Belgiya Pro ligasi
| Davlat | Belgiya |
|---|---|
| Konfederatsiya | UEFA |
| Oʻtkazuvchi tashkilot | Pro liga |
| Tashkil etilgan | 1895 |
| Jamoalar soni | 18 |
| Pastki liga | Challenger Pro ligasi |
| Ichki kuboklar | Belgiya Superkubogi |
| Xalqaro musobaqalar |
UEFA Chempionlar Ligasi UEFA Yevropa Ligasi UEFA Konferensiyalar ligasi |
| Amaldagi chempion | Club Brugge (20-sovrin) |
| Eng koʻp marta chempion | Anderlecht (34 ta sovrin) |
| Toʻpurarlar | Albert De Cleyn (377) |
| TV hamkorlar | DAZN (2025—2030) |
| Veb-sayt | proleague.be (niderlandcha) |
| Joriy mavsum: Futbol boʻyicha 2026–27-yilgi Belgiya Pro ligasi | |
Belgiya Pro-ligasi[1] (rasmiy nomi homiylik sababli Jupiler Pro-ligasi) — Belgiyadagi professional futbol ligasi boʻlib, mamlakat futbol ligalari tizimining eng yuqori divizioni hisoblanadi. 2026–27-yilgi mavsumdan boshlab unda 18 ta klub ishtirok etadi va u Challenger Pro ligasi bilan yuqori ligaga koʻtarilish va quyi ligaga tushish tizimi asosida faoliyat yuritadi.
2025–26-yilgi mavsumgacha boʻlgan davrda mavsumlar iyul oxiridan mart oxirigacha davom etadi. Unda jamoalarning har biri muntazam mavsumda 30 tadan oʻyin oʻtkazib, soʻngra egallagan oʻrniga koʻra quyidagi bosqichlardan biriga yoʻl oladi: I pley-off (shuningdek, Chempionlik pley-offi yoki Chempionlar pley-offi[2] deb ataladi), II pley-off (shuningdek, Yevropa Ligasi pley-offi yoki Yevropa pley-offi[2] deb ataladi) yoki III pley-off (shuningdek, quyi ligaga tushib ketish pley-offi[2] deb ataladi). I pley-offda muntazam mavsumning eng yaxshi oltita klubi oʻzaro ikki martadan oʻyin oʻtkazadi. 15 va 16-oʻrinlarni egallagan jamoalar toʻgʻridan-toʻgʻri quyi ligaga tushib ketadi, biroq 14-oʻrindagi jamoa Challenger Pro Ligasining 3-oʻrin sohibiga qarshi oʻtish pley-offida ishtirok etadi.
Musobaqa 1895-yilda Belgiya Qirolligi futbol assotsiatsiyasi tomonidan tashkil etilgan va birinchi marta FC Liègeois jamoasi gʻolib chiqqan. Birinchi divizion tashkil etilganidan beri unda ishtirok etgan 78 ta klubdan 16 tasi Belgiya chempioni boʻlgan. „Anderlext“ 34 ta chempionlik bilan eng muvaffaqiyatli liga klubi boʻlib, undan keyin „Bryugge“ (20), „Union Saint-Gilloise“ (12) va „Standard Liège“ (10) turadi. Hozirda u soʻnggi besh yil ichida Yevropa musobaqalaridagi oʻyinlari asosida UEFA ligalari reytingida 8-oʻrinni egallab turibdi[3]. UEFA birinchi marta 1979-yilda va keyingi yili 1980-yilda oʻz reytingini eʼlon qilganida musobaqa 3-oʻrinni egalladi, bu Belgiya birinchi divizioni erishgan eng yaxshi reytingdir.
Manbalar
- ↑ (niderlandcha: Eerste klasse; fransuzcha: Championnat de Belgique de football; olmoncha: Pro League )
- ↑ 2,0 2,1 2,2 „Jupiler Pro League Official“. 2024-yil 25-mayda asl nusxadan arxivlangan. Qaraldi: 2025-yil 11-aprel.
- ↑ Kassies, Bert „UEFA European Cup Coefficients Database“. 2012-yil 12-fevralda asl nusxadan arxivlangan. Qaraldi: 2010-yil 25-avgust.
Havolalar
- (niderlandcha) Jupiler Pro League rasmiy veb-sayti
- (niderlandcha) Pro liga rasmiy sayti
- (olmoncha, inglizcha, fransuzcha va niderlandcha) Belgiya futbol assotsiatsiyasining rasmiy veb-sayti
- (fransuzcha) Sport sayti — Jupiler ligasida
- (inglizcha) League321.com — Belgiya futbol ligasi jadvallari, rekordlari va statistikasi maʼlumotlar bazasi.
- (inglizcha) Pluto website — Belgiya futboli tarixi
- (inglizcha) RSSSF arxivi — Barcha vaqt jadvallari
- (inglizcha) Futbol natijalari (Wayback Machine saytida 31 July 2013 sanasida arxivlangan) — Belgiya futbol statistikasi