Bob Antakiya
| Bob Antakiya | |
|---|---|
بَاب أَنْطَاكِيَّة | |
 | |
| Umumiy maʼlumot | |
| Maqomi | Qayta tiklangan |
| Turi | Shahar darvozasi |
| Meʼmoriy uslubi |
Vizantiya meʼmorchiligi Islom meʼmorchiligi |
| Shahar | Halab |
| Mamlakat |
 Suriya |
| Egasi | Sayf ud-Davla |
Bob Antakiya (arabcha: بَاب أَنْطَاكِيَّة — Antakiya darvozasi) Halabdagi muhim mudofaa darvozasi boʼlib, shaharni gʻarb tomondan himoya qilgan[1]. Darvoza Halab eski shahrining gʻarbiy devori markazida joylashgan boʻlib, nomi qadimgi Suriya poytaxti Antioxiya nomidan kelib chiqqan, chunki bu darvoza Antakiya shahriga olib boruvchi asosiy chiqish yoʻli boʻlgan[1].
Tarixi
Darvoza Vizantiya hukmronligi davrida shaharning asosiy bobi hisoblangan. Islom va arablar hukmronligi davrida asta-sekin oʻz ahamiyatini yoʻqotgan. Keyinchalik Halab amiri, Ayyubiylar sulolasidan boʼlgan an-Nosir Yusuf (h. 1242–1260) tomonidan XI asrga oid poydevor ustida qayta qurilgan[1]. XV asrda Mamluklar davrida ham darvoza qayta bunyod etilgan va shu davrda qadimgi shaharning asosiy koʻrinarli joyi sifatida oʻzining muhim rolini qayta tiklagan[1].
Suriya fuqarolar urushi davridagi Halab jangi chogʻida darvoza eski qal’ani egallashga uringan isyonchi kuchlar uchun muhim nishonga aylangan[2].
Qurilishi
Darvoza ustida bir-biriga parallel koʻtarilgan ikkita olti burchakli istehkom minorasi joylashgan. Kirish yoʻli mudofaa maqsadlarida ataylab egri-bugri qilib ishlangan boʻlib, kirish qismi oʻng tomondagi istehkom minorasi ostida joylashgan. Darvoza katta oʻlchamli (0,8 m x 1,0 m) oq toshlardan qurilgan. Halabning qadimgi bozori (Souq al-Madina) asosiy oʻqi aynan shu Antakiya darvozasidan boshlanadi[3].
Manbalar
- ↑ 1,0 1,1 1,2 1,3 „Bab Antakiyya“. archnet.org. 2024-yil 6-avgustda asl nusxadan arxivlangan. Qaraldi: 2022-yil 10-iyul.
- ↑ Pampliega, Antonio. „Los combates arrasan Alepo“ (2012-yil 3-oktyabr). 2017-yil 28-martda asl nusxadan arxivlangan. Qaraldi: 2019-yil 24-may.
- ↑ „E Aleppo: Bab Antakeya“.