Bevertainer
| Kasb | |
|---|---|
Kasb turi |
Ofitsiant, qoʻshiqchi, raqqosa |
Faoliyat sohalari |
Las Vegasdagi kazinolar |
| Taʻrif | |
Mehnat sohalari |
Oziq-ovqat sohasida |
Bevertainer — bu atama „beverage“ (ichimlik) va „entertainer“ (koʻngilochar) soʻzlarining birikmasidan hosil boʻlgan. U odatda Las Vegasdagi kazinolarda ishlovchi, xizmat koʻrsatish bilan birga qoʻshiq kuylash va raqs tushish bilan shugʻullanuvchi kokteyl ofitsiantini bildiradi[1].
Kelib chiqishi
2003-yilda Rio mehmonxonasi kazinosida bevertainerlarni joriy qilgan. Ular bir vaqtda xizmat koʻrsatuvchi kokteyl ofitsiant sifatida ham, koʻngilochar ijrochilar sifatida ham ishlagan[2][3]. Mijozlarga xizmat qilmayotgan paytlarida bevertainerlar kazino polidagi beshta sahnadan birida 90 soniyalik raqs chiqishlarini namoyish qilgan. Rio kazinosida 80 dan ortiq bevertainer faoliyat yuritgan. Dastlab bu gʻoyaga shubha bilan qaralgan boʻlsa-da, keyinchalik uning muvaffaqiyatli ekani maʼlum boʻlgan[4][5].
2024-yilda The Last Showgirl filmida shou-girllikdan keyin bevertainerga aylangan qahramonni ijro etgan Aktrisa Jamie Lee Curtis[6] shunday eslagan edi:
Vegasdagi birinchi kunimizda Gia Coppola bilan Rio mehmonxonasi va kazinosi atrofida sayr qildik. U yerdagi juda chiroyli va yosh kokteyl ofitsiantidan ma’lumot olish uchun savollar berayotganimda u shunday dedi: "Men kokteyl ofitsianti emasman, men bevertainerman.” Bevertainer nimaligini so'raganimda esa ular shunchaki ichimlik tarqatuvchisi emas, balki ko‘ngilochar dasturlar ham namoyish etib, kasaba uyushmalarini chetlab o‘tadigan xizmatchi ekanini tushuntirdi[7].
Manbalar
- ↑ Padgett, Sonia „Bevertainer serves cocktails and dances“. Las Vegas Review-Journal (2011-yil 8-may). Qaraldi: 2013-yil 24-may.
- ↑ Benston, Liz. „The Rio altering servers' positions“. Las Vegas Sun (2003-yil 20-fevral). Qaraldi: 2021-yil 23-oktyabr.
- ↑ Smith, Rod. „Rio to replace cocktail servers“. Las Vegas Review-Journal (2003-yil 20-fevral). 2005-yil 17-yanvarda asl nusxadan arxivlangan.
- ↑ Padgett, Sonya. „Bevertainer serves cocktails and dances“. Las Vegas Review-Journal (2011-yil 8-may). Qaraldi: 2021-yil 28-oktyabr.
- ↑ „Bevertainer Performances at Rio Las Vegas“. Vegas4locals.com.
- ↑ Bernabe, Angeline Jane. „'The Last Showgirl' stars Pamela Anderson, Jamie Lee Curtis on the film's message of resilience“. ABC News (2025-yil 8-yanvar).
- ↑ Thompson, Simon. „'The Last Showgirl' Pamela Anderson Wants Opportunities Not Apologies“. Forbes (2025-yil 9-yanvar).
 | Kasbga oid ushbu maqola chaladir. Siz uni boyitib, ZiyoSferaga yordam berishingiz mumkin. |