Bob Benny

Bob Benny
Bob Benny
Tavalludi	Emilius Wagemans; 18-may 1926-yil
Kelib chiqishi	Sint-Niklaas, Belgiya
Vafoti	29-mart 2011-yil ; (84 yoshda)
Janrlar	Pop, musiqiy teatr
Kasbi	Qoʻshiqchi

Bob Benny (asl ismi Emilius Wagemans; 1926-yil 18-may — 2011-yil 29-mart) — belgiyalik xonanda va musiqali teatr aktyori.

U Belgiya nomidan „Eurovision-1959“ va „Eurovision-1961“ tanlovlarida ishtirok etgan.

Yoshligi

Bob Benny xonandalik faoliyatini Ikkinchi Jahon urushi yakunida boshlagan. U muntazam ravishda Sint-Niklaas shahridagi kafelardan birida chiqish qilib turgan. 1950-yillarning boshlariga kelib, u radioda muntazam ravishda eshittirishlarda qatnashgan va oʻzining ilk albomi — „Mijn hart spreekt tot u“ni chiqargan. 1957-yilda esa uning „Cindy, Oh Cindy“ qoʻshigʻi ilk katta muvaffaqiyatiga aylangan. Ushbu singl Belgiya musiqiy chartida 2-oʻringacha koʻtarilgan.

Eurovision

Bob Benny „Hou toch van mij“ („Meni seving“) qoʻshigʻi bilan Belgiyaning vakili sifatida 1959-yil 11-mart kuni Fransiyaning Cannes shahrida boʻlib oʻtgan toʻrtinchi „Eurovision qoʻshiq tanlovi“da ishtirok etish uchun tanlangan^[2]. „Hou toch van mij“ qoʻshigʻi tanlovda qatnashgan boshqa 10 mamlakatdan 5 tasidan ovoz olib, yakunda 6-oʻrinni egallagan^[3].

Benny yana Belgiya vakili sifatida „September, gouden roos“ („Sentyabr, oltin atirgul“) qoʻshigʻi bilan 1961-yil 18-mart kuni yana Cannes shahrida oʻtkazilgan oltinchi „Eurovision tanlovi“da qatnashgan^[4]. Bu safar tanlov ishtirokchilari soni 16 taga yetgan boʻlsa-da, „September, gouden roos“ faqat Luxembourgdan 1 ball olgan. Natijada Benny Jimmy Makulis (Avstriya) bilan birgalikda soʻnggi oʻrinni boʻlishib olgan^[5].

Oʻlimi

2011-yil 29-mart kuni Flamand jamoat teleradiokompaniyasi Vlaamse Radio-en Televisieomroep (VRT) Bob Bennyning Sint-Niklaas shahridagi qariyalar uyida vafot etganini ma’lum qilgan^[6].

Manbalar

↑ „De Vlaamse kleinkunstbeweging na de Tweede Wereldoorlog. Een historisch overzicht. Door Peter Notte“.
↑ Eurovision Song Contest National Finals database – 1959
↑ "Hou toch van mij" at diggiloo.net
↑ Eurovision Song Contest National Finals database – 1961
↑ "September, gouden roos" at diggiloo.net
↑ „deredactie.be: Vlaamse zanger Bob Benny is overleden“. Vlaamse Radio- en Televisieomroep (2011-yil 29-mart). Qaraldi: 2011-yil 29-mart.

[1] „De Vlaamse kleinkunstbeweging na de Tweede Wereldoorlog. Een historisch overzicht. Door Peter Notte“.

[2] Eurovision Song Contest National Finals database – 1959

[3] "Hou toch van mij" at diggiloo.net

[4] Eurovision Song Contest National Finals database – 1961

[5] "September, gouden roos" at diggiloo.net

[deredactie-6] „deredactie.be: Vlaamse zanger Bob Benny is overleden“. Vlaamse Radio- en Televisieomroep (2011-yil 29-mart). Qaraldi: 2011-yil 29-mart.

[1]

[2]

[3]

[4]

[5]

[6]