Berdishev Abdumauvlen
| Berdishev Abdumauvlen Suleymanovich | |
|---|---|
| Tavalludi |
1958-yil 7-aprel Orjonikidze tumani, Toshkent viloyati |
| Fuqaroligi |
 Qozogʻiston |
| Sohasi | fizik-matematik |
| Ish joylari | Qozogʻiston Milliy Pedagogika universiteti |
| Taʼlimi | Oʻzbekiston Milliy universiteti |
Berdishev Abdumauvlen Suleymanovich (1958-yil 7-aprel, Toshkent viloyati, Orjonikidze tumani[1]) – sovet, oʻzbek, qozoq matematigi, fizika-matematika fanlari doktori, professor, Sirdaryo universiteti rektori (2002—2008).
Hayoti
Berdishev Abdumauvlen Suleymanovich 1958-yil 7-aprelda Toshkent viloyati Qibray tumani Oq Oltin qishlogʻida oʻqituvchi oilasida tugʻilgan.
U 1975-yilda 20-sonli oʻrta maktabni oltin medal bilan tamomlagan (keyinchalik ushbu maktabga Berdishev Abdumauvlen Suleymanovich nomi berilgan). 1980-yilda Toshkent davlat universitetining matematika fakultetini imtiyozli diplom bilan tamomlagan. U 1980—2000-yillarda M.Auzeva nomidagi Matematika institutida ishlagan. V.I.Romanovskiy nomidagi Oʻzbekiston Fanlar akademiyasi Matematika instituti aspiranti, kichik, katta va yetakchi ilmiy xodim, doktorant sifatida faoliyat yurtigan.
2000—2008-yillarda Sirdaryo universitetida (Janubiy Qozogʻiston viloyati) umumiy matematika va fizika kafedrasi mudiri (2000—2002), univeresitet prorektori, rektor (2002—2008) lavozimlarida ishlagan.
Berdishev Abdumauvlen Suleymanovich 2008-yil sentyabrdan Abay nomidagi Qozoq milliy pedagogika universiteti matematik analiz, algebra va geometriya kafedrasi professori boʻlib ishlab kelmoqda[2].
Ilmiy faoliyati
Berdishev Abdumauvlen Suleymanovich 1985-yilda nomzodlik, 2000-yilda doktorlik dissertatsiyasini himoya qilgan. 2006-yilda professorlik unvonini olgan[3].
Qozogʻiston Respublikasi va Oʻzbekiston Respublikasida fan doktori ilmiy darajasini berish boʻyicha bir qator dissertatsiya kengashlari aʼzosi hisoblanadi.
Berdishev Abdumauvlen faoliyati davomida 3 nafar fan nomzodi tayyorlagan. Shuningdek, 85 ta ilmiy maqolalar muallifi hisoblanadi.
Mukofotlari
Berdishev Abdumauvlen 1990-yilda Oʻzbekiston yoshlar ittifoqining fan va texnika sohasidagi mukofoti sohibi boʻlgan. Shuningdek, Qozogʻiston Respublikasi Taʼlim va fan vazirligining „Qozogʻiston Respublikasida xizmat koʻrsatgan taʼlim xodimi“ koʻkrak nishoni bilan taqdirlangna.
Manbalar
- ↑ „Кто родился в апреле 1958 года?“. www.кто-родился.рф. Qaraldi: 25-oktabr 2023-yil.
- ↑ „БЕРДЫШЕВ АБДУМАУВЛЕН СУЛЕЙМАНОВИЧ“. www.ncste.kz. Qaraldi: 25-oktabr 2023-yil.
- ↑ „Бердышев Абдумаулен Сулейменович“. www.kaznpu.kz. Qaraldi: 25-oktabr 2023-yil.