Bolalar ombudsmani
Bolalar ombudsmani – bolalar huquqlarini himoya qilish bilan shugʻullanadigan parlamentda faoliyat olib boruvchi lavozim[1]. Ombudsmanlar odatda murojaatchilardan kelib tushgan individual murojaatlarni oʻrganib chiqib, tegishli davlat tashkilotlarga soʻrov yuborish huquqiga ega. Bu lavozim ilk marotaba 1981-yilda Norvegiyada joriy etilgan. 1990-yildan boshlab Yevropa Kengashi tomonidan butun dunyo boʻylab ommalashtirila boshlangan. Dunyoning 30 dan ortiq mamlakatlarida lavozim joriy qilingan.
Mamlakatlar boʻyicha ombudsmanlar faoliyati
Avstraliya
Avstraliyada ilk marotaba 2013-yil fevral oyida bolalar huquqlari boʻyicha milliy komissar lavozimi joriy etilgan. Komissar bolalar huquqlari boʻyicha jamoatchilik eshituvlarini tashkil etish, tadqiqotlar va taʼlim dasturlarini amalga oshirish ishlariga mas’ul hisoblanadi.
Oʻzbekiston
2019-yil aprel oyida Oʻzbekiston Respublikasi Prezidentining „Bola huquqlari kafolatlarini yanada kuchaytirishga oid qoʻshimcha chora-tadbirlar toʻgʻrisida“gi PQ-4296-sonli qaroriga muvofiq, Oliy Majlisning Inson huquqlari boʻyicha vakili (ombudsman) oʻrinbosari – Bola huquqlari boʻyicha vakil lavozimi joriy etilgan[2][3].
Manbalar
- ↑ Reif, Linda C. „The Ombudsman for Children: Human Rights Protection and Promotion“, . The Ombudsman, Good Governance, and the International Human Rights System. Martinus Nijhoff Publishers, 2004 — 246-bet. ISBN 90-04-13903-6.
- ↑ O‘zbekiston Respublikasi Prezidentining Qarori. „Bola huquqlari kafolatlarini yanada kuchaytirishga oid qo‘shimcha chora-tadbirlar to‘g‘risida“. lex.uz. Qaraldi: 1-iyul 2025-yil.
- ↑ „O‘zbekistonda bolalar ombudsmani paydo bo‘ladi“. kun.uz (2019). Qaraldi: 1-iyul 2025-yil.