Brunette
Brunette | |
|---|---|
.jpg) | |
| Tavalludi |
Elen Yeremyan 2001-yil 27-may[1] Yerevan, Armaniston |
| Janrlar | Pop |
| Faoliyat yillari | 2019–hozirgacha |
Elen Yeremyan (armancha: Էլեն Երեմյան; 2001-yil 27-mayda tugʻilgan) — Brunette (armancha: Բրյունետ) taxallusi bilan tanilgan arman xonanda va qoʻshiqnavisi. U „Future Lover“ qoʻshigʻi bilan Armaniston nomidan „Eurovision–2023“ tanlovida ishtirok etgan va yakunda 14-oʻrinni egallagan[2][3].
Karyerasi
Brunette toʻrt yoshidan boshlab qoʻshiq kuylashni, oʻn besh yoshidan esa qoʻshiqlar yozishni boshlagan[4].
2019-yil sentyabr oyida, 18 yoshida, u Nvak Foundation bilan hamkorlikda oʻzining ilk singli — „Love the Way You Feel“ni chiqargan[5]. Keyinchalik Brunette Yerevanda faoliyat yurituvchi, tungi klublarda chiqish qiladigan Project 12 musiqiy jamoasiga aʼzo boʻlgan. Shuningdek, u „Menq“ qoʻshigʻi bilan tanilgan En aghjiknery qizlar guruhi tarkibida ham faoliyat yuritadi. 2022-yilda Brunette „Gisher“, „Smoke Break“ va „Bac kapuyt achqerd“ singllarini chiqargan. Ularning ichida „Bac kapuyt achqerd“ qoʻshigʻi ijtimoiy tarmoqlarda ommalashib ketgan[6].
Brunette 2023-yil 1-fevralda Armaniston nomidan „Eurovision–2023“ qoʻshiq tanlovida ishtirok etish uchun oʻtkaziladigan milliy saralash bosqichida gʻoliblikni qoʻlga kiritgan. Uning „Future Lover“ qoʻshigʻi 2023-yil 15-martda eʼlon qilingan[7]. Brunette 11-may kuni boʻlib oʻtgan ikkinchi yarim finalda chiqish qilib, 6-oʻrinni egallagan va finalga yoʻl olgan. Yakunda u 13-may kuni oʻtkazilgan grand finalda 122 ball bilan 14-oʻrinni egallagan[8].
2024-yil may oyida Brunette „Eurovision-2024“da Armaniston hakamlar ovozlarini eʼlon qiluvchi vakil sifatida tanlangan. 2025-yil 16-fevralda esa u tanlov saralashining mahalliy bosqichi doirasida „Future Lover“, „No Energy“ va „Superstar Illness“ qoʻshiqlarini ijro etgan.
Diskografiyasi
Studiyaviy albomlari
| Nomi | Maʼlumotlar |
|---|---|
| Love Reversed |
|
Manbalar
- ↑ „Ones To Watch“. Ones to Watch. 2023-yil 22-sentyabrda asl nusxadan arxivlangan. Qaraldi: 2023-yil 6-fevral.
- ↑ „Armenia pick Brunette for Eurovision“. eurovision.tv (2023-yil 1-fevral). 2023-yil 1-fevralda asl nusxadan arxivlangan. Qaraldi: 2023-yil 6-fevral.
- ↑ „Armenia's Brunette releases "Future Lover" for Eurovision 2023 – POPXD“ (en-US). 2023-yil 31-martda asl nusxadan arxivlangan. Qaraldi: 2023-yil 31-mart.
- ↑ „Big news from Armenia: Brunette was chosen to represent her home country at the Eurovision Song Contest 2023 in Liverpool“. eurovoxx.tv. 2023-yil 22-martda asl nusxadan arxivlangan. Qaraldi: 2023-yil 5-fevral.
- ↑ „Armenian Pop Singer Brunette Releases 'Love the Way You Feel' in Support of Non-Profit Nvak“. onestowatch.com. 2023-yil 10-martda asl nusxadan arxivlangan. Qaraldi: 2023-yil 5-fevral.
- ↑ „Ո՞վ է Բրյունետը և ինչո՞ւ ընտրվեց «Եվրատեսիլ 2023»-ին Հայաստանի պատվիրակ“ [Who is Brunette and why was she chosen as Armenia's representative at Eurovision 2023?] (hy). tert.am (2023-yil 2-fevral). 2023-yil 5-fevralda asl nusxadan arxivlangan. Qaraldi: 2023-yil 21-fevral.
- ↑ @Eurovision. „It's Brunette for Armenia! The talented pop star will reveal her song for #Eurovision2023 next month“.
- ↑ Morris, Lauren „Eurovision 2023 results: Full scoreboard and points“. Radio Times (2023-yil 14-may). 2023-yil 13-mayda asl nusxadan arxivlangan. Qaraldi: 2023-yil 14-may.
- ↑ „LOVE REVERSED - Album by Brunette“. Apple Music. Qaraldi: 2025-yil 7-noyabr.