Buxoro—Ural magistral gaz quvuri

Bu atamaning boshqa maʼnolari ham mavjud. Qarang: Buxoro (maʼnolari).

Buxoro—Ural gaz yoʻli — yirik gaz magistrali. Rossiyaning Ural sanoat rayoni va Gʻarbiy Qozogʻistonni Buxoro (Gazli rayoni) tabiiy gazi bilan taʼminlash uchun qurilgan. 1-yoʻli Buxoro — Chelyabinsk oʻrtasida (uzunligi 1900 km) 1963-yilda, 2-yoʻli Buxoro — Sverdlovsk oʻrtasida (uzunligi 2100 km) 1965-yilda ishga tushirilgan. Uning bir qismi (489 km) Oʻzbekiston hududidan oʻtadi. Bu gaz yoʻllarida diametri 1020 mm li quvurlar yotqizilgan. Gaz yoʻli boʻylab kompressor stansiyalari qurilgan. Undan yiliga 21 mlrd. m3 gaz oʻtadi. Keyinchalik bu gaz yoʻliga Turkmaniston va Qozogʻistondagi gaz konlaridan olinadigan yoqilgʻini oʻtkazadigan gazoprovodlar tutashtirilgan.

Adabiyotlar

OʻzME. Birinchi jild. Toshkent, 2000-yil

Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan.

Ushbu maqola çaladir. Siz uni boyitib, ZiyoSferaga yordam berişingiz mumkin.
Bu andozani aniqrogʻiga almashtirish kerak.