Bjørn Tidmand
Bjørn Tidmand | |
|---|---|
 Tidmand 1963-yilda | |
| Umumiy maʼlumot | |
| Tavalludi |
24-yanvar 1940-yil Kopengagen, Daniya |
| Vafoti |
26-may 2026-yil (86 yoshda) Helsingør, Daniya |
| Janrlar | Pop |
| Kasbi | Qoʻshiqchi |
| Veb-sayt | Bjørn Tidmand |
Bjørn Tidmand (1940-yil 24-yanvar — 2026-yil 26-may) — daniyalik xonanda boʻlib, asosan 1964-yilgi „Eurovision“ qoʻshiq tanlovidagi ishtiroki bilan tanilgan.
Hayoti va faoliyati
Tidmand bolaligida Kopengagen oʻgʻil bolalar xorining aʼzosi boʻlgan. Keyinchalik u mahalliy tungi klublarda chiqish qila boshlagan va 1959-yilda ovoz yozish shartnomasini imzolagan. U Sam Cookening „Only Sixteen“ qoʻshigʻining daniya tilidagi talqini bilan mashhurlikka erishgan.
1963-yilda Tidmand Daniyaning „Eurovision“ vakilini aniqlovchi „Dansk Melodi Grand Prix“ tanlovida qatnashib, Grethe va Jørgen Ingmanndan keyin ikkinchi oʻrinni egallagan. Ushbu duet keyinchalik Daniya uchun oʻsha yilgi „Eurovision“ tanlovida gʻalaba qozongan[1][2].
Keyingi yili Tidmand „Sangen om dig“ („Sen haqingdagi qoʻshiq“) qoʻshigʻi bilan Dansk Melodi Grand Prix tanlovida gʻolib chiqib, 1964-yil 21-mart kuni oʻzining tugʻilgan shahri Kopengagenda oʻtkazilgan „Eurovision“ tanlovida Daniya sharafini himoya qilgan. „Sangen om dig“ yakunda 16 ishtirokchi orasida 9-oʻrinni egallagan[3][4][5].
Shundan soʻng Tidmand Daniyada bir qator mashhur xit qoʻshiqlarni ijro etgan hamda 1970–1980-yillarda teleboshlovchi sifatida ham muvaffaqiyatli faoliyat yuritgan. U 2020-yilda nafaqaga chiqquniga qadar sahnada faol boʻlib, konsertlar berish va gastrol safarlarini davom ettirgan[6].
Tidmand 2026-yil 26-mayda 86 yoshida vafot etgan[7].
Manbalar
- ↑ ESC National Finals 1963
- ↑ Jensen, G.; Scocozza, B.. Politikens bog om danskerne og verden: hvem, hvad, hvornår i 50 år (da). Politikens forlag, 1996 — 408-bet. ISBN 978-87-567-5697-6. Qaraldi: 2024-yil 2-noyabr.
- ↑ ESC National Finals 1964
- ↑ „ESC History 1964“. 2013-yil 26-mayda asl nusxadan arxivlangan. Qaraldi: 2009-yil 3-noyabr.
- ↑ „Sangen om dig“ at diggiloo.net
- ↑ Nu er et godt tidspunkt at dreje af landevejen (dancha)
- ↑ Dansktopsangeren Bjørn Tidmand er død (dancha)