Burj al-Arab stadioni

Burj al-Arab stadioni
Manzili	Amreya, Iskandariya, Misr
Sigʻimi	86,000
Rekord muxlislar tashrifi	86,000; (Misr 2–1 Kongo); (2017-yil 8-oktyabr)
Maydon oʻlchami	105 m × 70 m (344 ft × 230 ft)
Chim turi	Oʻt
Konstruksiya
Ochilgan	2009
Arxitektor	Misr qurolli kuchlari
Ijarachilar
	Misr milliy futbol terma jamoasi; Smouha ; Zamalek (tanlangan oʻyinlar) ; Al Ahly (tanlangan oʻyinlar); Al Ittihad (tanlangan oʻyinlar)

Bu maqola Burj al-Arab stadioni haqidadir. Mavzuning boshqa maʼnolari uchun Burj al-Arab (maʼnolari) sahifasiga qarang.

Burj al-Arab stadioni (misrcha: ستاد برج العرب) — 2005-yilda Misrning Iskandariya shahridan 25 km gʻarbda, Oʻrta yer dengizi boʻyidagi Amreya shahrida foydalanishga topshirilgan stadion. U Misrdagi ikkinchi (Misr stadionidan keyin) va Afrikadagi uchinchi (Yoxannesburgdagi FNB stadionidan keyin) eng yirik stadion boʻlib, 86 000 tomoshabinga moʻljallangan^[2] va barcha joylari oʻrindiqlar bilan jihozlangan. Shuningdek, u dunyodagi 9-eng yirik futbol stadioni hisoblanadi^[3]^[4].

Stadion Qohira-Aleksandriya choʻl avtomagistralida, Borg El Arab aeroportidan 10 km va Iskandariya shahar markazidan 15 km uzoqlikda joylashgan. Maydon atrofida yugurish yoʻlakchasi, maydonda esa toʻrtta projektor mavjud. Faqat bitta tribuna tom bilan yopilgan^[5]. Stadion 145 feddan (609 000 kv.m) maydonga ega boʻlib, uzunligi 3 km boʻlgan toʻsiq, 6 km uzunlikdagi ichki yoʻl tarmogʻi hamda 5000 ta avtomobil va 200 ta avtobus sigʻadigan avtoturargoh bilan oʻralgan. Stadionda uchish-qoʻnish yoʻlagi ham mavjud. 136 ta elektron kirish darvozasi bor. Asosiy loja stadion umumiy maydonining 35 foizini qoplaydigan soyabon bilan yopilgan^[6].

Stadion konditsionerlar bilan jihozlangan. Mashgʻulotlar uchun 2 ta kichik stadion mavjud boʻlib, ularning har biri 2000 tomoshabinni sigʻdira oladi, shuningdek, 2 ta kiyinish xonasi va yengil atletika stadionini oʻz ichiga oladi. Majmuada 200 oʻrinli mehmonxona ham bor. Shuningdek, stadion matbuot xodimlari uchun 300 oʻrinli binoni ham oʻz ichiga oladi.

Futbol maydoni

Maydonning geografik joylashuvi shamol yoʻnalishiga mos kelishi uchun taxminan 12 daraja shimoli-gʻarbga qaratilgan. Buning sababi, Xalqaro Futbol Assotsiatsiyalari Federatsiyasi (FIFA) talablariga muvofiq, toʻp yoki oʻyinchilar harakatiga hech qanday xalaqit bermaslikdir. Maydon oʻlchamlari 105 x 70 metrni tashkil etadi. Maydondan tashqari, stadion Olimpiya oʻyinlari tadbirlarini oʻtkazish uchun ham jihozlangan boʻlib, unda 8 ta yugurish yoʻlakchasi, toʻsiqlar osha yugurish uchun suv toʻsigʻi, uzunlikka sakrash uchun ikkita qumli chuqur hamda uch hatlab sakrash uchun bitta qumli chuqur mavjud.

Asosiy stadion uning shimoli-sharqiy va janubi-sharqiy tribunalarida joylashgan qoʻshaloq yoritish minoralari bilan jihozlangan. Bundan tashqari, soyabon boʻylab yoritish manbalari oʻrnatilgan. Ikkita natijalar tablosi va kameralar uchun 13 ta maxsus joy tayyor holatga keltirilgan. Asosiy maydondan tashqari, har biri 2000 tomoshabin sigʻimiga ega boʻlgan ikkita mashgʻulot maydoni ham mavjud. Ikkala maydon umumiy 3000 m2 maydonni egallaydi va ularning har birida yengil atletika yoʻlakchasi bor. Ikkala mashgʻulot maydoni ham yoritish minoralari bilan jihozlangan.

Oʻrindiqlar sigʻimi

Borg El Arabning asosiy tribunalari yuqori va pastki qavatlarda 86 ming tomoshabinni sigʻdira oladi. Eksklyuziv VIP-kabinada 22 ta oʻrin boʻlsa, terrasa 300 tomoshabinga moʻljallangan. Stadion umumiy sigʻimining 35 foizini tashkil etuvchi terrasa va birinchi toifali tribuna metall soyabon bilan yopilgan^[7].

Gallery

Misr terma jamoasi uchun o‘yin paytida stadionning ko‘rinishi
Borg El Arab stadioni 2017-yil mart oyida o‘rtoqlik o‘yinidan oldin
Borg El Arab stadioni 2017-yil mart oyida o‘rtoqlik o‘yinida.
Borg El Arab stadioni 2017-yil aprel oyida 2017-yilgi CAF Konfederatsiya kubogi o‘yinidan oldin.
Borg El Arab stadioni 2017-yil oktyabr oyida 2018-yilgi Jahon chempionati saralash o‘yinida.
Borg El Arab stadioni 2017-yil oktyabr oyida 2018-yilgi Jahon chempionati saralash o‘yinida.
2005-yil noyabr oyida qurilayotgan stadionning ko‘rinishi
2005-yil noyabr oyida qurilayotgan stadionning ko‘rinishi