Bollivud

Bollivud (hindcha: बॉलीवुड, inglizcha: Bollywood) — Hindistonning Mumbay (avvalgi nomi — Bombey) shahrida joylashgan kino sanoati markazi. Nomi „Bombey“ va „Gollivud“ soʻzlari qoʻshilishidan yasalgan. Filmlarni suratga olishni 1890-yillarda boshlagan. Keyinchalik Hindiston kino sanoatining eng yirik markazlaridan biriga aylangan. Raj Kapoor, Mehboob Khan, Guru Dutt, Bimal Roy, Manmohan Desai, Karan Johar kabi rejissyorlar Bollivud rivojiga katta hissa qoʻshgan. Dilip Kumar, Raj Kapoor, Amitabh Bachchan, Shah Rukh Khan, Aamir Khan, Salman Khan, Madhuri Dixit, Sridevi, Kajol va boshqalar Bollivudning eng mashhur aktyorlaridir.