ZiyoSfera, erkin ensiklopediya
Bifidobakteriyalar (lotincha Bifidus — ikkiga boʻlingan, ayri va bakteriyalar) — sut achituvchi bakteriyalar turi, foydali mikroblarga mansub. Bifidobakteriyalar spora hosil qilmaydigan grammusbat ayri uchli tayoqchalar shaklida boʻlib, chirituvchi va kasallik tugʻdiruvchi mikroblarning rivojlanishini toʻxtatadi, uglevodlarning hazm boʻlishini taʼminlaydi, shuningdek V, K, qisman S vitaminlarni hosil qiladi. Bola koʻkrakdan ajratilgach, bifidobakteriyalar oʻrniga ichakning odatdagi mikroflorasi paydo boʻladi. Uning tarkibida ham bifidobakteriyalar boʻladi. Ayniqsa ichaklar faoliyati uchun foydali hisoblanadi. Ichak disbakteriozini davolashda bifidobakteriyalardan dori sifatida qoʻllaniladi.
Adabiyotlar
- OʻzME. Birinchi jild. Toshkent, 2000-yil
