Bigiztumshuq (Troglodytes troglodytes) — bigiztumshuqdar oilasiga mansub qush. Eng kichik qushlardan biri, tanasining uz. 9—11 sm, qanotlari yoyilganda 15 — 16 sm, ogʻirligi 9 — 11 g. Pati qoʻngʻir jigarrang tusda. Dumi kalta, tumshugʻi ingichka, uzun va toʻgʻri, oyoklari nisbatan uzun va baquvvat. Kalta dumi yuqoriga tik koʻtarilib turadi. Oʻzbekistonning togʻ oldi hududlarida uya quradi, uchib oʻtish davrida pasttekisliklarda ham uchraydi.
