Behzod Musayev
Behzod Anvarovich Musayev (1973-yil, Toshkent, Oʻzbekiston SSR, SSSR) – oʻzbekistonlik iqtisodchi va davlat arbobi. 2024-yildan Oʻzbekiston tashqi mehnat migratsiyasi agentligi direktori. 2021—2022-yillarda Oʻzbekiston Respublikasi sogʻliqni saqlash vaziri. 2020—2021-yillarda Oʻzbekiston Respublikasi Bosh vazirining ijtimoiy rivojlanish boʻyicha oʻrinbosari. 2018-2020-yillarda Oʻzbekiston davlat soliq qoʻmitasi raisi. 2022—2024-yillarda Oʻzbekiston Respublikasi kambagallikni qisqartirish va bandlik vaziri.
Biografiyasi
1973-yil Toshkent shahrida tugʻilgan.
1995-yilda Toshkent davlat iqtisodiyot universitetini iqtisodchi mutaxassisligi boʻyicha tamomlagan[1]. 2004-yilda Oʻzbekiston Respublikasi Prezidenti huzuridagi Davlat va jamiyat qurilishi akademiyasining Oliy biznes maktabini biznes menejmenti mutaxassisligi boʻyicha tamomlagan. Iqtisod fanlari nomzodi[2].
1995—1998 – Oʻzbekiston milliy banki xodimi.
1998—2006 – Moliya vazirligida ish olib borgan va boʻlim boshligʻigacha koʻtarilgan. Moliya vazirligida Behzod Musayev davlatning qimmatli qogʻozlar bozorini, soʻngra ilmiy va ijtimoiy muassasalarni moliyalashtirish ustidan nazoratni amalga oshirgan.
2006-yildan 2010-yilgacha Oʻzbekiston Respublikasi Hisob palatasi raisi boʻlgan[3].
2010-yildan 2011-yilgacha davlat soliq qoʻmitasi raisining birinchi oʻrinbosari boʻlib ishlagan. 2018-yil mart oyida esa ushbu lavozimga qayta tayinlangan[4][5][6].
2018-yilning 18-may kuni davlat soliq qoʻmitasi raisi lavozimini egallagan[7].
2020-yil 14-mayda Oʻzbekiston Respublikasi Prezidenti Shavkat Mirziyoyev farmoni bilan Bosh vazirning ijtimoiy rivojlanish boʻyicha oʻrinbosari etib tayinlandi[8].
2021-yil 11-noyabrda Oʻzbekiston Respublikasi sogʻliqni saqlash vaziri etib tayinlangan[9].
2022-yildan 2024-yilgacha Kambag‘allikni qisqartirish va bandlik vaziri lavozimida ishlagan. 2024-yil 23-sentyabrda vazirlik huzuridagi Tashqi mehnat migratsiyasi agentligi direktori etib tayinlangan[10]. 2025-yil mart oyida migratsiya agentligining Koreya Respublikasidagi vakolatxonasi rahbari lavozimida faoliyat olib borgan Azizbek Toshtemirov korrupsion jinoyatlar va firibgarlikda ayblanib, xalqaro qidiruvga berilgan. U agentlikda avj olgan korrupsiyada Behzod Musayevni ayblagan[11][12].
Mukofotlari
- 2020-yilda Mehnat shuhrati ordeni bilan taqdirlangan[13].
Manbalar
- ↑ Economics, Tashkent State University of „TDIU“. tsue.uz. Qaraldi: 2026-yil 21-iyun.
- ↑ Узбекистан, Sputnik „В Узбекистане назначен заместитель премьера по вопросам соцразвития“ (ru). Sputnik Узбекистан (14-may). Qaraldi: 2026-yil 21-iyun.
- ↑ „ 1651-сон 29.12.2006. Oʻzbekiston Respublikasi Hisob palatasi tomonidan aniqlangan davlatning iqtisodiy manfaatlariga yetkazilgan zarar summalarini davlat budjeti daromadiga yoʻnaltirish tartibi toʻgʻrisida nizomni tasdiqlash haqida“. www.lex.uz. Qaraldi: 2026-yil 22-iyun.
- ↑
Davletov(oʻzb.) Telegram mesenjerida
- ↑ PMX(oʻzb.) Telegram mesenjerida
- ↑ „Prezident farmoni bilan 17 ta yangi lavozim tayinlovi amalga oshirildi“. Kun.uz.
- ↑ „Sherzod Kudbiyev — Soliq qo‘mitasi raisi, Bexzod Musayev — bosh vazir o‘rinbosari etib tayinlanishi kutilmoqda“ (uz-Latn). Газета.uz (2020-yil 13-may). 2023-yil 3-oktyabrda asl nusxadan arxivlangan. Qaraldi: 2026-yil 21-iyun.
- ↑ „«Nima uchun men iqtisodchini vazir qilib qo‘ydim?» Prezident — Behzod Musayev haqida“ (uz-Latn). Газета.uz (2022-yil 18-mart). 2024-yil 19-iyunda asl nusxadan arxivlangan. Qaraldi: 2026-yil 21-iyun.
- ↑ kun.uz „Бехзод Мусаев будет временно исполнять обязанности министра здравоохранения“ (ru). Kun.uz. Qaraldi: 2026-yil 21-iyun.
- ↑ Group, Online Service „Sobiq vazir Behzod Musayev Tashqi mehnat migratsiyasi agentligi direktori etib tayinlandi“ (uz-Latn-UZ). Daryo (2024-yil 23-sentyabr). Qaraldi: 2026-yil 21-iyun.
- ↑ „Migratsiya agentligining sobiq mulozimi qidiruvga berildi“ (uz). Qalampir.uz. Qaraldi: 2026-yil 21-iyun.
- ↑ „Musayevga bog‘lanayotgan korrupsion sxema bo‘yicha Migratsiya agentligi tilga kirdi“ (uz). Qalampir.uz. Qaraldi: 2026-yil 21-iyun.
- ↑ „Кто получил государственные награды ко Дню независимости“ (ru). Газета.uz (2020-yil 29-avgust). 2025-yil 10-oktyabrda asl nusxadan arxivlangan. Qaraldi: 2026-yil 21-iyun.