Bomiyon Budda haykallari

Bomiyon Buddalari (forscha: تندیس‌های بودا در باميان tandis-ha-ye buda dar bamiyaan) Afgʻonistonning Bomiyon viloyatida (Qobuldan 230 km shimoli-gʻarbda; dengiz sathidan 2500 metr balandlikda) boʻlgan Budda haykallari edi. VI asrda qurilgan bu obidalar qadimgi hind-yunon sanʼati namunasi sifatida UNESCO "Dunyo Meroslari" roʻyxatiga kiritilgan edi.

Haykallar vodiyni oʻrab turgan qoyalardan oʻyilgan boʻlib, yogʻoch karkaslar bilan mustahkamlangandi. Bir haykalning balandligi 55 m, ikkinchisiniki esa 37 m edi va shu tariqa dunyoning eng katta Budda haykallari hisoblanishardi.

Bomiyon Buddalari 2001 yil mart oyida ularni butparastlik alomati, deb izohlovchi tolibonlar tomonidan varvarlarcha portlatildi.

Fayl:Destruction of Buddhas March 21 2001.jpg

Tolibonlar Bomiyon Buddalarini dinamit bilan portlatishmoqda. 21-mart, 2001.

Ushbu harakat dunyo hamjamiyati va baʼzi islom mamlakatlari tomonidan qattiq qoralandi. Yaponiya va Sheysariya Buddalarni qayta qurish taklifini oʻrtaga qoʻyishdi.

Linklar

• Bomiyon Buddalari fotosuratlari (Wayback Machine saytida 2007-03-07 sanasida arxivlangan)
• Bamiyan Afghanistan Laser Project (Wayback Machine saytida 2014-12-19 sanasida arxivlangan)