Kontent qismiga oʻtish

Burak Sevinch

ZiyoSfera, erkin ensiklopediya
Burak Sevinch

Burak Sevinch, 2019-yildagi TEMA Vakfı kechasida
Taʼlimi Yıldız Texnik Universuteti (tashlagan)
Kasbi Aktyor, Qoʻshiqchi
Mukofotlari Turkiya yoshlar mukofoti,Oltin kapalak mukofoti

Burak Sevinch (1985-yil 27-oktabrda tugʻilgan, Zonguldak ) – turk aktyori va musiqachisi.

Hayoti

Burak Sevinch 1985-yil 27-oktyabrda Turkiyaning Qora dengiz mintaqasidagi Zonguldak shahrida tugʻilgan. U Ud cholgʻusi ijrochisi Özjan Sevinchning oʻgʻli hisoblanadi.

Boshlangʻich va oʻrta maktabni Zonguldakda tamomlagandan soʻng, Sevinch oliy ta'lim olish uchun Istanbulga koʻchib ketadi va Yulduz Texnik Universiteti Dizayn fakultetining musiqa va sahna san'at boʻlimiga oʻqishga kiradi, lekin, ikkinchi kursda universitetni tark etdi. Bir intervyusida, "Hamma joyda Yulduz Texnika Universitetini tamomlaganim aytiladi, lekin YTUni ikkinchi kursda tashlab ketdim. Men San'at va dizayn fakultetining "Musiqa ansambllari" boʻlimida oʻqirdim" deb javob bergan[1].

Aktyorlik bilan bir qatorda musiqaga ham qiziqqan aktyor 11 yoshida otasining tavsiyasi bilan Turk Mumtoz Musiqa Assotsiatsiyasida Qonun cholg‘u asbobi boʻyicha saboq ola boshlaydi[2]. 6 oylik mashg‘ulotdan so‘ng Sevinch skripka, ud, qonun va gitara kabi cholg‘u asboblarida chalishni oʻrgandi va 1997-yili Zonguldak San’at Musiqa uyushmasida kontsert berishni boshladi. U bir muddat Behzat Gerçeker rahbarligidagi Enbe orkestrida musiqachi sifatida ham professional faoliyat yuritadi[3]. Aktyorlik va musiqachilikdan tashqari duradgorlikka ham qiziqqan Sevinch oʻz intervyularidan birida “Bir necha yillardan beri duradgorlikka juda qiziqaman, yog‘och bilan shug‘ullanishni yaxshi ko‘raman. Uyimdagi koʻp narsalar oʻzimniki. Bu men uchun terapiya. “Men soatlab hech narsani o‘ylamay ishlay olaman”, deydi u[4]. Yoshligidan gʻavvoslikka qiziqqan Sevinch 5 yil davomida gʻavvoslik boʻyicha ta'lim olgan. Uzoq muddatli mashgʻulotlardan soʻng u 7 yildan ortiq professional ravishda gʻavvoslik bilan shugʻullanadi[5]. Basketbol, voleybol, gandbol kabi sport turlariga ham qiziqadi[6].

Faoliyati

2011-2016: Dastlabki yillar

U ilk aktyorlik faoliyatini 2011-yilda rejissyor Ahmet Katiksiz iltimosiga ko‘ra, “ Otam uchun” serialidagi “Alpay” obrazi bilan boshlagan[7]. Serial tugagallangandan so‘ng 2012-yilda “Yo‘l Ayrimi” serialida “Yusuf” obrazini ijro etadi. Keyin u "Salom Hayot" (2013-yil) va "Yolgʻon Dunyo " (2013-yil) kabi teleseriallarda epizotik rollarni ijro etadi. Xuddi shu yili u Pana Film tomonidan ishlab chiqarilgan "Men uni juda sevdim" (2013-yil) teleserialida suratga tusha boshladi. Mehmet Aslantugʻ, Idil Fırat va Birce Akalay kabi aktyorlar ishtirok etgan serialda Mehmet Aslantugʻning haydovchisi "Hasan Bey" rolini oʻynadi. Serialning 15-qismida suratga tushganidan so‘ng, u Po‘lat Alemdarning qo‘riqchisi “Timur Emir” obrazi bilan o‘sha prodyuserlik kompaniyasining boshqa bir seriali “Qashqirlar makoni : Pistirma ” (2013-yil) ga o‘tkazildi[8]. Bir intervyusida shu roli uchun bir yil ichida 16 kilogramm tashlaganini aytgan Sevinch, “Rol uchun Wing Chun deb nomlangan jangovar sport turini oʻrgandim. Chunki Necati Shashmaz mendan shunday narsani talab qilgan edi. Bu mudofaa sporti, lekin bu juda qiyin sport. Siz raqibingizga eng qisqa yoʻl bilan hujum qilishni oʻrganasiz. Men ushbu sport bilan jismoniy tayyorgarligimni saqlab qoldim. Men shakarni hayotimdan olib tashlab, bir yilda 16 kilogrammni tashladim." degan edi[9]. Serialda 3 fasl suratga tushganidan so‘ng, ssenariy bo‘yicha o‘lib serial bilan xayrlashdi. Keyingi davrda “Uylangan va gʻazablangan” (2015-yil), “Oltinsoylar ” (2016-yil) seriallarida va “Qaytib kelsa menikidir” (2016-yil) filmlarida suratga tushdi.

2017- yildan hozirgi kungacha: Soʻz, Dog',Qirmizi xona va boshqa loyihalar

2019-yilda “Dogʻ” serialida “Jem Yenilmez” rolini ijro etgan.

Burak Sevinch 2017-2019-yillar oraligʻida "Va'da<i id="mwUQ">"</i> serialidagi "Fethi Kulaksiz" obrazi bilan bir qancha muvaffaqiyatlarni qoʻlga kiritdi. Serialda askar rolini oʻynagan Sevinch, tayyorgarlik jarayonida nafaqadagi maxsus kuchlar tomonidan ikki hafta davomida ogʻir lagerda sheriklari bilan harbiy ta'lim oladi. Yagona tartib-intizom, salomlashish, qoʻriqlash tartib-qoidalari, murojaat qilish uslubi, qurolni olib yurish va ishlatish tamoyillaridan tashqari, u yaqin himoya va jangovar tayyorgarlikdan ham oʻrganadi[10]. Sevinch ssenariyga koʻra, serial uchinchi faslining oxirlarida vafot etadi, serial bilan xayrlashdi[11]. Shundan soʻng, 2019-yil aprel oyida Melis Sezen bilan "<i>Dog'</i>' teleserialida birinchi bosh rolini ijro etadi[12]. 9-qismdan soʻng bekor qilingan serialda aktyor “Jem Yenilmez” obrazini ijro etgan. 2020-yil boshida u birinchi teatrdagi faoliyatini "Izmir Qizlari" nomli musiqiy filmda rol ijro etish bilan boshlaydi, filmda u Gokche Bahadir bilan bosh rolni oʻynadi. Myuziklning premyerasi 2020-yil 24-yanvarda bo‘lib o‘tdi[13] [14]. Sevinch musiqiy filmdagi aktyorlik va vokal ijrosi bilan katta olqishlarga sazovor boʻldi. 2020-yil 11-may kuni butun dunyo boʻylab sodir boʻlayotgan COVID-19 pandemiyasi va Turkiyada koʻrilayotgan chora-tadbirlar tufayli myuzikl bir qancha vaqtga toʻxtatildi.

U 2020-yil 14-fevralda Algi Eke va Nur Sürer ishtirokida ekranlarga chiqqan romantik komediyada “Gökhan Hanjiog‘lu” rolini ijro etadi[15]. Oʻsha yili u TV8 telekanalida namoyish etilgan va psixiatr Gulseren Budayıcıogʻluning "Medalyon ichida" romani asosida suratga olingan "Qirmizi xona" serialida Binnur Kaya, Tulin Oʻzen va Merich Aral bilan bosh rollarni ijro etib, serialdagi “Doktor Deniz Saner” obraziga hayot baxsh etadi[16]. Serialning 30-qismida suratga tushganidan so‘ng u o‘z iltimosiga ko‘ra loyihani tark etgan[17].

Hozirgi vaqtda Sevinch Turk adabiyoti tarixidagi mashhur shoir Hoji Bayram Veli hayotini hikoya qiluvchi "Ishq sayohati" teleserialidagi " Hoji Bayram Veli " obrazini gavdalantirmoqda[18]..

Shaxsiy hayoti

2015-yilning 1-avgustida Zonguldak Kapuz plyajida u Istanbul shahar teatri aktrisasi va yoga boʻyicha oʻqituvchi Shirin Rehber bilan turmush qurdi[19]. Er-xotin 2021-yil may oyidagi sud majlisida ajrashishdi[20].

Burak Sevinch 2020-yil aprel oyida mast holda mashina haydab ketayotib, avtohalokatga uchradi. Aktyor qoni tarkibida 1,28 promil spirt borligi aniqlangach, unga nisbatan qonuniy chora ko‘rilgan. Prokuratura “Yo‘l harakati xavfsizligiga xavf tug‘dirish” jinoyati uchun 6 yilgacha qamoq jazosini talab qilib, ayblov e’lon qildi[21]. Istanbul mahkamasida sudya huzuriga kelgan Sevinch sud majlisida voqea sodir bo‘lgan kuni spirtli ichimlik ichib, mashina boshqarganini tan oldi. Sud Sevinchni jinoyat bayoni va ayblanuvchining aybiga iqror bo‘lganligi sababli 2 oy 15 kun muddatga ozodlikdan mahrum qildi[21]

Xayriya ishlaridagi faoliyati

Burak Sevinch koʻplab ijtimoiy xayriya loyihalarida ishtirok etgan. U 2018-yilda "Zuhal musiqa va saratonsiz hayot" uyushmasi tashabbusi bilan amalga oshirilgan “You Press a Note” ijtimoiy xayriya loyihasida ishtirok etdi. Loyiha doirasida barcha yosh guruhlar uchun ritm mahorat darslari tashkil etildi. Sevinch ritm maktablarida saraton bilan xastalangan bolalarga ritm darslari berdi, shuningdek, koʻplab mashhur bilan birga Bulent Ortachgilning "Men bilan oʻynaysanmi?" qoʻshigʻini kuyladi. Loyihadan olingan barcha daromadlar  saraton kasalligi bilan xastalangan bolalarni davolash uchun "Saratonsiz hayot" uyushmasiga topshirildi[22]..

U 2020-yil yanvar oyida "Butunjahon insonlarga yordam assotsiatsiyasi" boshchiligida amalga oshirilgan "Zulmatni sindirish/Bir narsa deyish" loyihasida ishtirok etdi. Sevinch Turkiyada kundan-kunga ortib borayotgan bolalarga nisbatan zoʻravonliklarning oldini olish va bolalarda ogohlikni oshirish maqsadida tayyorlangan "Zulmatni sindirish" nomli qisqa metrajli filmda Şevval Sam, Belchim Bilgin va Engin Altan Düzyatan kabi aktyorlar bilan birga rol ijro etdi[23]. Bundan tashqari, 2016-, 2018- va 2019-yillarda u NTV telekanalida TEMA fondi tomonidan tashkillashtirilgan “Umid baxsh etadigan qo‘shiqlar” nomli maxsus ko‘rsatuvda ko‘p marotaba ixtiyoriy ravishda qoʻshiq kuylagan va bolalarning tabiatdan ta’lim olishiga xizmat qilgan[24].

Filmografiyasi

Sinema
Yıl Yapım Rol Notlar
2016 Dönerse Senindir Arda Ardan Yardımcı oyuncu
2017 Mahalle Cafer
2020 Nasipse Olur Gökhan Hancıoğlu Başrol oyuncusu
2022 Soygun Oyunu: Büyük Vurgun Ali Toprak
2023 Murat Göğebakan: Kalbim Yaralı Murat Göğebakan
Roza Ferdi
2024 Hatıran Yeter Adem
Beyaz Eşya Nihat
Televizyon
Yıl Yapım Rol Notlar
2011 Babam İçin Alpay Yardımcı oyuncu
2012 Yol Ayrımı Yusuf
2013 Merhaba Hayat Onur Konuk oyuncu
Yalan Dünya -
Ben Onu Çok Sevdim Hasan Yardımcı oyuncu
2013-2015 Kurtlar Vadisi Pusu Timur Emir
2015-2016 Evli ve Öfkeli Cihan
2016 Altınsoylar Oğuz Katran
2017-2019 <i id="mwARA">Söz</i> Fethi Kulaksız (Avcı) Başrol oyuncusu
2019 <i id="mwARc">Leke</i> Cem Yenilmez
2020-2021 Kırmızı Oda Dr. Deniz Saner
2022 <i id="mwASQ">Aşkın Yolculuğu:</i><br id="mwASU"><br><i id="mwASY">Hacı Bayram-ı Veli</i> Numan bin Ahmed /

Hacı Bayram-ı Veli
İçimizdeki Ateş Doğan Yener
2023-günümüz Hudutsuz Sevda Fikret Leto
İnternet dizi ve filmleri
Yıl Yapım Rol Notlar
2021-2022 Bonkis Onur Başrol oyuncusu
2022 Sadece Arkadaşız Emre Konuk oyuncu
2023 1973: Biltmore Oteli Cinayeti Bahadır Demir Başrol oyuncusu

Teatrdagi rollari

Teatr
Yil Oʻyin Rol Eslatmalar
2020 Izmir qizlari Ediz Bosh rol

Mukofotlar va nominatsiyalar

Yil Taqdirlash marosimi Turkum Loyiha Xulosa
2019 5. Turkiya yoshlar mukofotlari Teleserialdagi eng yaxshi ikkinchi plandagi aktyor <i id="mwAXc">Va'da</i> Nomzodlikka qoʻyilgan
10. KTU Media mukofotlari Ikkinchi plandagi eng mashhur aktyor Nomzodlikka qoʻyilgan
Eng yaxshi teleseriallar juftligi (Action & Fethi) Nomzodlikka qoʻyilgan
2020 46. Pantene Oltin Kapalak mukofotlari Eng yaxshi aktyor Dog' Nomzodlikka qoʻyilgan
Eng yaxshi serial juftligi (Yasemin va Cem) Nomzodlikka qoʻyilgan

Manbalar

  1. ↑ „Burak Sevinç: “Oyuncu aslında seyircidir”“ (Türkçe). ranini.tv. 16 mayıs 2018da asl nusxadan arxivlangan. Qaraldi: 13 mayıs 2021.
  2. ↑ „“Müzik de oyunculuk da derya deniz”“ (Türkçe). Milliyet. 26 ocak 2021da asl nusxadan arxivlangan. Qaraldi: 24 mayıs 2021.
  3. ↑ „“Müzik de oyunculuk da derya deniz”“ (Türkçe). Milliyet. 26 ocak 2021da asl nusxadan arxivlangan. Qaraldi: 25 mayıs 2021.
  4. ↑ „Kırmızı Oda'nın terapisti Deniz içini döktü“ (Türkçe). Cumhuriyet. 28 kasım 2020da asl nusxadan arxivlangan. Qaraldi: 25 mayıs 2021.
  5. ↑ „'Oldukça zor oldu'“ (Türkçe). hthayat.haberturk.com. 1 ağustos 2018da asl nusxadan arxivlangan. Qaraldi: 24 mayıs 2021.
  6. ↑ „Burak Sevinc“ (İngilizce). neslihanyaprak. 25 mayıs 2021da asl nusxadan arxivlangan. Qaraldi: 25 mayıs 2021.
  7. ↑ „Burak Sevinç: “Oyuncu aslında seyircidir”“ (Türkçe). ranini.tv. 16 mayıs 2018da asl nusxadan arxivlangan. Qaraldi: 15 nisan 2021.
  8. ↑ „İki dizi arasında transfer!“ (Türkçe). Milliyet. 20 mayıs 2021da asl nusxadan arxivlangan. Qaraldi: 25 mayıs 2021.
  9. ↑ „Necati Şaşmaz çok şeker bir adam“ (Türkçe). Sabah. 16 eylül 2014da asl nusxadan arxivlangan. Qaraldi: 25 mayıs 2021.
  10. ↑ „'Söz' dizisi oyuncuları askeri eğitim aldı“ (Türkçe). NTV. 1-aprelda asl nusxadan arxivlangan. Qaraldi: 11 temmuz 2021.
  11. ↑ „Burak Sevinç, Söz dizisine veda etti“. Sözcü. 16 nisan 2021da asl nusxadan arxivlangan. Qaraldi: 16 nisan 2021.
  12. ↑ „Melis Sezen ve Burak Sevinç: Aşktan kaçılmaz!“ (Türkçe). Posta. 2 temmuz 2019da asl nusxadan arxivlangan. Qaraldi: 14 nisan 2021.
  13. ↑ code.company. „'İzmir'in Kızları' prömiyer yaptı!“ (Türkçe). Gecce. 31-martda asl nusxadan arxivlangan. Qaraldi: 16 nisan 2021.
  14. ↑ „'İzmir'in Kızları' başlıyor“ (Türkçe). Hürriyet. 17 ocak 2020da asl nusxadan arxivlangan. Qaraldi: 16 nisan 2021.
  15. ↑ „Nasipse Olur filmi konusu ve oyuncuları“ (Türkçe). hthayat.haberturk.com. 2 ocak 2021da asl nusxadan arxivlangan. Qaraldi: 14 nisan 2021.
  16. ↑ „Kırmızı Oda oyuncuları kimler?“ (Türkçe). hthayat.haberturk.com. 21 ocak 2021da asl nusxadan arxivlangan. Qaraldi: 3 mayıs 2021.
  17. ↑ „Kırmızı Oda'da yaprak dökümü: İki başrol oyuncusu diziden ayrıldı“ (Türkçe). T24. 28-martda asl nusxadan arxivlangan. Qaraldi: 24 mayıs 2021.
  18. ↑ „Burak Sevinç ile Almila Ada'nın başrolündeki Hacı Bayram-ı Veli dizisi geliyor“ (Türkçe). aksam.com.tr. 25 mayıs 2021da asl nusxadan arxivlangan. Qaraldi: 25 mayıs 2021.
  19. ↑ „Müzikal gibi düğün | Oya Doğan | GAZETE VATAN“. www.gazetevatan.com. 22 ağustos 2015da asl nusxadan arxivlangan. Qaraldi: 17 nisan 2021.
  20. ↑ „Burak Sevinç 6 yıllık evliliğini tek celsede bitirdi - AyaklıGazete“ (Türkçe). 17 mayıs 2021da asl nusxadan arxivlangan. Qaraldi: 17 mayıs 2021.
  21. ↑ 21,0 21,1 „Oyuncu Burak Sevinç'e hapis cezası! Burak Sevinç alkolün dozunu kaçırıp...“ (Türkçe). CNN Türk. 14 nisan 2020da asl nusxadan arxivlangan. Qaraldi: 13 mayıs 2021.
  22. ↑ „Kanserli çocuklar için anlamlı proje“ (Türkçe). Milliyet. 11 aralık 2019da asl nusxadan arxivlangan. Qaraldi: 25 mayıs 2021.
  23. ↑ „Karanlığı Arala!“ (tr-TR) (17 nisan 2020). 22 eylül 2020da asl nusxadan arxivlangan. Qaraldi: 25 mayıs 2021.
  24. ↑ „Ünlüler Sezen Aksu şarkılarını çocuklar ve doğa için söyledi“ (Türkçe). NTV. 29 nisan 2019da asl nusxadan arxivlangan. Qaraldi: 25 mayıs 2021.

Tashqi havolalar

Philanthropy

Qolaversa, bolalarning tabiat haqida bilim olishlari uchun 2016, 2018 va 2019-yillarda NTV telekanalida TEMA jamg‘armasi tomonidan tashkil etilgan “Umut Yeşerten sharqilar” maxsus ko‘rsatuvida o‘z ixtiyori bilan ko‘p marotaba chiqishini qilgan [1] .

  1. ↑ „Ünlüler Sezen Aksu şarkılarını çocuklar ve doğa için söyledi“ (Turkish). www.ntv.com.tr. 2019-yil 29-aprelda asl nusxadan arxivlangan. Qaraldi: 2021-yil 25-may. 
"https://ziyosfera.uz/index.php?title=Burak_Sevinch&oldid=346393" dan olindi