Kontent qismiga oʻtish

Birlashgan Millatlar Tashkiloti Yangi Zelandiya yoshlar tashkiloti

ZiyoSfera, erkin ensiklopediya

Birlashgan Millatlar Tashkiloti yangi Zenlandiya Yoshlar tashkiloti – UN Youth New Zealand (avvalgi nomi Yangi Zelandiya BMT Yoshlar Assotsiatsiyasi yoki UNYANZ) – bu nodavlat notijorat tashkilot hamda rasmiy roʻyxatdan oʻtgan xayriya tashkiloti hisoblanadi[1]. Tashkilot aʼzolari – 25 yoshgacha boʻlgan yoshlar yoki toʻliq kunlik taʼlim olayotgan talabalardir[2]. UN Youth – Yangi Zelandiyadagi eng yirik yoshlar tomonidan yoshlar uchun tashkil etilgan tashkilot hisoblanadi. Har yili 3 000 dan ortiq yosh yangi zelandiyaliklar (ularni odatda „kiwi“ deb atashadi) ushbu tashkilot tomonidan oʻtkaziladigan tadbirlarda faol ishtirok etadilar[3].

UN Youth New Zealand tashkilotining asosiy maqsadi – yoshlarni faol va ongli global fuqarolar boʻlishga ilhomlantirishdir[4]. Ushbu maqsadga erishish uchun tashkilot: xalqaro sayohatlar, milliy konferensiyalar, hamda mintaqaviy tadbirlarni tashkil etadi. Bu tadbirlar oʻrta maktab va oliy taʼlim bosqichidagi talabalar uchun moʻljallangan.

UN Youth – bu Birlashgan Millatlar Tashkiloti yangi Zenlandiya Yoshlar tashkiloti(UNANZ)ning yoshlar boʻlimi hisoblanadi. UNANZ esa oʻz navbatida BMT Assotsiatsiyalari Butunjahon Federatsiyasi (WFUNA) aʼzosi hisoblanadi.

Xalqaro sayohatlar

UN Youthning Milliy Boshqaruvi har yili xalqaro safarlarni tashkil qilish va boshqarish uchun oliy taʼlimda oʻqiydigan koʻngilli talabalarni direktor sifatida tayinlaydi. Ushbu safarlar davomida delegatsiyalar koʻpincha quyidagi joylarga tashrif buyurishadi: BMT boʻlimlari, elchixonalar, universitetlar, nodavlat tashkilotlar, biznes kompaniyalari va boshqa muhim tashkilotlar. Bundan tashqari, UN Youth oʻrta maktab oʻquvchilari uchun ham uchta xalqaro safarni tashkil etadi.

Xalqaro Sayohatlar Turlari UN Youth yoshlar uchun turli mamlakatlarga qaratilgan bir nechta xalqaro taʼlimiy sayohatlar uyushtiradi. Bu safarlar orqali ishtirokchilar global muammolar, rahbarlik va xalqaro hamkorlik haqida chuqurroq bilimga ega boʻlishadi.

  1. Global Taraqqiyot Safari[5]: Bu safari davomida ishtirokchilar Yevropa davlatlari va Nyu-York shahriga (AQSh) tashrif buyurishadi. Asosiy eʼtibor – BMTning Barqaror Taraqqiyot Maqsadlari (SDGs) haqida oʻrganishga qaratiladi. Masalan: qashshoqlikni kamaytirish, taʼlim sifati, atrof-muhit muhofazasi va hokazo.
  1. Tinch okeani yetakchilik safari: Bu safari ishtirokchilarni Avstraliya hamda Samoa yoki Vanuatu davlatlariga olib boradi. Maqsad – Tinch okeani mintaqasidagi yetakchilik, madaniyat va ijtimoiy muammolarni tushunish.
  1. Evatt musobaqasi safari: Bu safari doirasida delegatsiya Avstraliyaga boradi va UN Youth Australia tomonidan tashkil etilgan Evatt diplomatik musobaqasida ishtirok etadi. Bu tanlov yoshlar uchun BMT formatida debatlashish imkonini beradi.

Oliy taʼlim talabalariga moʻljallangan sayohatlar:

  1. Shimoliy Amerika yetakchilik safari: Bu safari ishtirokchilarni AQSh va Meksika boʻylab olib boradi. Unda ishtirokchilar yetakchilik, xalqaro siyosat va ijtimoiy oʻzgarishlar haqida amaliy bilimga ega boʻladilar.
  1. Globalizatsiya safari: Bu safari Xitoy va Janubi-Sharqiy Osiyo davlatlari boʻylab tashkil etiladi. Safar davomida ishtirokchilar global iqtisodiyot, madaniy aloqalar va barqaror taraqqiyot masalalarini oʻrganadilar.

Manbalar

  1. ↑ „Charities Services | Home“. register.charities.govt.nz. Qaraldi: 2023-yil 12-yanvar.
  2. ↑ „National Constitution of UN Youth New Zealand“ (2019).
  3. ↑ „NZ Model United Nations 2023 Volunteer Registrations“ (en). UN Youth NZ. 2023-yil 7-iyunda asl nusxadan arxivlangan. Qaraldi: 2023-yil 19-may.
  4. ↑ „UN Youth“. unyouth.org.nz. Qaraldi: 2023-yil 21-mart.
  5. ↑ „Student chosen for UN youth tour on fight against poverty“. Stuff. Qaraldi: 2025-yil 15-fevral. 
"https://ziyosfera.uz/index.php?title=Birlashgan_Millatlar_Tashkiloti_Yangi_Zelandiya_yoshlar_tashkiloti&oldid=329954" dan olindi