Brendan Burkett
| Brendan Burkett | |
|---|---|
 Burkett 2000-yilgi Yozgi Paralimpiya oʻyinlarining ochilish marosimidagi sportchilar paradida bayroqdor sifatida Avstraliya terma jamoasini boshlab bormoqda | |
| Shaxsiy maʼlumotlari | |
| Tavallud sanasi |
1963-yil 7-oktyabr Brisben, Queensland |
| Sport | |
| Mamlakat | Avstraliyalik |
Brendan John Burkett (1963-yil 7-oktyabrda tugʻilgan) — avstraliyalik suzuvchi. U toʻrtta Paralimpiya oʻyinlarida beshta medal hamda 1994-yilgi Viktoriya Hamdoʻstlik oʻyinlarida kumush medalni qoʻlga kiritgan [1][2].
Shaxsiy hayoti
Burkett 1963-yil 7-oktyabrda Brisben shahrida olti farzandli oilada dunyoga kelgan[1][3]. U Kvinslend shtatining Gladston shahri yaqinidagi Tannum Sands shaharchasida oʻsgan[4]. U mahalliy regbi-lig jamoasi sardori boʻlgan va ushbu sport turida professional faoliyat yuritishni orzu qilgan. 1984-yilda Yangi Zelandiya boʻylab turga chiqqan Kvinslend terma jamoasi tarkibida oʻynagan[1][4][5].
1985-yil 21-dekabrda, Markaziy Kvinslend universitetini tamomlagan kuni u mototsikl boshqarayotganda yoʻl-transport hodisasiga uchragan. Uning chap oyogʻi oʻn uch joyidan sinib, oʻn kundan soʻng amputatsiya qilingan[4][6].
Sportchi 1985-yilda Markaziy Kvinslend universitetida muhandislik bakalavri darajasini va 1986-yilda Kvinslend texnologiya universitetida muhandislik magistri darajasini olgan[6][4][7]. Shuningdek, u Kvinslend texnologiya universitetida biomexanika boʻyicha doktorlik (PhD) darajasini yoqlagan[7][8]. Burkett besh yil davomida muhandis-maslahatchi boʻlib ishlagan, shulardan bir yilini Shimoliy dengizda oʻtkazgan. Burkett u yerdagi neft qudugʻida ishlagan imkoniyati cheklangan birinchi inson boʻlgan[9].
1998-yilda u Sanshayn-Kost universiteti professori boʻlgan[7]. 1999-yilda u Avstraliya regbi terma jamoasiga oʻsha yilgi Regbi boʻyicha jahon chempionatiga tayyorgarlik koʻrishda yordam bergan[4]. U 2002-yilgi Jahon chempionati, 004-yilgi Paralimpiya oʻyinlari va 2006-yilgi Jahon chempionatida Avstraliya Paralimpiya suzish terma jamoasining milliy sport ilmi koordinatori boʻlib xizmat qilgan[7]. Sanshayn-Kost universitetida Fan, salomatlik va taʼlim fakulteti dekani vazifasini bajaruvchi hamda salomatlik, sport va jismoniy mashqlar markazi direktori lavozimlarida faoliyat yuritgan[8]. Uning tadqiqot yoʻnalishlariga inson salomatligi va jismoniy imkoniyatlari hamda sport biomexanikasi kiradi[7].
2008-yilda oilasi bilan Nusada dam olayotganda, uning suv oʻtkazmaydigan protez oyogʻi oʻgʻirlab ketilgan[10].
Manbalar
- ↑ 1,0 1,1 1,2 „Australians at the 1996 Atlanta Paralympics: Swimmers“. Australian Sports Commission. 2000-yil 19-yanvarda asl nusxadan arxivlangan. Qaraldi: 2014-yil 18-may.
- ↑ „Burkett, Brendan John, OAM“. Australian Honours Search Facility. Qaraldi: 2020-yil 7-iyul.
- ↑ „Goodbye to a 'loveable larrikin'“. The Observer (2009-yil 23-oktyabr). Qaraldi: 2012-yil 11-fevral.
- ↑ 4,0 4,1 4,2 4,3 4,4 Maguire, Kathleen. This Dr Jekyll thrives on hurting. The Australian (2000-yil 9-oktyabr), s. 105.
- ↑ Cowly, Michael „A Leader, On Land Or in Water“. The Sydney Morning Herald (1999-yil 4-iyun). Qaraldi: 2012-yil 11-fevral.
- ↑ 6,0 6,1 „Gladstone stars shine in Beijing“. The Observer (2008-yil 11-sentyabr). Qaraldi: 2012-yil 11-fevral.
- ↑ 7,0 7,1 7,2 7,3 7,4 „Professor Brendan Burkett“. University of the Sunshine Coast. 2011-yil 28-mayda asl nusxadan arxivlangan. Qaraldi: 2011-yil 5-noyabr.
- ↑ 8,0 8,1 „QAS Board“. Queensland Academy of Sport. 2011-yil 30-noyabrda asl nusxadan arxivlangan. Qaraldi: 2011-yil 4-noyabr.
- ↑ „Brendan Burkett“. Australian Speakers Bureau. Qaraldi: 2012-yil 11-fevral.
- ↑ Ja, Crystal. „Paralympic swimmer Brendan Burkett's leg stolen“ (2008-yil 16-mart). Qaraldi: 2011-yil 5-noyabr.