Boombox (guruh)
| Boombox | |
|---|---|
 | |
| Umumiy maʼlumot | |
| Kelib chiqishi | Kiyev |
| Mamlakat |
 Ukraina |
| Faoliyat yillari | 2004 – hozirgacha |
| Janr | funk-rok, pop-rok, alternative hip-hop, reggi, rep-rok, alternative rock, hip-hop |
| Leybl | Moon records |
| Tarkib |
Andriy Xlivnyuk Andrey Samoylo Valentin Matiyuk (DJ Valik) Aleksandr Lyulyakin Denis Levchenko Pavel Litvinenko |
Bumboks – Ukraina fank, hip-hop va rok guruhi boʻlib, 2004-yilda Grafit guruhi xonandasi Andriy Xlivnyuk va Tartak guruhi gitarachisi Andrey Samoilo tomonidan Kievda tashkil etilgan. Guruh qoʻshiqlarni asosan ukrain tilida ijro etadi, ammo rus va ingliz tillaridagi taronalari ham mavjud. „Bumboks“ tezda Ukrainada, ham Rossiyada mashhur boʻldi va 2000-2010-yillarning eng mashhur guruhi sifatida bir necha bor eʼtirof etilgan, vokalchi Andrey Xlivnyuk esa 2024-yilda eng mashhur blogerlardan biri unvoniga sazovor boʻldi [1].
Tarixi
Guruh 2004-yil oʻrtalarida Kiyevda tashkil etilgan. 2005-yil aprel oyida qisqa vaqt davomida, atigi 19 soat ichida „SubmarinStudio“ studiyasida oʻzlarining birinchi albomi – „Melomania“ni yozishgan.
2006-yil Boombox Moon Records leyblida Ukraina hududida oltin maqomga ega boʻlgan ikkinchi plastinkasi „Family Biznes“ni chiqardi. Disk taxminan 100 ming nusxada sotilgan [2]. Tez orada Viktor Priduvalov tomonidan suratga olingan „Kim mi buli“ va „Kviti v volossi“ qoʻshiqlarining musiqiy klipi chiqdi. Rossiyaning „AST“ kinokompaniyasi musiqachilarga Pyotr Tochilinning „Xottabich“ filmi uchun saundtrek ustida ishlash taklifini berdi. Filmda „Bumboks“ muallifligidagi beshta musiqiy parcha ijro etilgan – toʻrttasi „Melomania“ albomidan va bittasi „Family Biznes“dan.
2007-yil yozda Rossiya radiostansiyalari efirida „Vaxtyoram“ kompozitsiyasi paydo boʻldi. Shu yilning 19-sentyabrida MoonRecords Boombokning yana bir mini-albomi „Trimay“ni chiqardi. „ta4to“ kompozitsiyasi esa Moskva radiostansiyalarida aylana boshladi va aynan shu qoʻshiqqa rejissyor Vladimir Yakimenko va Pistolet Films tomonidan video-klip ishlangan.
Vaqt oʻtishi bilan Rossiyaning ovoz yozish kompaniyalari „Bumboks“ga qiziqib qolishdi va „Monolit“ firmasi bilan Rossiyada „Melomaniya“ va „Family Biznes“ albomlarini chiqarish boʻyicha shartnoma imzolandi. Albomlar 2008-yil 10-iyunda chiqarilgan. Disklarning Rossiya nashri dizayni va har bir plastinka uchun musiqa kliplarining toʻliq toʻplami bilan boshqalaridan ajralib turadi [3].
2009-yil dekabr oyi oxirida guruh kiyevlik DJ, Tonique bilan qoʻshma albom chiqardi. Ukrainada plastinka „Blendi, miksi ta inshi muzichni parodii“ nomi bilan chiqdi. Albomning Rossiya nashri „Monolit“ kompaniyasi tomonidan, Ukraina bilan bir kunda, „Blendlar, mikslar va boshqa musiqiy parodiyalar“ nomi bilan chiqarilgan. Ushbu albom guruhning eski xitlarining 11 ta remiksini oʻz ichiga oladi va bonus sifatida plastinkada ingliz tilidagi „Come Around“ kompozitsiyasi ham kiritilgan.
2010-yil 24-iyunda Kiyevning „Crystal Hall“ klubida guruh 2ta yangi qoʻshiq, 2ta kaver versiya va eski taronalari kiritilgan yangi „Vsyo vklyucheno“ albomini namoyish qilishdi.
2011-yil 10-noyabrda guruhning toʻrtinchi albomi – „Seredniy vik“ (ukraincha: O'rta yosh) chiqdi. Keyinchalik „Seredniy vik“ albomi vinil plastinka koʻrinishida ham chiqarilgan.
2013-yilning kuzida guruh „Terminal B“ nomli yangi albomini taqdim etdi, u jamoaning tez-tez parvozidan, shuningdek, qoʻshiqlarni toʻgʻridan-toʻgʻri Ukraina aeroporti terminalida yozishdan ilhomlangan. „Bumboks“ uchun anʼanaviy boʻlgan „Terminal B“ albomida qoʻshiqlar bir xil kayfiyatdagi turli mavzularda edi. Bu yerda guruhning dastlabki ijodiga ham, „elektr davri“ga ham tegishli boʻlgan treklar mavjud. Keyinchalik albom vinil plastinkasida chiqarildi.
2018-yil dekabr oyida guruhning hammuassisi Andrey Samoilo jamoani tark etdi.
2019-yil Tina Karol va „Bumboks“ yangi „Bezodnya“ qoʻshma taronasi chiqarilishi haqida maʼlum qildi.
2023-yil holatiga koʻra, Andrey Xlivnyuk UQKda xizmat qilmoqda.
Tarkibi
Boombox
- Andrey Xlivnyuk – vokal, qoʻshiq matni
- Valentin Matiyuk – DJ
- Inna Nevoyt – bass-gitara (2019-yildan)
- Dmitriy Kuvalin – gitara
- Aleksandr Lyulyakin – baraban
- Pavel Litvinenko – pianino
Sobiq aʼzolar
- Denis Levchenko – bass-gitara
- Andrey Samoylo – gitara (2028-yilda tark etgan)
Boombox Family
- Aleksey Sagomonov – prodyusser
- Vitaliy Xarenko – konsert direktori
- Kirill „Kosmos“ Vinogradov – videorejissyor
- Tonique Lee Deejay – DJ
Diskografiya
Studiyaviy albomlari
- Melomaniya (2005)
- Family Biznes (2006)
- III – (2008)
- Vsyo vklyucheno (2010)
- Seredniy vik (2011)
- Terminal B (2013)
- Taemniy kod (2019) (2 qism)
Singllari
- Trimay (2007) (maksi-singl)
- Lyudi (2016) (maksi-singl)
- Goliy Korol (2017) (maksi-singl)
- Trimay mene (2018) (singl)
- Tviy na 100% (2018)
- Bezodnya (2019)
- DSh (2019)
- Jal (2021)
- Imperii vpadut (2021)
Soundtreklari
- Xottabich (2006) (Xottabich)
- Oranjeviy lyubov (2007) (Kviti v volossi)
- Krasniy jemchug lyubvi (2009) (Naodintsi)
- Pepel (2013) (Pepel)
Manbalar
- ↑ „#74 Андрей Хлывнюк в рейтинге «Топ-50 блогеров Украины-2024: онлайн-рейтинг Фокуса — голосование завершено»“ (ru). ФОКУС. Qaraldi: 2025-yil 9-aprel.
- ↑ Bumboks na showbiz.mail.ru (Wayback Machine saytida 2008-10-13 sanasida arxivlangan) Wayback Machinedagi asl nusxadan arxivlangan arxiv nusxasi. (13-oktyabr 2008-yil)
- ↑ „«Бумбокс»… «Меломанія» vs. «Family Бізнес» в России!“ (deadlink). 2008-yil 31-iyulda asl nusxadan arxivlangan. Qaraldi: 2008-yil 8-oktyabr.