Beparvolikning nozik san’ati
| Asl nomi | The Subtle Art of Not Giving a Fuck: A Counterintuitive Approach to Living a Good Life |
|---|---|
| Muallif(lar) | Mark Manson |
| Tarjimon(lar) | Mavlon Marasulov |
| Mamlakat | AQSh |
| Til | inglizcha |
| Nashr etilgan sanasi | 2016-yil 13-sentyabr |
| Nashriyot | HarperOne |
| Oʻzbek tilida nashr etilgan sanasi | 2020 |
| ISBN | 978-9943-23-163-4 |
| Keyingisi | Hammasi rasvo |
Beparvolikning nozik sanʼati: Baxtli yashashning oʻzgacha usuli – amerikalik bloger va yozuvchi Mark Manson qalamiga mansub nashr etilgan ikkinchi kitob. Asar dunyodagi eng yirik nashriyot kompaniyalaridan biri boʻlgan HarperCollins Publishersning HarperOne nashriyoti tomonidan 2016-yil 13-sentyabrda chop etilgan[1].
Syujeti
Kitob oʻz-oʻzini rivojlantirish sanʼatiga va Manson koʻpchilik odamlarga amalda foyda keltirmaydigan maʼnosiz ijobiylik madaniyati deb hisoblagan narsaga javob sifatida yozilgan[2]. Manson hayotiy qiyinchiliklar aksariyat hollarda hayotga koʻproq maʼno berishini koʻrsatish uchun oʻz hayotidan koʻplab shaxsiy misollarni keltiradi. Uning fikricha, bu yondashuv cheksiz baxt izlashga qaraganda hayotga nisbatan oqilona munosabatdir[3].
Mansonning qarashlari va yozish uslubi ayrim kishilar tomonidan oʻz-oʻziga yordam berishning umumqabul qilingan tamoyillariga zid deb baholandi, chunki u oʻz fikrlarini ifodalash uchun gʻoyat keskin toʻgʻrilik va odob doirasidan tashqari soʻzlardan foydalangan.
Mavzu jihatidan kitob motivatsiya boʻyicha qoʻllanmalarga oʻxshaydi, lekin mohiyatan ularga tanqidiy munosabatdir. Mansonning taʼkidlashicha, biz qoʻrquv va kamchiliklarimizni qabul qila olsak, muvaffaqiyatsizliklardan qochishni toʻxtatsak, jasorat va qatʼiyat, mas’uliyat va halollikni topamiz.
Jamoatchilik munosabati
Kitob birinchi marta „New York Times“ gazetasining haftalik bestsellerlari roʻyxatida paydo boʻladi, 2016-yil 2-oktyabrda „Hayotiy maslahatlar va boshqa turdagi kitoblar“ toifasida oltinchi oʻrinni egallaydi va birinchi marta 2017-yil 16-iyulda yetakchiga aylanadi[4][5].
Bundan tashqari, kitob 2016-yil 25-sentyabrda „Hujjatli nasriy va boshqa turdagiasarlar“ nominatsiyasida „Washington Post“ gazetasida haftaning eng koʻp sotilgan kitoblari roʻyxatida toʻqqizinchi[6] va 2016-yil 23-sentyabrda „Toronto Star“ oʻz-oʻzini rivojlantirish kitoblari roʻyxatida 1-oʻrinni egalladi[7]. Asar 2017-yilda „Barnes&Noble“ tomonidan eng koʻp sotilgan kitobga aylandi[8], Amazon.com saytidagi bestsellerlar roʻyxatida toʻrtinchi[9] va Kanadadagi eng koʻp sotilgan kitoblar roʻyxatida esa toʻqqizinchi oʻrinni egalladi[10].
Manbalar
- ↑ „The Subtle Art of Not Giving a F*ck - Mark Manson - Hardcover“ (en). HarperCollins Publishers: World-Leading Book Publisher. 2016-yil 11-oktyabrda asl nusxadan arxivlangan. Qaraldi: 2019-yil 20-yanvar.
- ↑ „The Subtle Art of Not Giving a F*ck - A Book Review“ (en). HuffPost (2016-yil 15-sentyabr). 2019-yil 21-yanvarda asl nusxadan arxivlangan. Qaraldi: 2019-yil 20-yanvar.
- ↑ „Рецензия на книгу на Ozon.ru“. Ozon.ru. www.ozon.ru. 2019-yil 21-yanvarda asl nusxadan arxivlangan. Qaraldi: 2019-yil 20-yanvar.
- ↑ „Advice, How-To & Miscellaneous Books - Best Sellers - October 2, 2016 - The New York Times“ (en). The New York Times. 2018-yil 2-iyulda asl nusxadan arxivlangan. Qaraldi: 2019-yil 20-yanvar.
- ↑ „Advice, How-To & Miscellaneous Books - Best Sellers - July 16, 2017 - The New York Times“ (en). The New York Times. 2019-yil 17-yanvarda asl nusxadan arxivlangan. Qaraldi: 2019-yil 20-yanvar.
- ↑ „Вашингтон Пост, Бестселлеры 2016“.
- ↑ „Bestsellers | The Star“ (en). thestar.com. 2016-yil 23-sentyabrda asl nusxadan arxivlangan. Qaraldi: 2019-yil 20-yanvar.
- ↑ Melissa Locker. „Barnes & Noble’s best-selling books of 2017 are just so 2017“ (en). Fast Company (2017-yil 18-dekabr). 2018-yil 20-fevralda asl nusxadan arxivlangan. Qaraldi: 2019-yil 20-yanvar.
- ↑ „Amazon.com Best Sellers of 2017 in Books“. www.amazon.com. 2017-yil 27-yanvarda asl nusxadan arxivlangan. Qaraldi: 2019-yil 20-yanvar.
- ↑ CBC Books · CBC · December 27, 2017. „Here are the bestselling books in Canada of 2017 | CBC Books“ (en). CBC. 2020-yil 3-avgustda asl nusxadan arxivlangan. Qaraldi: 2019-yil 20-yanvar.