Bozorboy Oʻrinboyev
- Vikipediyada ismi Bozor va familiyasi Oʻrinboyev boʻlgan boshqa kishilar haqida ham maqolalar mavjud.
| Bozorboy Oʻrinboyev | |
|---|---|
 | |
| Tavalludi |
3-iyun 1936-yil Gʻazira qishlogʻi, Jomboy tumani, Samarqand viloyati, OʻzSSR |
| Vafoti |
2014 |
| Fuqaroligi |
 SSSR Oʻzbekiston |
| Sohasi | Tilshunos |
| Taʼlimi | Samarqand davlat universiteti |
Bozorboy Oʻrinboyev – taniqli tilshunos olim, filologiya fanlari doktori, professor. 1936-yil 3-iyunda Samarqand viloyati, Jomboy tumani, Gʻazira qishlogʻida tugʻilgan[1]. Samarqand tojik pedagogika instituti va Samarqand davlat universitetining oʻzbek filologiyasi fakultetida tahsil olgan. Mehnat faoliyatini Jomboy tumani maktablarida oʻqituvchilikdan boshlagan. Keyinchalik ilmiy boʻlim mudiri, direktor boʻlib ishlagan[1].
Samarqand davlat universiteti aspiranturasida tahsil olgach, katta laborant, Qarshi pedagogika instituti (hozirgi Qarshi davlat universiteti) dotsenti (1965-1967)[1], Samarqand pedagogika instituti (1992-yildan keyin Samarqand davlat universiteti) dotsenti, kafedra mudiri, dekan, prorektor va rektor (1967-1974) lavozimlarida ishladi[1].
1974-yildan Jizzax davlat pedagogika instituti (hozirgi Jizzax davlat pedagogika universiteti) rektori sifatida ish boshladi[1] va u yerdagi faoliyatini yakunlab, 1992-yilda Samarqandga qaytdi va Samarqand davlat universiteti, Samarqand kooperativ instituti, Samarqand davlat chet tillar instituti kabi muassasalarda kafedra mudiri boʻlib ishladi hamda ushbu davrlarda oʻzbek tili rivojiga katta hissa qoʻshdi.
Olim, Oʻzbekiston va SSSR xalq taʼlimi aʼlochisi Bozorboy Oʻrinboyev 2014-yilda vafot etgan.
Manbalar
- ↑ 1,0 1,1 1,2 1,3 1,4 Filologiya fanlari nomzodi, dotsent A.Musayev „Jizzax davlat pedagogika universitetining birinchi rektori haqida“. jdpu.uz. Jizzax: Jizzax davlat pedagogika universiteti (2024-yil 16-may). Qaraldi: 13-sentabr 2025-yil.