Big Stone Lake

Big Stone Lake
Big Stone Lake
	Íŋyaŋ Tháŋka Bdé
	; Big Stone Lake from Ortonville's Lakeside Park, September 2013
	Big Stone Lake
Joylashuvi	Big Stone County, Minnesota / Roberts County and Grant County, South Dakota
Koordinatalari	45°24′28″N 96°37′04″W / 45.40778°N 96.61778°W
Turi	reservoir
Kirish oqimlari	Little Minnesota River
Chiqish oqimlari	Minnesota River
Havza mamlakatlari	United States
Maksimal uzunligi	26 mi (42 km)
Suv yuzasi maydoni	12,610 akr (5,100 ga)
Maksimal chuqurligi	16 ft (4.9 m)
Dengiz sathidan balandligi	968 ft (295 m)
Aholi punktlari	Ortonville MN, Big Stone City SD, Browns Valley MN

Big Stone Lake (Íŋyaŋ Tháŋka Bdé (dak)^[3]) — Qoʻshma Shtatlarda, Minnesota shtatining gʻarbi va Janubiy Dakota shtatining shimoli-sharqi chegarasida joylashgan uzun va tor chuchuk suvli koʻl hamda suv ombori.

Tavsif

Koʻl maydoni 12,610 akr (5,100 ga) boʻlib, uzunligi 26 milya (42 km), oʻrtacha kengligi taxminan 1 milya (1.6 km). Koʻl sathining balandligi 965 fut (294 m) boʻlib, bu Janubiy Dakotaning eng past nuqtasidir. Big Stone Lake — Minnesota daryosining boshlanish joyi. Daryo 332 milya (534 km) masofa oqib, Missisipi daryosiga quyiladi.

Koʻldan Minnesota daryosiga oqayotgan suv miqdorini Big Stone Lake toʻgʻoni boshqaradi. Toʻgʻon 1937-yilda koʻlning janubiy chetida qurilgan. U kichik boʻlsa-da, 205 000 akr-fut gacha suv sigʻimini nazorat qiladi. Toʻgʻon Minnesota shtatiga qarashli boʻlib, shu shtat tomonidan ishlatiladi.^[4]

Koʻlning shimoliy chetiga Kichik Minnesota daryosi quyiladi. U Travers dovoni orqali oqib oʻtadi. Big Stone oxirgi muzlik davri soʻnggida paydo boʻlgan. Oʻshanda muzlik Agassis koʻlining suvi dovon orqali Muzlik Uorren daryosiga oqib tushgan. Hozir Big Stone koʻli shu daryo vodiysida joylashgan. Koʻl Mitchell xaritasining 1757-yilgi nashrida «L. Tinton» deb koʻrsatilgan. Bu nom lakota xalqiga ishora qiladi. Ular tetonvan («dasht aholisi») deb ham ataladi. Big Stone Lake nomi yaqin atrofdagi qoya yuzalariga qarab berilgan.^[5]

Koʻlda ikkita shtat bogʻi bor: Minnesotadagi Big Stone Lake shtat bogʻi va Janubiy Dakotadagi Hartford Beach shtat bogʻi. Ularda piknik uchun joylar, qayiqlarni suvga tushirish joylari, yoʻlkalar va oʻtovli lager maydonlari mavjud. Minnesota bogʻi tarkibida taʼlim markazi ham bor. Big Stone Lake qirgʻoqlarida bir nechta dam olish maskani ham joylashgan. Sayyohlarni koʻl, ayniqsa, baliq ovi bilan jalb qiladi. Uolleye, shimoliy cho‘rtan va moviquloq quyoshbaliqlar baliqchilar orasida mashhur ov baliqlari hisoblanadi. Koʻlda yana 30 dan ortiq tur baliq yashaydi. Baliq ovi uchun 12 ta ommaviy kirish joyi bor. Koʻlga har ikki yilda 7 000 000 ta uolleye chavogʻi qoʻyib yuboriladi.

Ortonvill (Minnesota) va Big Stone Siti (Janubiy Dakota) aholi punktlari koʻlning janubiy uchida joylashgan. Braunz Velli (Minnesota) esa shimoliy uchida joylashgan.

Yana qarang

Izohlar

↑ „Lake Information Report – Big Stone“. Minnesota Department of Natural Resources. Qaraldi: 2009-yil 10-sentyabr.
↑ U.S. Geological Survey Geographic Names Information System: Big Stone Lake
↑ Bright, William. Native American Placenames of the United States. Norman: University of Oklahoma Press, 2004 — 64-bet. ISBN 080613576X. Qaraldi: 2024-yil 10-mart.
↑ „Big Stone Lake“. 2016-yil 4-martda asl nusxadan arxivlangan. Qaraldi: 2012-yil 5-avgust.
↑ Upham, Warren. Minnesota Geographic Names: Their Origin and Historic Significance. Minnesota Historical Society, 1920 — 53-bet.

Manbalar

«Big Stone Lake». Minnesota tabiiy resurslar departamenti. Qaralgan sana: 2005-yil 29-iyul.
«Big Stone Lake». AQSh Transport departamenti. Qaralgan sana: 2005-yil 29-iyul.
Big Stone Lake Area Chamber of Commerce. Koʻrilgan sana: 2005-yil 29-iyul.
„"Big Stone Lake Restoration Project"“. 2008-yil 17-iyulda asl nusxadan arxivlangan. (255 KiB) . Atrof-muhitni muhofaza qilish agentligi. Qaralgan sana: 2005-yil 29-iyul.
Spading, Kenton (2000-yil yanvar). „"Browns Valley Dike"“. 2005-yil 3-noyabrda asl nusxadan arxivlangan. Qaraldi: 2005-yil 29-iyul. (2.17 MiB) . AQSh armiyasi muhandislar korpusi.

Tashqi havolalar

Vikiomborda „Big Stone Lake“ mavzusi boʻyicha mediafayllar bor.

[1] „Lake Information Report – Big Stone“. Minnesota Department of Natural Resources. Qaraldi: 2009-yil 10-sentyabr.

[gnis-2] U.S. Geological Survey Geographic Names Information System: Big Stone Lake

[3] Bright, William. Native American Placenames of the United States. Norman: University of Oklahoma Press, 2004 — 64-bet. ISBN 080613576X. Qaraldi: 2024-yil 10-mart.

[4] „Big Stone Lake“. 2016-yil 4-martda asl nusxadan arxivlangan. Qaraldi: 2012-yil 5-avgust.

[5] Upham, Warren. Minnesota Geographic Names: Their Origin and Historic Significance. Minnesota Historical Society, 1920 — 53-bet.

[1]

[2]

[3]

[4]

[5]