Boku velosiped parki
Velopark — Ozarbayjonning Boku shahrida joylashgan velosport majmuasidir.
Umumiy maʼlumot
Veloparkning ochilish marosimida Ozarbayjon prezidenti Ilhom Aliyev, birinchi xonim va 2015-yilgi Birinchi Yevropa o‘yinlari tashkiliy qo‘mitasi raisi Mehribon Aliyeva hamda Arzu Aliyeva ishtirok etgan. Velopark hududidagi bog‘ dastlab 1970-yillarning boshlarida barpo etilgan. 2005-yil sentabr oyida ushbu hududda tozalash va obodonlashtirish ishlari boshlangan. 2013-yilda bog‘ maydoni velosport bazasi sifatida Ozarbayjon Velosport Federatsiyasiga topshirilgan. Shu davr mobaynida federatsiya 40 gektar maydonda minglab daraxtlar ekildi, shu jumladan tog‘ velosporti uchun mo‘ljallangan 4 ta velosiped yo‘nalishi barpo etildi. Velopark hududida qurilgan ikki qavatli binolarda ro‘yxatdan o‘tish markazi, doping nazorati va doping namunalarini tahlil qilish xonalari, 25 o‘rinli majlis xonasi hamda boshqa xizmat xonalari mavjud. Shuningdek, VIP mehmonlar, Olimpiya oilasi, xalqaro federatsiyalar va rasmiy delegatsiyalar uchun avtoturargohlar, ro‘yxatga olish va boshqa xizmat hududlari tashkil etilgan.
BMX velopark
Velopark hududida Yevropa o‘yinlari uchun BMX veloparki qurilgan bo‘lib, uning umumiy maydoni 30 gektardan ortiqni tashkil etadi. BMX veloparki uchun maxsus to‘siqlar bilan jihozlangan trassa 6 700 kvadrat metr maydonga ega. Tomoshabinlar uchun 1 197 o‘rindiq yaratilgan. Ushbu sport majmuasi Davlat bayrog‘i maydoni va Yevropa o‘yinlari bog‘ining janubiy qismida joylashgan[1].
Tadbirlar
- 2014-yil 15–16-mart kunlari Veloparkda Kriterium velopoygasi o‘tkazilgan.
- 2015-yil 6-may kuni Veloparkda Xalqaro velosport ittifoqi doirasidagi Tour d’Azerbaidjan–2015 xalqaro velopoygasi bo‘lib o‘tgan. Unda dunyoning 24 mamlakatidan 25 ta jamoa vakillari ishtirok etgan[2].
- 2015-yil 4-may kuni Velopark hududida 4 000 ta daraxt ekish loyihasi yakunlangan[3].
- 2015-yilgi Yevropa o‘yinlari doirasidagi BMX musobaqalari Veloparkda o‘tkazilgan[4].
- 2018-yilgi BMX bo‘yicha jahon chempionati Veloparkda bo‘lib o‘tgan[5].
Ozarbayjonda velopoygalar
Ozarbayjonda velosport musobaqalarining o‘tkazilishining boshlanishi XX asrning 40-yillariga to‘g‘ri keladi. Hozirgi kunda mamlakatda velosport bo‘yicha maktablar va klublar faoliyat yuritmoqda. 2013-yildan buyon «Synergy Baku Cycling Project» jamoasi aʼzolari Xalqaro velosport ittifoqi tomonidan tashkil etiladigan Yevropa va Osiyo turnirlarida ishtirok etib kelmoqda[6].
Manbalar
- ↑ The official website „BAKUBMX2018“ (en-GB). bakubmx2018.com. Qaraldi: 2018-yil 22-may.
- ↑ Azerisport.com. „Tour d’Azerbaïdjan-2015-də uğurlu start - 2 fəxri kürsü“. Qaraldi: 2018-yil 22-may.
- ↑ Azerisport.com. „В Велопарке посадили деревья“. Qaraldi: 2018-yil 22-may.
- ↑ „Press Guide to the Baku 2015 European Games“.
- ↑ „Baku Media Center to be host broadcaster for 2018 UCI BMX World Championships“ (en-US). AzerNews.az (2018-yil 9-aprel). Qaraldi: 2018-yil 22-may.
- ↑ „Baku Cycling Project | Baku Cycling Project“ (en-US). www.bakucyclingproject.com. Qaraldi: 2018-yil 22-may.