Kontent qismiga oʻtish

Bernarda Pera

ZiyoSfera, erkin ensiklopediya
Bernarda Pera

Pera 2023-yilgi US Ochiq turnirida
Shaxsiy maʼlumotlari
Jinsi ayol
Tavallud sanasi 1994-yil 3-dekabr
Zadar, Xorvatiya
Boʻyi 1.76 sm
Sport
Mamlakat Xorvatiya bayrogʻi Xorvatiya
AQSH bayrogʻi AQSH
Qaysi sport tennis
Murabbiy(lar)i Guillermo Cañas

Bernarda Pera (1994-yil 3-dekabrda tugʻilgan) — xorvat-amerikalik professional tennischi. WTA turnirida yakkalik bahslarida ikki marta, juftlik bahslarida bir marta chempionlikni qoʻlga kiritgan. Shuningdek, ITF Ayollar oʻrtasida Jahon Kubogi turnirida yakkalik bahslarida toʻqqiz karra, juftlik bahslarida esa sakkiz karra sovrindor boʻlgan. Sport faoliyatidagi eng yuqori natijalari: yakkalik yoʻnalishlari boʻyicha 2023-yil 12-iyun kuni jahonning 27-raqamli tennischisiga aylangan, juftlik boʻyicha 2022-yil 21-fevral kuni reytingda 35-raqamni qayd etgan. 2013-yil mart oyiga qadar Pera tugʻilgan davlati Xorvatiya nomidan musobaqalarda ishtirok etgan.

Yoshligi

Pera 1994-yil 3-dekabrda xorvat-italyan dalmatian oilada tugʻilgan. Ingliz tilidan tashqari xorvat tilida ham soʻzlashadi. U 16 yoshga toʻlganida AQSh fuqarosi boʻlgan otasi uning rivojlanib borayotgan tennis faoliyati uchun oilasini Amerikaga koʻchirgan. Ular doʻstlari va qarindoshlari anchadan beri yashab kelayotgan Nyu-Jersi shtatiga joylashganlar.

Sport faoliyati

WTA turniridagi debyuti

Pera WTA turniridagi debyutini 2014-yilgi US ochiq turnirida amalga oshirgan. Ushbu musobaqada sportchi juftlik bahslarida ishtirok etgan va Tornado Alicia Black bilan juftlik yoʻnalishida qatnashgan[1].

WTA yarim finali

Bernarda Pera Grand Slam turniri yakkalik bahslaridagi ilk ishtirokini 2018-yilgi Avstraliya Ochiq turnirida amalga oshirgan. Ushbu turnirdan Margarita Gasparyan chiqib ketganligi bois, uning oʻrniga oʻyinlarga Pera qoʻshilgan[2]. Sportchi birinchi bosqichda Anna Blinkovani magʻlub etgan[manba kerak]. Ikkinchi bosqichda esa Johanna Kontani musobaqa jadvalidan chiqarib yuborgan[3]. Uchinchi bosqichda Pera Barbora Strýcovága qarshi maydonga tushgan, biroq undan magʻlubiyatga uchragan[4].

Bernarda pera 2018-yilgi Volvo Car ochiq turnirining chorak finaligacha yetib borgan, ammo uch set davomida Madison Keysga magʻlub boʻlgan[5].

2018-yilgi Guangzhou Ochiq turnirida Pera chorak finalda Aleksandra Krunićni magʻlub etib, WTA turnirida ilk bor yarim finalga qadar yetib borishga erishgan. Bu bosqichda sportchi Yulia Putintsevaga qarshi oʻyinda magʻlubiyatga uchragan[6][7].

Dastlabki sovrinlari

Pera WTA turnirida ilk gʻalabasini 2022-yilda Merburn Yozgi Set 2 musobaqasida Kateřina Siniaková bilan birga juftlik bahslarida qoʻlga kiritgan[8]. Shundan soʻng sportchi 2022-yil 21-fevralda juftlik oʻyinlari boʻyicha reytingda 35-raqamga koʻtarilgan[manba kerak].

Sportchi 2022-yilgi Budapesht Grand Prix bahslarida ishtirok etish uchun kvalifikatsiyadan oʻtgan. U ilk bor WTA turnirining yakkalik bahslari finaliga qadar yetib borgan. Buning uchun u Marina Bassols Ribera, Aliaksandra Sasnovich[9], Elisabetta Cocciaretto va Anna Bondárni[10] mag‘lub etgan. Soʻngra sportchi Aleksandra Krunić ustidan ham gʻalaba qozonib, turnirdagi yakkalik bahslari boʻyicha ilk gʻalabasini qo‘lga kiritgan[11].

Shaxsiy hayoti

2018-yildan beri Pera xorvatiyalik basketbolchi Kristijan Krajina bilan munosabatda[12].

Manbalar

  1. ↑ „US Open 2014 – Women's Doubles“. Women's Tennis Association. 2014-yil 12-sentyabrda asl nusxadan arxivlangan. Qaraldi: 2018-yil 7-iyul.
  2. ↑ Macpherson, Alex „Among those making their Grand Slam debuts at the Australian Open . . . Bernarda Pera“. Women's Tennis Association (2018-yil 14-yanvar). Qaraldi: 2019-yil 7-iyul.
  3. ↑ „Croatian-American Bernarda Pera Shocks world No. 10 at Australian Open“. croatiaweek.com (2018-yil 18-yanvar). Qaraldi: 2019-yil 7-iyul.
  4. ↑ [https://www.cbssports.com/tennis/news/2018-australian-open-results-kerber-routs-sharapova-while-halep-wins-marathon/ „2018 Australian Open results: Kerber routs Sharapova while Halep wins marathon“]. CBS Sports (2018-yil 20-yanvar). Qaraldi: 2025-yil 2-avgust.
  5. ↑ „Keys outlasts Pera in a roller coaster of a match in Charleston“. tennis.com. Qaraldi: 2025-yil 2-avgust.
  6. ↑ „Bernarda Perra sends Aleksandra Krunic out of the Guangzhou Open“. ESPN (2018-yil 20-sentyabr). Qaraldi: 2025-yil 2-avgust.
  7. ↑ „2018 Guangzhou highlights: Putintseva pushes past Pera“. Women's Tennis Association. Qaraldi: 2025-yil 2-avgust.
  8. ↑ „Anisimova captures Melbourne crown to win second career title“ (en). Women's Tennis Association. Qaraldi: 2022-yil 30-yanvar.
  9. ↑ „Tennis, WTA – Hungarian Grand Prix 2022: Pera upends Sasnovich“ (2022-yil 13-iyul).
  10. ↑ „Krunic, Pera sweep into Budapest final with straight-sets wins“. Women's Tennis Association.
  11. ↑ „Budapest: Qualifier Pera captures 1st singles title of career“. Women's Tennis Association.
  12. ↑ „'Teško je održavati vezu na daljinu, ali nije nemoguće'“ (Croatian). story.hr (2019-yil 8-avgust). Qaraldi: 2021-yil 9-mart. 
"https://ziyosfera.uz/index.php?title=Bernarda_Pera&oldid=324927" dan olindi