Kontent qismiga oʻtish

Bethany Firth

ZiyoSfera, erkin ensiklopediya
Bethany Firth

Bethany Firth 2016-yilgi Rio Paralimpiyasida
Shaxsiy maʼlumotlari
Jinsi Ayol
Fuqaroligi Britan
Tavallud sanasi 1996-yil 14-fevral (1996-02-14) (30 yosh)
Seaforde, County Down, Shimoliy Irlandiya
Boʻyi 172 cm
Sport
Mamlakat Buyuk Britaniya
Qaysi sport para-suzish
Pozitsiyasi
  • chalqancha usulda suzish
  • erkin usulda suzish
  • aralash usulda suzish
  • brass usulda suzish
  • butterfly usulda suzish
Klubi Ards suzish klubi

Bethany Charlotte Firth (tugʻilgan sanasi: 14-fevral 1996-yil) – shimoliy irlandiyalik paralimpiya suzuvchisi. 2014-yildan beri u Buyuk Britaniya vakili sifatida musobaqalarda qatnashadi. Ilgari Bethany Firth Irlandiya sharafini himoya qilgan. Olti karra Paralimpiya oltin medali sovrindori boʻlib, u oʻzining asosiy suzish usuli boʻlgan 100 metrga chalqancha usulda suzish bahslarida Irlandiya sharafini 2012-yilgi Yozgi Paralimpiada oʻyinlarida va Buyuk Britaniya sharafini 2016 va 2020-yilgi Yozgi Paralimpiada oʻyinlarida himoya qilib, gʻoliblikni qoʻlga kiritgan. Bularga qoʻshimcha ravishda, 2020-yilgi Paralimpiada oʻyinlardagi aralash 4 x 100 metrga erkin usulda suzish estafetasi S14 toifasi va 2016-yilgi Paralimpiada oʻyinlarida Buyuk Britaniya nomidan qatnashib 200 metrga aralash usulda suzish va 200 metrga erkin usulda suzish bahslarida gʻolib boʻlgan. Musobaqalar davomida, u uchta oltin va bitta kumush medal bilan mamlakatning eng muvaffaqiyatli paralimpiyachisiga aylangan. Musobaqalarda Bethany Firth intellektual nogironligi boʻlgan sportchilar uchun S14 toifasida qatnashadi[1].

Shaxsiy hayoti

Bethany Charlotte Firth 1996-yil 14-fevralda Shimoliy Irlandiyaning Down okrugidagi Seaforde shahrida tugʻilgan. Uning otasi Piter oʻqituvchi va sobiq cherkov vaziri, onasi Lindsey esa hamshira boʻlgan. Bethany Firth xristian va Xristian Fellowship Church aʼzosi[2]. Charlotte Dundonalddagi Longstone maktabida tahsil olgan.

Bethany Firthda oʻrganishda qyinchilik tugʻdiradigan qisqa muddatli xotira yoʻqotish kasalligi mavjud[2]. Shuning uchun bahslarda u S14 toifasida qatnashadi.

Suzish faoliyati

2012-yil 31-avgustda Bethany Firth, oʻzining birinchi Paralimpiadasida Irlandiya vakili sifatida, 2012-yilgi London paralimpiada oʻyinlarida S14 toifasida 100 metrga chalqancha usulda suzish finalida oltin medalni qoʻlga kiritgan[3][4]. Qisqa xotiraga ega boʻlgan Bethany Firth, bu musobaqaga qadar atigi uch yil davomida suzish bilan shugʻullangan.

Firth 2013-yilgi XPQ Suzish boʻyicha jahon chempionatida uchta kumush medalga sazovor boʻlgan[5].

Xuddi shu yilning oxirida u musobaqadan tashqari muddatni oʻtab boʻlgach, milliy termani almashtirish va Irlandiya oʻrniga Team GB tarkibida suzish niyatini eʼlon qilgan[6], chunki Team GBda boshqa S14 suzuvchilari oʻrganishda qiyinchilikka uchraydiganlar ham boʻlib, Bethany ular bilan yaxshiroq rivojlanishi mumkin edi[7]. Keyingi yili u Shimoliy Irlandiya sharafini 2014-yilgi Hamdoʻstlik oʻyinlarida himoya qilgan va nogiron boʻlmagan sportchilar bilan yettita musobaqada bahslashgan[8].

2015-yil mart oyida Bethany Firth XPQ jahon chempionatiga saralashda S14 100 metrga brass usulda suzish boʻyicha jahon rekordini yangilagan[9]. Bethany Firth musobaqadan bir necha kun oldin mashgʻulot paytida bilagi sinib qolgani sababli jahon chempionatida qatnasha olmagan[10].

2016-yil 26-aprelda, 2016-yilgi Yozgi Paralimpiada oʻyinlariga saralash bosqichida, Bethany Firth S14 toifasida 200 metrga erkin usulda suzishda yangi jahon rekordini oʻrnatgan[11]. Glazgoda boʻlib oʻtgan Britaniya Para-Xalqaro musobaqasida u 2:03.70 natija qayd etgan[11].

2016-yil 8-sentyabrda Bethany Firth 2012-yilda qoʻlga kiritgan S14 toifasidagi 100 metrga chalqancha usulda suzish natijasini Rio-de-Janeyroda boʻlib oʻtgan 2016-yilgi Yozgi Paralimpiada oʻyinlarida ham qayta namoyish etgan. U buni Paralimpiada GB tarkibida qatnashayotganda 1:04.05 lik vaqt natijasi, jahon rekordi vaqti bilan amalga oshirgan va gʻalaba qozongan[12]. U shuningdek, ayollar 200 metrga erkin usulda suzish S14 bahslarida oltin medalni qoʻlga kiritgan[13] va ayollar 200 metrga aralash usulda suzish SM14 musobaqasida[14] va ayollar 100 metrga brass usulda suzish SB14 bahslarida kumush medallariga sazovor boʻlgan[15].

2020-yilgi Tokio Paralimpiadasida Bethany Firth oʻz unvonini 100 metrga chalqancha usulda suzish S14 bahslarida himoya qildi[16] va shuningdek, aralash 4 x 100 metrga erkin usulda suzish estafetasi S14da oltin medalni qoʻlga kiritdi[17]. Bundan tashqari, u ayollar 200 metrga erkin usulda suzish S14 musobaqasida kumush medalni[18] va ayollar 200m aralash usul SM14da ham yana bir kumush medal bilan taqdirlandi[19].

Bethany Firth suzish sportidagi fidokorona xizmatlari uchun 2017-yilgi Yangi yil mukofotlarida Britaniya Imperiyasi ordeni aʼzosi (MBE) etib tayinlandi[20][21] va suzish sportidagi xizmatlari uchun 2022-yilgi Yangi yil mukofotlarida Britaniya Imperiyasi ordeni ofitseri (OBE) darajasiga erishdi[22][23].

Bethany Firth shuningdek, 2017-yilda Belfast Qirolicha universitetidan faxriy doktor unvonini olgan.

Tan olinishi

Bethany Firth 2019-yilda BBCning 100 ta ayoli roʻyxatiga kiritilgan[24].

Yana qarang

Manbalar

  1. ↑ Betani Firth (Wayback Machine saytida 23 November 2016 sanasida arxivlangan). rio2016.com
  2. ↑ 2,0 2,1 Bell, Stephanie. „Bethany Firth: Our golden girl“. Belfast Telegraph (2014-yil 22-yanvar). Qaraldi: 2016-yil 8-sentyabr.
  3. ↑ „NI's golden girl Bethany Firth 'over the moon' with Paralympic gold“. BBC News (2012-yil 31-avgust). Qaraldi: 2012-yil 1-sentyabr.
  4. ↑ „Bethany Firth“. london2012.com. 2012-yil 1-sentyabrda asl nusxadan arxivlangan. Qaraldi: 2012-yil 1-sentyabr.
  5. ↑ „Third silver for Firth at IPC World Championships in Montreal“. BBC Sport. Qaraldi: 2014-yil 25-noyabr.
  6. ↑ „BBC Sport – Bethany Firth: Swimmer switches from Ireland to Great Britain“. BBC Sport (2013-yil 18-dekabr). Qaraldi: 2014-yil 25-noyabr.
  7. ↑ David Kelly. „Golden girl Bethany Firth in surprise switch to GB“. Belfast Telegraph (2013-yil 19-dekabr). Qaraldi: 2016-yil 11-sentyabr.
  8. ↑ Simon, Nic.. „Firth enjoys first action on equal terms alongside world's elite“ (2014-yil 26-iyul). Qaraldi: 2015-yil 16-avgust.
  9. ↑ Luney,Graham.. „Golden girl Bethany Firth is on top of the world“ (2015-yil 27-mart). Qaraldi: 2015-yil 16-avgust.
  10. ↑ „Injured Bethany Firth ruled out of IPC World Championships“. BBC Sport (2015-yil 2-iyul). Qaraldi: 2005-yil 16-avgust.
  11. ↑ 11,0 11,1 „Bethany Firth, Eleanor Simmonds Set World Records at Para-International“. swimmingworldmagazine.com (2006-yil 26-aprel). Qaraldi: 2016-yil 26-aprel.
  12. ↑ Sport, Disability. „Rio Paralympics: Bethany Firth secures gold medal in world record time“, BBC Sport. 9 September 2016. Retrieved on 9 September 2016.
  13. ↑ „Relive a magical day for ParalympicsGB“. BBC Sport (2016-yil 11-sentyabr). Qaraldi: 2022-yil 10-avgust.
  14. ↑ „Paralympics 2016: Day 10“. BBC Sport (2016-yil 17-sentyabr). Qaraldi: 2022-yil 10-avgust.
  15. ↑ „Rio 2016 Results: Swimming“. International Paralympic Committee. Qaraldi: 2022-yil 10-avgust.
  16. ↑ „Tokyo Paralympics: Dan Pembroke, Bethany Firth and Ben Watson win golds for Great Britain“. BBC Sport (2021-yil 2-sentyabr). Qaraldi: 2022-yil 10-avgust.
  17. ↑ „Tokyo Paralympics: Maisie Summers-Newton and mixed relay team add swimming golds“. BBC Sport (2021-yil 28-avgust). Qaraldi: 2022-yil 10-avgust.
  18. ↑ „Tokyo Paralympics: Bethany Firth takes silver in S14 200m freestyle final“. BBC Sport (2021-yil 27-avgust). Qaraldi: 2022-yil 10-avgust.
  19. ↑ „Tokyo Paralympics: Swimmer Reece Dunn sets world record to win third gold of Games“. BBC Sport (2021-yil 31-avgust). Qaraldi: 2022-yil 10-avgust.
  20. ↑ „No. 61803“. The London Gazette (Supplement). 31 December 2016. N18-bet.
  21. ↑ „New Year's Honours list 2017“. Gov.uk. Government Digital Service (2016-yil 30-dekabr). Qaraldi: 2016-yil 31-dekabr.
  22. ↑ „No. 63571“. The London Gazette (Supplement). 1 January 2022. N12-bet.
  23. ↑ „New Year Honours 2022: Jason Kenny receives a knighthood and Laura Kenny made a dame“. BBC Sport (2021-yil 31-dekabr).
  24. ↑ „BBC 100 Women 2019: Who is on the list this year?“ (en-GB). BBC News (2019-yil 15-oktyabr). Qaraldi: 2022-yil 17-dekabr.

Havolalar

Vikiomborda „Bethany Firth“ mavzusi boʻyicha mediafayllar bor. 
"https://ziyosfera.uz/index.php?title=Bethany_Firth&oldid=326069" dan olindi