Bazlama
 | |
| Turi | Yassi non |
|---|---|
| Kelib chiqishi | Turkiya |
| Asosiy komponentlari | Bugʻdoy uni, suv, tuz, xamirturush, yogurt |
Bazlama – turk oshxonasiga mansub, yumshoq va momiq tuzilishga, tashqi tomondan esa biroz qarsildoq qobiqchaga ega boʻlgan, xamirturushli dumaloq yassi nondir[1]. U bugʻdoy uni va yogurt (biroz nordonroq taʼm berish uchun)dan tayyorlanadi hamda oʻrtacha qalinligi 2 sm, diametri esa 10 dan 25 sm gacha boʻladi. Aralashtirib, ikki-uch soat achitilgach, 200–250 grammli xamir boʻlagi shar shakliga keltiriladi, soʻng yoyilib, qizigan plitada pishiriladi. Pishirish jarayonida non agʻdarib turiladi va har ikki tomoni qovurib pishiriladi. Pishirilgach, odatda yangi holida isteʼmol qilinadi va koʻpincha anʼanaviy turk nonushtasining bir qismi sifatida tortiladi. Bazlama Turkiyaning qishloq hududlarida ommabop boʻlgani uchun baʼzan „qishloq noni“ deb ham ataladi[2]. Bazlamaning saqlanish muddati saqlash sharoitiga qarab bir necha soatdan bir necha kungacha oʻzgaradi[3].
Yana qarang
Manbalar
- ↑ HasanzadeNemati, Shadi „Bazlama Easy Turkish Flatbread“ (en-US). Unicorns in the Kitchen (2024-yil 9-may). Qaraldi: 2025-yil 9-fevral.
- ↑ Life, Turkey's For „Bazlama Bread - The Resurgence Of A Village Bread“ (en-GB). Turkey's For Life (2010-yil 20-noyabr). Qaraldi: 2025-yil 9-fevral.
- ↑ Barley for Food and Health: Science, Technology, and Products, s. 158, Google Booksda