Bu oqshom
| „Bu oqshom“ | |
|---|---|
| „Uch quduq“ qoʻshigʻi | |
| Chiqarilgan sanasi | 1979 |
| Yozib olingan | 1979 |
| Janr | pop-rok |
| Qoʻshiq muallif(lar)i | Ziyod Eshonxoʻjayev |
| Bastakor(lar) | Ziyod Eshonxoʻjayev |
„Bu oqshom“ — „Uch quduq“ oʻzbek pop-rok guruhi ijro etgan qoʻshiq. 1979-yil eʼlon qilingan. Qoʻshiq soʻzini ham, kuyini ham guruh solisti Ziyod Eshonxoʻjayev yozgan[manba kerak]. „Bu oqshom“ guruh va Eshonxoʻjayev repertuaridagi eng taniqli kompozitsiyalarning biridir.
1979-yil qoʻshiq uchun sodda klip olingan. Unda „Uch quduq“ guruhining ikki aʼzosi akustik gitara bilan taronani daryo boʻyida ijro etayotgani tasvirlangan. Eshonxoʻjayev taronani yakkaxon karyerasi davomida muntazam ijro etib keladi. 1979-yildan keyingi 40 yil mobaynida xonanda qoʻshiqni turli talqinda kuylagan[1].
„Bu oqshom“ 1970-yillarda yozilgan oʻzbek tilidagi eng taniqli taronalarning biridir. Qoʻshiq bugunga qadar bir necha xonanda va guruhlar, jumladan, Sevara Nazarxon, Jahongir Mirzo hamda „Serenada“ va „Xoʻja“ guruhlari tomonidan kaver qilingan. Qoʻshiq 2022-yil 7-aprel sanasida efirga uzatilgan „Artist“ koʻrsatuvining 1-mavsumida ishtirokchi Mirabbos Qosimov tomonidan estrada yoʻnalishda kaver qilib kuylangan[2]. Shuningdek, qoʻshiq oʻzbek havaskor gitarachilari orasida ommalashgan.
Manbalar
- ↑ Atayev, Nodir „Chalish uslublari“. Gitara chalishni oʻrganamiz. Qaraldi: 30-noyabr 2022-yil.
- ↑
Mirabbos Qosimov - Bu oqshom (Artist SHOU 2022) YouTubeda