Beit Ara
Beit Ara بيت أرة | |
|---|---|
| Qishloq | |
| Mamlakat | Suriya |
| Muhofaza | Daraa |
| Okrug | Daraa okrugi |
| Nohiya | ash-Shajara |
| Aholisi (2004) |
1 878[1] |
| Vaqt mintaqasi | UTCEET +2; +3 |
Beit Ara (arabcha: بيت أرة, shuningdek, Beit Ira yoki Beit Arra) Suriya janubida joylashgan qishloq. Maʼmuriy jihatdan Daraa muhofazasi tarkibiga kiradi. Daraadan gʻarbda joylashgan. Suriya Markaziy Statistika Byurosi (CBS) maʼlumotlariga koʻra, 2004-yil aholini roʻyxatga olishda Beit Ara aholisi 1 878 kishini tashkil qilgan[1]. Qishloq Yarmuk daryosidan (Suriya va Iordaniya chegarasi) 5 kilometr (3.1 mi) shimolda, Tafasdan esa 22 kilometr (14 mi) janubda joylashgan[2].
Tarixi
Usmoniylar davri
1596-yilgi Usmoniylar soliq roʻyxatlarida qishloq Bayt Irr nomi bilan qayd etilgan boʻlib, Havron qadasidagi Javlan Sharqi nohiyasi tarkibiga kirgan. Qishloqda jami 39 xonadon va 25 nafar boʻydoqdan iborat musulmon aholi istiqomat qilgan. Aholi bugʻdoy (2250 akçe), arpa (900 akçe), yozgi ekinlar (550 akçe), echkilar va/yoki asalari uyalari (150 akçe) kabi turli qishloq xoʻjaligi mahsulotlaridan, shuningdek, vaqti-vaqti bilan olinadigan daromadlardan (150 akçe) soliq toʻlagan. Jami soliq miqdori 4000 akçeni tashkil etgan[3].
Nemis sayyohi Ulrich Jasper Setzeen 1808—1809-yillarda bu hududdan oʻtib, Havron mintaqasidagi „Betirra“ nomli joyda xarobalarni koʻrgan. Nemis geografi Karl Ritter bu xarobalarni Buyuk Herod miloddan avvalgi 37—4-yillarda Batanaea (qadimgi Havron) ustidan hukmronlik qilgan davrda qurdirgan „Betura“ qal’asi boʻlishi mumkin, deb taxmin qilgan. Qal’a shahar keyinchalik Vizantiya saltanati davrida (milodiy IV asrdan VII asr boshlarigacha) harbiy qoʻrgʻon vazifasini bajargan. Setzeen Bethirrani Tasil qishlogʻining janubi-sharqida joylashgan degan boʻlsa-da, amerikalik arxeolog Gottlieb Schumacher bu fikr xato ekanligini taʼkidlab, mazkur joyni Beit Ara (Tasilning janubi-gʻarbida joylashgan) hududida ekanini aniqlagan[4].
1880-yillarda Schumacher Beit-Arani Vadi az-Zayyatinning gʻarbiy yonbagʻirlari yuqori qismida joylashgan kichik qishloq deya taʼriflagan. Qishloqdagi tosh va loydan qurilgan yigirma beshta uyda 90 nafar musulmon aholi istiqomat qilgan. Qishloq atrofida qadimiy turar-joylarning keng koʻlamli xarobalari hamda biroz unumdor yerlar mavjud boʻlgan[4].
2024-yil dekabridan bu hudud Isroil nazorati ostida.
Manbalar
- ↑ 1,0 1,1 „General Census of Population 2004.“. Qaraldi: 2014-yil 10-iyul.
- ↑ Ma'oz 2008, s. 10.
- ↑ Hütteroth & Abdulfattah 1977, s. 198.
- ↑ 4,0 4,1 Schumacher 1886, s. 52.
Adabiyotlar
- Hütteroth, W.-D.; Abdulfattah, K.. Historical Geography of Palestine, Transjordan and Southern Syria in the Late 16th Century. Erlanger Geographische Arbeiten, Sonderband 5. Erlangen, Germany: Vorstand der Fränkischen Geographischen Gesellschaft, 1977. ISBN 3-920405-41-2.
- Schumacher, G.. Across the Jordan: Being an Exploration and Survey of part of Hauran and Jaulan. London: Richard Bentley and Son, 1886.
- Ma'oz, Zvi Uri. The Ghassānids and the Fall of the Golan Synagogues. Archaostyle, 2008.