Betty (qoʻshiqchi)
Betty Էլիզաբեթ Դանիելյան | |
|---|---|
| Tavalludi |
Elizabeth Danielyan 2003-yil 7-mart |
| Janrlar | Elektropop |
| Kasbi | qoʻshiqchi |
| Cholgʻular | Vokal |
| Veb-sayt | betty.am |
Elizabeth Danielyan (armanvha: Էլիզաբեթ Դանիելյան, 2003-yil 7-martda tugʻilgan), oddiygina Betty (arman: Բեթթի) taxallusi bilan yaxshi tanilgan, arman qoʻshiqchisidir. U 2014-yilda Maltada boʻlib oʻtgan „Yevrovideniye“ bolalar tanlovida „Quyosh odamlari“ qoʻshigʻi bilan Armaniston sharafini himoya qilgan[1].
Ona tili arman tilidan tashqari, Betty rus[2] va ingliz tillarida ham soʻzlashadi.
Yoshligi
Elizabeth Danielyan 2003-yil 7-martda tugʻilgan. Uning tugʻilishi onasi uchun eng katta tuhfa boʻldi, chunki u Xalqaro xotin-qizlar bayrami kuni dunyoga kelgan edi. Juda faol va musiqaga qiziqqan bola boʻlganligi sababli, u 4 yoshidan Davlat xoreografiya maktabiga qatnay boshlagan va bir vaqtning oʻzida oʻsha yerda maktabda oʻqigan. 6 yoshidan A. Pushkin nomidagi 8-maktabga borgani va u yerda aʼlo oʻqigani aytiladi. U professional vokal darslari hamda yakkaxon raqs darslariga qatnagan. Betty koʻplab qoʻshiqlar va sheʼrlar muallifi boʻlib, gitara va baraban ham chaladi. Bulardan tashqari, Elizabeth Danielyan Milliy Estetika markaziga ham qatnagan, u yerda kashtachilik, origami va sopol buyumlar yasash bilan shugʻullangan, shuningdek sopol buyumlariga rasm chizishni oʻrgangan.
Ijodi
2012-yil avgustidan Betty „Kentron“ telekanalida „Elizabeth Danielyan bilan Ajoyib yettilik“ va „H2“ telekanalida „Uyda yolgʻiz“ dasturlarini olib borgan. Betty juda kichik yoshidan boshlab teleboshlovchilik tajribasiga ega, chunki u tez-tez „Hayrenik“ telekanalida koʻrinish bergan. Betty, shuningdek, eng mashhur arman musiqa kanali 21TVdan „Betty Show“ dasturini olib borish taklifini qabul qilgan. Betty ushbu dasturlarni olib borishni va chiroy, bilim, ezgu maqsadlar va yuqori sifat mujassam boʻlgan loyihalar va tadbirlarda (telekoʻrsatuvlar, konsertlar, xayriya tadbirlari) ishtirok etishni yaxshi koʻradi.
2012-yil Betty uchun nafaqat teleefirlar, balki konsertlar jihatidan ham sermahsul yil boʻldi. Mehmon sifatida u „Junior New Wave“ xalqaro tanlovida ham qatnashgan. Elizabeth Danielyan turli tanlovlarda, jumladan, „Kanguru“ matematika tanlovida koʻplab mukofotlarni qoʻlga kiritgan. 2012-yil yozida Betty Antalya shahrida boʻlib oʻtgan bolalar sport olimpiadasida qatnashib, Armanistonga 4 ta oltin medal olib kelgan (mini-golf, dart va jenga yoʻnalishlarida).
2013-yilda Betty „New Wave Junior“ yillik qoʻshiq tanlovida ishtirok etish uchun ariza topshiradi va Moskva shahridagi yarim final bosqichiga yoʻllanma oladi.
2013-yilda Elizabeth Danielyan Armaniston jamoat televideniyesi kompaniyasi tomonidan „Eng yaxshi arman bolalar teleboshlovchisi“ deb eʼtirof etilgan.
2014-yilda Betty „Yevrovideniye“ bolalar tanlovining Armaniston milliy saralash bosqichida ishtirok etish uchun ariza berishga qaror qiladi. 87 nafar ishtirokchi orasidan Betty Maltaga yoʻllanmani qoʻlga kiritgan. Betty Junior Eurovision 2014 tanlovida Armaniston nomidan ishtirok etgan. U ikkinchi oʻrinni egallagan Bolgariya vakilidan atigi 1 ball kam olib, 3-oʻringa loyiq koʻrilgan.
2014-yilda Betty Junior Eurovision tanlovida Armaniston sharafini himoya qilgani uchun yillik Milliy Bolalar Musiqa Mukofotiga sazovor boʻldi.
Ijtimoiy tarmoqlar
Manbalar
- ↑ Kröger Degerfeldt, Alexandro „Betty wins in Armenia!“. EBU (2014-yil 14-sentyabr). Qaraldi: 2014-yil 14-sentyabr.
- ↑ Archived at Ghostarchive and the Wayback Machine: „ESCKAZ live in Malta: Interview with Betty (Armenia)“. YouTube.