Braxma
Braxma — Vedalar adabiyotida Xudoning yaratish qudrati ato etilgan buyuk farishta. Braxmaga moddiy koinotni, undagi barcha tirik va notirik mavjudotlar bilann birga, yaratish vazifasi yuklatilgan. U 100 yil umr koʻradi. Uning bir kuni Kalpa deb ataladi va har biri toʻrt yugadan iborat ming davr davom etadi. Bu toʻrt yuga: Satya-yuga, Treta-yuga, Dvapara-yuga va Kali-yuga deb ataladi. Satya-yuga 1.728.000y., Treta-yuga 1.296.000 y., Dvapara-yuga 864000 y. va Kali-yuga 432000 y. davom etadi. Braxmaning tuni ham ming kalpa davom etadi. Braxmaning 100 ylik umri Yerdagi vaqt hisobi boʻyicha 311trillion 40 million y.ga teng. Shundan keyin Braxma oʻzi yaratgan koinot bilan birga yana mavhumlik holatiga oʻtadi. Braxma - hinduizmda Vishnu va Shiva bilan birga trimurti, yaʼni ilohiy troitsa (uchlik)ni tashkil qiluvchi xudolardan biri. Braxma dastlab dunyoni yaratuvchi va boshqaruvchi oliy xudo sifatida namoyon boʻlgan. Soʻnggi davrlarda hinduizmda troitsaning boshqa ikki aʼzosi oldinga oʻtib, Braxma oxirgi oʻrinni egallagan[1].
Manbalar
Adabiyotlar
- Najmiddinov J., Karimov J., Turdiyeva D.. Dinshunoslik. Qomusiy lugʻat. Imom Buxoriy xalqaro markazi nashriyoti, 2017 — 480-bet. ISBN 978-9943-5105-3-1.