Bettina Plank
| Bettina Plank | |
|---|---|
 Bettina Plank, 2017-yil | |
| Shaxsiy maʼlumotlari | |
| Tavallud sanasi |
1992-yil 24-fevral Feldkirch, Vorarlberg, Avstriya |
| Sport | |
| Mamlakat | Avstriya |
| Qaysi sport | Karate |
Bettina Plank (1992-yil 24-fevralda tugʻilgan)[1] – avstriyalik karatechi. Yaponiyaning Tokio shahrida boʻlib oʻtgan 2020-yilgi Yozgi Olimpiada oʻyinlarida ayollar oʻrtasida 55 kg vazn toifasida bronza medallaridan birini qoʻlga kiritgan[2][3]. Karate boʻyicha jahon chempionatida ayollar oʻrtasida 50 kg vazn toifasida ikki karra bronza medali sohibi, Yevropa oʻyinlarining uch karra sovrindori, jumladan, ikki karra oltin medal sohibi.
2015-yilda Turkiyaning Istanbul shahrida karate boʻyicha Yevropa chempionatida oʻz yoʻnalishida oltin medalni qoʻlga kiritgan.
Sport faoliyati
Plank 2011-yil Shveysariyaning Syurix shahrida boʻlib oʻtgan karate boʻyicha Yevropa chempionatida ayollar oʻrtasida 50 kg vazn toifasida kumite bahslarida bronza medalini qoʻlga kiritgan[4]. 2014-yilda Finlandiyaning Tampere shahrida karate boʻyicha oʻtkazilgan Yevropa chempionatida esa kumush medalga sazovor boʻlgan.
2015-yilda Turkiyaning Istanbul shahrida boʻlib oʻtgan karate boʻyicha Yevropa chempionatida Plank ayollar oʻrtasida 50 kg vazn toifasida kumite yoʻnalishida oltin medalni qoʻlga kiritgan[5]. Shuningdek, kumite yoʻnalishida ayollar oʻrtasidagi jamoaviy bahsda bronza medaliga ega chiqqan. Oʻsha yili Plank Ozarbayjonning Boku shahrida boʻlib oʻtgan Yevropa oʻyinlarida xuddi shu yoʻnalishda kumush medalga sazovor boʻlgan[6]. Finalda Plank turkiyalik Serap Özçelikka oʻyinni boy bergan[6]. Portugaliyaning Braga shahrida boʻlib oʻtgan 2016-yilgi Universitetlar oʻrtasida karate boʻyicha jahon chempionatida bronza medalini qoʻlga kiritgan[7]. U, shuningdek, xuddi shu musobaqaning kumite yoʻnalishida ayollar oʻrtasida jamoaviy bahslarning bronza medaliga ega chiqqan[7].
2017-yilda Polshaning Vrotslav shahrida boʻlib oʻtgan Jahon oʻyinlarida ayollar oʻrtasida 50 kg vazn toifasida kumite yoʻnalishida ishtirok etgan, biroq musobaqadan medalsiz qaytgan[8]. Saralash bosqichida bitta oʻyinda gʻalaba qozonib, ikkita oʻyinda magʻlub boʻlgan va yarim finalda ishtirok eta olmagan[8]. 2018-yilda Plank Ispaniyaning Madrid shahrida boʻlib oʻtgan karate boʻyicha jahon chempionatida ayollar oʻrtasida 50 kg vazn toifasida kumite yoʻnalishida bronza medalini qoʻlga kiritishga muvaffaq boʻlgan[9].
Belarus poytaxti Minsk shahrida boʻlib oʻtgan 2019-yilgi Yevropa oʻyinlarida ayollar oʻrtasida kumite yoʻnalishi 50 kg vazn toifasi boʻyicha oltin medalga ega chiqib, shohsupaning yuqori pogʻonasiga koʻtarilgan[10][11]. Musobaqaning oltin medal uchun bahslarida turkiyalik Serap Özchelikni magʻlubiyatga uchratgan.
Manbalar
- ↑ „Entry List by NOC“. 2017 World Games. 2021-yil 6-yanvarda asl nusxadan arxivlangan. Qaraldi: 2021-yil 6-yanvar.
- ↑ Palmer, Dan. „Sanchez the history-maker as karate makes highly-anticipated Olympic debut“. InsideTheGames.biz (2021-yil 5-avgust). Qaraldi: 2021-yil 5-avgust.
- ↑ „Karate Results Book“. Tokyo 2020 Olympics. Tokyo Organising Committee of the Olympic and Paralympic Games. 2021-yil 10-avgustda asl nusxadan arxivlangan. Qaraldi: 2021-yil 10-avgust.
- ↑ „2011 European Karate Championships Medalists“. World Karate Federation. 2020-yil 31-avgustda asl nusxadan arxivlangan. Qaraldi: 2021-yil 23-may.
- ↑ Etchells, Daniel. „Trio of gold medals earns Spain top spot at European Karate Federation Senior Championships“. InsideTheGames.biz (2015-yil 22-mart). Qaraldi: 2020-yil 1-fevral.
- ↑ 6,0 6,1 Butler, Nick. „Azerbaijan scoop double karate gold on opening night of European Games“. InsideTheGames.biz (2015-yil 13-iyun). Qaraldi: 2020-yil 9-may.
- ↑ 7,0 7,1 „2016 World University Karate Championships Results Book“. Fédération Internationale du Sport Universitaire. 2020-yil 15-oktyabrda asl nusxadan arxivlangan. Qaraldi: 2021-yil 16-noyabr.
- ↑ 8,0 8,1 „Karate Results“. 2017 World Games. 2020-yil 24-aprelda asl nusxadan arxivlangan. Qaraldi: 2020-yil 24-aprel.
- ↑ „Results Book“. 2018 World Karate Championships. 2020-yil 26-noyabrda asl nusxadan arxivlangan. Qaraldi: 2020-yil 30-dekabr.
- ↑ Rowbottom, Mike. „Italy's Maresca earns dramatic win as Ukraine take two golds in karate finale at Minsk 2019“. InsideTheGames.biz (2019-yil 30-iyun). 2020-yil 17-noyabrda asl nusxadan arxivlangan. Qaraldi: 2020-yil 1-fevral.
- ↑ „Karate Medalists“. 2019 European Games. 2020-yil 15-avgustda asl nusxadan arxivlangan. Qaraldi: 2020-yil 15-avgust.
 |
Vikiomborda „Bettina Plank“ mavzusi boʻyicha mediafayllar bor. |