Boqchasaroy sulhi
Boqchasaroy sulhi yoki Radzin sulhi[1] (ruscha: Бахчисарайский мирный договор; turkcha: Bahçesaray Antlaşması) 1681-yil 3-yanvarda Boqchasaroy shahrida imzolangan va Rus–Turk urushiga (1676–1681) yakun yasagan. Shartnoma Rossiya, Usmoniylar imperiyasi va Qrim xonligi tomonidan imzolangan[2].
Ular 20 yil davom etadigan sulhga kelishishgan va Dnepr daryosini Usmoniylar imperiyasi va Moskva hududlari orasidagi chegaraviy chiziq sifatida belgilashga rozi boʻlgan. Barcha tomonlar Janubiy Bug va Dnepr daryolari orasidagi hududda aholining davomiy ravishda yashashiga yoʻl qoʻymaslikka kelishgan. Shartnoma imzolanganidan keyin ham Noʻgʻaylar janubiy dashtlarda koʻchmanchi sifatida yashash huquqini saqlab qolgan, kazaklar esa Dnepr va uning irmoqlarida baliq ovlash, janubdan tuz olish va Dnepr hamda Qora dengizda kema qatnovi huquqiga ega boʻlishgan[1].
Boqchasaroy tinchlik shartnomasi qoʻshni davlatlar orasida yer taqsimotini qayta belgilagan.
Natijasi
Shartnomaga qaramay, Rossiya 1686-yilda Usmoniylar imperiyasiga qarshi Yevropadagi Buyuk Turk urushi koalitsiyasiga qoʻshilgan.
Manbalar
- ↑ 1,0 1,1 Lewis & Dodge 2002, s. 16.
- ↑ Mikaberidze 2011, s. 181.