Boʻstonobod mahallasi (Olmazor tumani)
Boʻstonobod mahallasi (Qoraqamish 2/1, 37) – Oʻzbekiston Respublikasi Toshkent shahar Olmazor tumanidagi mahalla. Istiqbol, Paxta, Qichqiriq, Gʻani Aʼzamov, Chimboy, Ziyo mahallalari bilan chegaradosh. 2003-yil 6-dekabrda Istiqbol mahallasidan mustaqil boʻlib ajralib chiqqan va aholi talabiga asosan Boʻston mahallasi deb nomlangan. Aholisi 4 995 kishi, asosan, oʻzbeklar, shuningdek, tatarlar, ruslar, koreyslar, uygʻurlar yashaydi (2009).[1]
Shayxontohur tumanida ham ayni nomdagi mahalla boʻlgani tufayli 2016-yil 21-apreldagi Xalq deputatlari Toshkent shahar kengashi qaroriga binoan mahalla nomi Boʻstonobod deb oʻzgartirilgan.[2]
Manbalar
- ↑ Toshkent. Ensiklopediya, 2009-yil.
- ↑ „Toshkent shahridagi 100dan ortiq mahalla qayta nomlandi“. Kun.uz. Web Expert (2016-yil 29-aprel). Qaraldi: 18-aprel 2025-yil.