Boychechak (oʻzbek xalq ijodi)
| Muallif(lar) | Oxunjon Safarov va Kamol Ochilov (tuzuvchi va nashrga tayyorlovchi) |
|---|---|
| Til | oʻzbekcha |
| Janr(lar)i | xalq ijodi |
| Nashr etilgan sanasi | 1984 |
| Nashriyot | Gʻafur Gʻulom nomidagi adabiyot va sanʼat nashriyoti |
| Sahifalar soni | 336 |
„Boychechak“ — 1984-yil chop etilgan oʻzbekcha bolalar folklori va mehnat taronalari toʻplami. Toʻplamni Oxunjon Safarov va Kamol Ochilovlar tuzgan va nashrga tayyorlagan. Kitob Gʻafur Gʻulom nomidagi adabiyot va sanʼat nashriyotida chop etilgan. Ushbu toʻplamga Oktabr inqilobigacha boʻlgan boy va xilma-xil oʻzbek bolalar folklori, shuningdek, Sovet Ittifoqi davridagi bolalar ogʻzaki ijodi hamda mehnat qoʻshiqlaridan namunalar kiritilgan. Tahrir hayʼati Komil Yashin, Sarvar Azimov, Marat Nurmuhamedov, Matyoqub Qoʻshjonov, Muzayyana Alaviya, Shonazar Shoabdurahmonov, Toʻra Mirzayev, Muhammad Ali, Solih Qosimov, Bahodir Sarimsoqov, Jumaniyoz Jabborov, Yusuf Sultonovlardan iborat boʻlgan.
„Boychechak“ „Oʻzbek xalq ijodi“ koʻp jildli kitoblar seriyasiga kiritilgan kitoblarning biridir. Kitob ikki qismga boʻlingan boʻlib, birinchi qismga bolalar folklori, ikkinchi qismga esa mehnat qoʻshiqlari kiritilgan. Toʻplamga kiritilgan aytim-olqishlar adabiyotshunoslar tomonidan tahlil qilingan[1], boshqa asarlar bilan bir qatorda ushbu toʻplamning tahlili asosida ilmiy ish yoqlangan[2].
Manbalar
- ↑ Ўринова, Мафтуна (2023). „"Бойчечак" тўпламидаги айтим-олқишлар таҳлили“. Ta’lim va innovatsion tadqiqotlar. № 6. 80–83-bet. ISSN 2181-1709. Qaraldi: 12-oktyabr 2025-yil.
{{cite magazine}}: CS1 maint: date format () - ↑ „Ўринова Мафтуна Нўмон қизининг фалсафа доктори (PhD) диссертацияси ҳимояси ҳақида эълон“. O‘zbekiston Respublikasi Oliy ta’lim, fan va innovatsiyalar vazirligi huzuridagi Oliy attestatsiya komissiyas. Qaraldi: 12-oktabr 2025-yil.
Havolalar
 | Kitobga oid uşbu maqola çaladir. Siz uni boyitib, ZiyoSferaga yordam berişingiz mumkin. |