Bobur bogʻi
| Bobur bogʻi | |
|---|---|
    | |
| Joylashuv | Namangan shahri |
| Turi | Bogʻ |
| Qurila boshlagan | 1884-yil |
| Ochilish sanasi | 1990-yil |
| Xarita | |
Bobur bogʻi (toʻliq nomi: Zahriddin Muhammad Bobur nomidagi madaniyat va istirohat bogʻi) – Namangan shahrida joylashgan bogʻ. Oʻrnda avval Pulzor mahalasi boʻlib ular asosan qulchilik bilan shugʻullanga gullardan gulob, gulqad gullarning ildizidan har xil shifo baxsh damlamalar tayyorlashar edi, biroq uning dovrugʻi butun dunyo yetib keldi va Qoʻqon xoni Xudoyorxon madrasa qurilishi uchun aynan shu yerni talab olib madrasa qurilishi boshlandi. Biroq 1875-yilda rus qoʻshinlari Uzet tomonidan qalʼa sifatida tortib olinadi va u yerni keyinchalik bogʻ qurilishi boshlandi. Bogʻga 1884-yilda asos solingan boʻlib, 1990-yilga qadar Aleksandr Sergeyevich Pushkin nomi bilan atalib kelingan[1]. Dastlab ochilgan paytda bogʻga mahalliy aholi kiritilmagan, faqat maxsus ruxsatnoma bilan kirish mumkin boʻlgan. Faqat 1920-yilda bogʻ mahalliy hokimiyat tasarrufiga oʻtadi va u yerga mahalliy aholi ham kirishi mukin boʻladi. Hozirgi kunda 40 kun davomida boʻlib oʻtadigan Hulkar bayrami ilk bor 1961-yilda oʻtkazilgan.
Bogʻning rekonstruksiya etilishi
2009-yil Oʻzbekiston Respublikasi birinchi Prezidenti Islom Karimovning Namangan shahriga tashrifidan soʻng qabul qilingan 1170-sonli qarori boʻyicha bogʻ davlat dasturiga kiritilgan va 2009-yilda qayta loyihalashtirib chiqilgan[2]. Qarorda 2010-yilning 2-choragida homiylik mablagʻlari hisobidan istirohat bogʻining sugʻorish tarmoqlari, asfalt qoplamasi, bordyurlar, suv havzasi, attraksionlar, favvoralar va umumiy ovqatlanish obyektlarini taʼmirlash, „Motamsaro ona“ yodgorligini obodonlashtirish va taʼmirlash ishlari amalga oshirilishi belgilangan[2]. 2009-yilning oktyabr oyida rekonstruksiya ishlari boshlab yuborilib, bogʻ hududida joylashgan 26 ta xizmat koʻrsatish obyektlari talabga javob bermagani tufayli buzib tashlangan. Loyiha umumiy qiymati 4 mlrd 800 mln soʻmdan, 3 mlrd 300 mln soʻmlik qurilish montaj va obodonchilik ishlari amalga oshirildi.
Hozirgi kun kelib bogʻ hududida 6 ta choyxona va oshxona, 9 ta muzqaymoq paviloni, shuningdek, shaxmat-shashka klubi, 27 ta zamonaviy attraksion hamda boshqa koʻplab bu kabi koʻngilochar obyektlar xizmat koʻrsatib keladi. Bogʻ hududida 1 gektarlik hududni qamrab olgan 1,5 kmlik irrigatsiya tarmoqlari va 1 ta zamonaviy favvora ishlab turibdi. Shu bilan birga bogʻ hududida ochiq estrada maydoni, 400 tomoshabinga moʻljallangan amfiteatr bunyod etilgan. Hududda aholi dam olish uchun 175 ta oʻrindiq, 160 ta tungi yoritish chiroqlari oʻrnatib chiqilgan. Bogʻ xodimlari 24,5 shtat boʻyicha ishlab keladi. Shulardan 4 nafari rahbar, 2 nafari texnik xodim, 3 nafari gulchi, 1 nafari elektrik-mexanik, shuningdek, 4 nafar qorovul, 1 nafar irrigatsiya ishchisi, qolganlari turli xizmatlarni bajaruvchi xodimlardir (2023-yil statistikasi).
Xalqaro gullar festivali
Har yili anʼanaviy tarzda oʻtkazib kelinadigan Xalqaro gullar festivali tadbirlari Bobur bogʻida boʻlib oʻtadi[3]. Festivalga har yili oʻrtacha 1,5 mln kishi tashrif buyurishi aytiladi[4].
Manbalar
- ↑ „Istirohat boʻglari“. 2023-yil 1-iyunda asl nusxadan arxivlangan. Qaraldi: 2023-yil 1-iyun.
- ↑ 2,0 2,1 „Постановление Президента Республики Узбекистан ПП-1170 «О программе мер по благоустройству и развитию социальной инфраструктуры города Намангана на период 2009 — 2012 годы»“ (ruscha). lex.uz. Oʻzbekiston Respublikasi Adliya vazirligi (2009-yil 6-avgust). Qaraldi: 18-iyun 2025-yil.
- ↑ „Tungi Namangan manzaralari“. 2023-yil 1-iyunda asl nusxadan arxivlangan. Qaraldi: 2023-yil 1-iyun.
- ↑ „Namanganda Xalqaro gullar festivali boshlandi“. 2023-yil 1-iyunda asl nusxadan arxivlangan. Qaraldi: 2023-yil 1-iyun.