Bert Bailey
| Bert Bailey | |
|---|---|
| Fayl:Bert Bailey-pic.jpg | |
| Tavalludi |
Albert Edward Bailey 11-iyun 1868-yil Auckland, New Zealand |
| Vafoti |
30-mart 1953-yil (84 yoshda) |
| Kasbi | Yozuvchi, aktyor, teatr menejeri |
| Faoliyat yillari | 1883-1943 |
| Turmush oʻrtogʻi | Ivy Gorrick |
Albert Edvard Bailey (1868-yil 11-iyun – 1953-yil 30-mart), Bert Bailey nomi bilan mashhur boʻlgan, Yangi Zelandiyada tugʻilgan avstraliyalik dramaturg, teatr menejeji, Steel Rudd tomonidan yozilgan kitoblar qahramoni Dad Radd rolini ijro etgani bilan mashhur boʻlgan sahna va ekran aktyori.
Yoshlik davri
Bailey Yangi Zelandiyaning Oklend shahrida fermer Christofer Bailey va Harriette Adelaide oilasida tugʻilgan. Uning ota-onasi ajrashishgan va Bailey olti oylik boʻlganida onasi u bilan Sidneyga koʻchib oʻtgan[1]. Harriette Adelaide 1879-yilda yana turmushga chiqdi va McCathie's firmasini ochib, taniqli savdogarga aylandi.
Bailey Crown Street School va Cleveland Street Public School maktablarida tahsil olgan. U oilaviy biznes bilan shugʻullanmaslikka qaror qildi va telegramma ishchisi boʻlib ishga kirdi. Keyinroq Crystal Palace konkida uchish maydonchasida qavat menejeri boʻlib ishladi. Oʻn besh yoshida u Sidneyning Jorj koʻchasidagi Canterbury Music Hall zalida tamburin vokalchisi sifatida ishga kirdi.
1889-yilda u Edmund Dugganning gastrol teatriga qoʻshildi va faoliyati davomida Avstraliya boʻylab turli xil rollarni ijro etdi. 1900-yilda u Duggan bilan birga taniqli teatr prodyuseri va Dugganning qaynogʻasi William Andersonningkompaniyasiga ishga kirdi.
Dramaturglik faoliyati
1907-yilda Bailey va Duggan birgalikda "Albert Edmunds" taxallusi ostida "<a href="https://en.wikipedia.org/wiki/The_Squatter's_Daughter_(play)" rel="mw:ExtLink" title="The Squatter's Daughter (play)" class="cx-link" data-linkid="67">The Squatter's Daughter</a>" (1907) pyesasini yozdi. Pyesaga Anderson prodyusserlik qildi va 1910-yilda .uning asosida Bailey rejissyorlik qilib, rol oʻynagan yangi bir film suratga olindi.
U Duggan bilan yana bir qator spektakllarda hamkorlik qildi (ular spektakllarda rol ham oʻynagan), "The Man from Outback" (1909), "On our Selections" (1912) va Steele Rudd va The Native Born hikoyalari (1913) asosida yozilgan pyesalar shular jumlasidandir. Ulardan eng mashhuri “On our Selections" pyesasi bugungi kungacha yuzlab spektakllarga asos boʻlgan avstraliya teatri fenomeniga aylangan. Bailey Dad Radd rolini butun faoliyati davomida ijro etib kelgan.
Teatr faoliyati
1912-yilda Bailey Anderson bilan 12 yillik hamkorlikni toʻxtatdi va biznes menejeri Yuliy Grant bilan hamkorlik boshladi[2]. Ularning ikkalasi Melburndagi Anderson teatrini ijaraga olishdi va teatr prodyuserlari sifatida muvaffaqiyatli uyushma tashkil qilishdi. Bailey, shuningdek, "Bert Bailey Dramatic Company" bilan tez-tez gastrollarga borib turgan. U va Grant William Shakespeare pyesalari mavsumida va On our Selection" spektaklining 1920-yil Londondagi namoyishi davrida ba'zi tijoriy muammolarga duch kelishdi.
1929-yilda Barry Connersning "The Patsy" spektaklida 23 hafta davomida gastrol qilganidan soʻng, "soʻzlovchi filmlar" ning ommalashuvi sababli, ortiq teatrdan foyda boʻlmaydi deb hisoblab, spektaklni tark etdi.
Kinodagi faoliyati
Bailey1932-yilda "On our Selection" pyesasining film versiyasida Dad Radd rolini oʻynash uchun Stuart F. Doyle tomonidan nafaqadan chaqirib olingan. Bu rol uchun u 400 funt sterling va foydaning 60 foizini oldi va bu summa 1934-yil oxiriga kelib taxminan 14 000 funt sterlingga yetdi[3].
Bailey yana uchta filmda Dad Radd rolini oʻynadi va har bir film uchun ssenariyga oʻz hissasini qoʻshdi. Rudd filmlarining toʻrttala qismi ham Ken G. Xoll rejissyorlik qilgan, u shuningdek , "Squatter's Daughter" filmini suratga olgan Ken G. Xoll rejissyorligida tasvirga olingan. Janubiy-Gʻarbiy Tinch okeani (1943) urush harakatlari uchun tayyorlangan targʻibot filmida qisqacha chiqish qilgani hisobga olinmasa, Bailey Dad Radd, MP (1940) filmidan keyin nafaqaga chiqqan.
Shaxsiy hayot
Bailey1902-yilda aktyor Ivy Gorrickga uylandi. Ularning Doreen ismli bir nafar farzandi boʻlgan. Rafiqasi 1932-yilda vafot etgach, Bailey qayta turmush qurmadi. U boʻsh vaqtlarini "lawns bowls" oʻyinini oʻynash, qayiqda sayr qilish va qizi bilan sayohat qilish bilan oʻtkazgan.
1937-yilda Bailey "On our Selection" filmidan 200 000 funt sterling ishlab topgani taxmin qilingan edi. U 32 527 funt sterlingga ega boʻlgan boy odam sifatida vafot etdi[4].
Filmografiya
- Squatter's Daughter (1910) - original pyesa, aktyor, rejissyor
- The Christian (1911) - aktyor
- On our Selection (1932) - aktyor, hammuallif, original pyesa
- Squatter's Daughter (1933) - faqat original spektakl
- Grandda Radd (1935) - aktyor, hammuallif
- Dad and Dave Come to Town - aktyor, hammuallif
- Dad Radd, MP (1940) - aktyor, hammuallif
- South West Pacific (1943) - aktyor
Havolalar
- ↑ "REAL-LIFE 'DAD' HAS SEEN PIONEER DAYS." Sunday Times (Perth) 28 Jul 1940: 3 accessed 30 Dec 2011
- ↑ "MR. BERT. BAILEY." The Sydney Morning Herald 17 Feb 1912: 13 accessed Web. 26 Nov 2011
- ↑ "Counting the Cash in Australian Films"', Everyones 12 December 1934 p 19-21
- ↑ "BERT BAILEY LEFT £32,527." The Sydney Morning Herald 18 Aug 1953: 5 accessed 30 Dec 2011