarib olishga, jumladan, maydonning yuqori qismida pressing uyushtirish orqali raqibni xatoga majburlashga imkon beradi[9][10]. Toʻpga egalik qilganida, u koʻpincha darvozabon yoki markaziy himoyachilardan toʻpni qabul qilish uchun orqaroqqa qaytadi va toʻpni oldinga olib chiqishga harakat qiladi: buni yo chap oyoqda keng maydonlarga toʻp uzatish, yo yarim himoya boʻylab toʻpni oʻzi olib oʻtish orqali amalga oshiradi[9][10] Tezlik va kuchning uygʻunligi unga toʻp bilan raqiblaridan oʻtib ketish imkonini beradi[9][10].

Yutuqlari

Shaxsiy


Manbalar

  1. ↑ „Carlos Baleba Overview“. premierleague.com. Qaraldi: 2026-yil 21-avgust.
  2. ↑ „2025/26 Premier League updated squad lists“. Premier League (2026-yil 5-fevral). Qaraldi: 2026-yil 5-fevral.
  3. ↑ „Carlos Baleba“ (fr). LOSC. 2023-yil 25-yanvarda asl nusxadan arxivlangan. Qaraldi: 2023-yil 25-yanvar.
  4. ↑ 4,0 4,1 4,2 Pousset, Maxime „Dans les pas de Carlos Baleba“ (fr). LOSC (2023-yil 24-yanvar). Qaraldi: 2023-yil 25-yanvar.
  5. ↑ „Carlos Baleba joins United“. ManUtd.com (2026-yil 25-avgust). Qaraldi: 2026-yil 25-avgust.
  6. ↑ „Carlos Baleba transfer: Manchester United complete signing of Cameroon midfielder from Brighton“. Sky Sports (2026-yil 25-avgust).
  7. ↑ „Cameroon v Cape Verde game report“. ESPN (2024-yil 8-iyun).
  8. ↑ „André Onana et Vincent Aboubakar absents, Christian Kofane et Eric-Junior Dina Ebimbe appelés... La liste du Cameroun pour la CAN 2025“ (fr). L'Équipe. Qaraldi: 2025-yil 1-dekabr.
  9. ↑ 9,0 9,1 9,2 9,3 9,4 Clarke, Adrian „Analysis: Baleba and Ayari at the heart of Brighton's push for Europe“. Premier League (2025-yil 23-fevral). Qaraldi: 2026-yil 21-avgust.
  10. ↑ 10,0 10,1 10,2 10,3 10,4 Anka, Carl „How Carlos Baleba would fit at Manchester United and what else to know“. The Athletic (2026-yil 19-avgust). Qaraldi: 2026-yil 22-avgust.
  11. ↑ https://www.brightonandhovealbion.com/pages/en/media-article/club-news-players-award-winners-2024-25-may-2025
  12. ↑ „Baleba's stunner wins Guinness Goal of the Month award“. Premier League (2025-yil 9-may). Qaraldi: 2025-yil 9-may.

Havolalar

"https://ziyosfera.uz/index.php?title=Carlos_Baleba&oldid=1013242" dan olindi