Bayt as-Sinnariy
| Bayt as-Sinnariy | |
|---|---|
بيت السنارى | |
 | |
| Umumiy maʼlumot | |
| Turi | hovli-joy |
| Meʼmoriy uslubi | Usmonli uslubi |
| Manzili | Monge koʻchasi |
| Shahar | Qohira |
| Mamlakat |
 Misr |
| Koordinatalar | 30°01′58″N 31°14′31″E / 30.0329°N 31.242°E |
| Texnik holati | |
| Material | tosh va yogʻoch |
| Vebsayt | |
| Official website | |
Bayt as-Sinnariy 1794-yilda qurilgan boʻlib, oʻrta asrlardagi burjua uslubini oʻzida mujassam etgan kam sonli qasrlardan biri hisoblanadi. U Misrning Qohira shahrida joylashgan. Iskandariya kutubxonasi tomonidan boshqariladigan ushbu uy restavratsiyadan soʻng muhim madaniy markazga aylangan.
Manzili
Sayyida Zaynab masjidi mahallasida joylashgan Bayt as-Sinnariyga Monge koʻchasi deb nomlangan, oxiri berk boʻlgan yoʻlak orqali boriladi. Bu koʻcha Gaspard Monge sharafiga shunday nomlangan[1], u Fransiyaning Misrga yurishida ishtirok etgan.
Tarixi
Bayt as-Sinnariy 1794-yilda Ibrohim Katxuda as-Sinnariy tomonidan qurilgan boʻlib, uning familiyasi Sennar shahridan ekanligini anglatadi. 1798-yilda uy fransuzlar tomonidan musodara qilinib, Misrga Napoleon Bonapart bilan birga kelgan Fan va sanʼat komissiyasi aʼzolarini joylashtirish uchun ishlatilgan. Ularning vazifasi Misrni tizimli oʻrganish boʻlib, natijada mashhur „Description de l'Égypte“ asari nashr etilgan[2]. Uy joylashgan koʻchaga nomi berilgan Gaspard Monge komissiya prezidenti, Napoleon Bonapart uning oʻrinbosari, Jozef Furye esa kotib boʻlgan. Biroq 1801-yilda fransuz ekspeditsiyasi shahardan ketishi bilan institut yopilgan.
1917-yildan 1933-yilgacha Bayt as-Sinnariy xususiy Napoleon muzeyi sifatida xizmat qilgan. 1992-yilgi Qohira zilzilasidan soʻng uy keng qamrovli restavratsiya jarayonidan oʻtkazildi[3]. Uyni saqlab qolish ishlarida Fransiya, Misr va YuNESKO hamkorlik qilgan[4]. Hozirda uy muhim madaniy markaz hisoblanadi.
Meʼmoriy tuzilishi
Bayt as-Sinnariy ikki asosiy boʻlimdan iborat: gʻarbiy tomonidagi qabulxonalarni oʻz ichiga olgan birinchi (pastki) qavat va xususiy xonalardan tarkib topgan ikkinchi qavat boʻlib, unda ulugʻvor yogʻoch oʻymakorligi bilan bezatilgan mashrabiya hamda kichik hammom mavjud[5]. Uy ichki hovliga ega boʻlib, uning markazida marmar favvora joylashgan[6].
Manbalar
- ↑ Map of Bayt al-Sinnary Retrieved 2020-04-05.
- ↑ History of Bayt Al Sinnari Retrieved 2020-04-05.
- ↑ Official website of Bayt al-Sinnari Retrieved 2020-04-05.
- ↑ UNESCO restoration of Bayt al-Sinnari Retrieved 2020-04-05.
- ↑ Architecture of Bayt al-Sinnari (Wayback Machine saytida 2019-12-14 sanasida arxivlangan) Retrieved 2020-04-05.
- ↑ Bernard Maury, Conserving and restoring the Harawi and al-Sinnari Houses in Cairo, Museum International (UNESCO Paris) 210:53, nº 2 (April–June 2001), pp 22-35.