Kontent qismiga oʻtish

Baxtiyor Mahkamov

ZiyoSfera, erkin ensiklopediya

Ziyosferada ismi Baxtiyor va familiyasi Mahkamov boʻlgan boshqa kishilar haqida ham maqolalar mavjud.
Baxtiyor Shuxratovich Maxkamov
Tasvir yaratishda xatolik:
Tavalludi 1985-yil 17-aprel (1985-04-17) (41 yosh)
Toshkent, Oʻzbekiston SSR
Fuqaroligi Oʻzbekiston bayrogʻi Oʻzbekiston
Kasbi iqtisodchi
Sohasi menejment
Taʼlimi Toshkent davlat texnika universiteti, Toshkent axborot texnologiyalari universiteti
Ilmiy darajasi iqtisodiyot fanlari doktori
Ilmiy unvoni professor
Mukofotlari “KOOKMIN” universiteti “Faxriy professori”, G.V.Plexanov nomidagi Rossiya iqtisodiyot universiteti “Faxriy professori”, Oxford Awards Club tomonidan “King’s Award for Excellence 2024”ning “Texnologik tadqiqotlar va ishlanmalar" yo‘nalishi g'olibi.
Turmush oʻrtogʻi Maxkamova Komola Toxir qizi

Baxtiyor Shuxratovich Maxkamov (1985-yil 17-aprel, Toshkent, Oʻzbekiston SSR) – oʻzbekistonlik iqtisodchi olim, iqtisodiyot fanlari doktori (2016), professor (2020).

Biografiyasi

Baxtiyor Maxkamov 1985-yil 17-aprel Toshkentda ziyoli oilasida tugʻilgan[1]. 1992—2002-yilllarda Toshkent shahri, Yunusobod tumanidagi 9-sonli oʻrta maktabda oʻqigan. 2006-yilda Toshkent davlat texnika universitetining "Moliyaviy menejment" yoʻnalishi boʻyicha bakalavriatni imtiyozli diplom bilan tamomlagan, 2008-yilda Toshkent axborot texnologiyalari universitetining menejment (axborot-kommunikatsiya texnologiyalari) yoʻnalishi boʻyicha magistraturani tamomlagan[2].

2007—2013-yillarda „Uzdunrobita“ qoʻshma korxonasi marketing boʻlimi, marketing tadqiqotlari boʻlimi mutaxassisi, yetakchi mutaxassisi;

2013—2014-yillarda Plexanov nomidagi Rossiya iqtisodiyot universiteti Toshkent filialida „Mehnat iqtisodiyoti va boshqaruvi“ kafedrasi oʻqituvchisi[3];

2014—yilda Oʻzbekiston Respublikasi Oliy va oʻrta maxsus taʼlim vazirligi oʻrta maxsus, kasb-hunar taʼlimi markazi „Marketing, investitsiyalar va taʼlim iqtisodiyoti“ boʻlimi bosh mutaxassisi, boʻlim boshligʻi;

2014—2015-yillarda Oʻzbekiston Respublikasi Ichki ishlar vazirligi xodimi;

2015—2020 yillarda Elektromagnit moslashuv markazining 1-toifali muhandisi, markazning „Radiochastota taqdimotlarini muvofiqlashtirish boʻlimi“ boshligʻi[1];

2020—2021-yillarda Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining „Radiochastota spektridan foydalanishni tartibga solish“ boʻlimi boshligʻi, radiochastotalar boʻyicha respublika kengashining kotibi[4];

2021-yilda Elektromagnit moslashuv markazi boshligʻining birinchi oʻrinbosari[3] lavozimida faoliyat koʻrsatgan.

2021-yil 15-iyundan Muhammad Al-Xorazmiy nomidagi Toshkent axborot texnologiyalari universitetining rektori[5][6].

Oilasi

Oilali. 3 nafar oʻgʻli bor[5]. Turmush oʻrtogʻi - Maxkamova Komila Toxir qizi.

Ilmiy faoliyati

Baxtiyor Mahkamov 2016-yilda iqtisodiyot fanlari doktori (DSc) ilmiy darajasini, 2019-yilda dotsent, 2020-yilda professor ilmiy unvonini olgan. 5 ta oʻquv qoʻllanma, 2 ta monografiya, 1 ta darslik, 70 dan ortiq ilmiy maqolalar muallifi[1][3].

2024 yili 23 feval kuni G.V.Plexanov nomidagi Rossiya iqtisodiyot universiteti Toshkent shaxridagi filiali kengashi qarori bilan “Faxriy professori” [7]unvoni hamda 18 aprel kuni Janubiy Koreyaning yetakchi universitetlaridan biri bo‘lgan “KOOKMIN” universiteti tomonidan “Faxriy professori” unvoni bilan taqdirlangan[8] .  

Buyuk Britaniyaning London Qirollik Kollejida bo‘lib o‘tgan, Oksford mukofotlari klubi (Oxford Awards Club) tomonidan tashkillashtirilgan “King’s Award for Excellence 2024”ning “Texnologik tadqiqotlar va ishlanmalar"  yo‘nalishida g‘olib bo‘lib va diplom bilan taqdirlangan. [9]

Rektorlik faoliyati

Baxtiyor Maxkamov rahbarligi davrida Toshkent axborot texnologiyalari universitetida infratuzilmani modernizatsiya qilish, ta’lim sifatini oshirish hamda universitetning xalqaro reytinglar va akkreditatsiyalardagi ishtirokini kengaytirishga qaratilgan islohotlar amalga oshirildi.

Infratuzilma va moddiy-texnik bazani rivojlantirish

Rektorlik faoliyati davomida universitetning A, B, C va D o‘quv binolari to‘liq kapital ta’mirdan chiqarilib, zamonaviy axborot-kommunikatsiya texnologiyalari bilan jihozlandi. Universitet hududida 450 o‘rinli Axborot-resurs markazi foydalanishga topshirildi. Shuningdek, FIFA talablariga mos ravishda rekonstruksiya qilingan sport majmuasi va yangi sport inshootlari barpo etildi[10].

2022-yil 23-sentyabr kuni Kompyuter injiniring fakulteti uchun 1,5 ming talabaga mo‘ljallangan ikki dona 9 qavatli zamonaviy o‘quv binosi foydalanishga topshirildi[11].

Ta’lim, innovatsiyalar va raqamli muhit

2022-yil 6-may kuni universitetda innovatsion startaplar va amaliy ishlanmalarni qo‘llab-quvvatlash maqsadida Inkubatsiya markazi tashkil etildi. 2024-yildan boshlab Oliy muhandislik maktabi faoliyati yo‘lga qo‘yildi. Mazkur maktab tarkibida soha korxonalari bilan hamkorlikda 17 ta zamonaviy laboratoriya va o‘quv xonalari tashkil etildi.

Universitet yerto‘la qismida 31 ta laboratoriya va o‘quv xonasidan iborat Fab-Lab[12] va Living-Lab [13] innovatsion hududlari barpo etildi. Oliy ta’lim muassasalari orasida birinchilardan bo‘lib Student Office (talabalarga xizmat ko‘rsatish markazi) faoliyati yo‘lga qo‘yildi. Shuningdek, nemis, fransuz, ingliz va rus tillari bo‘yicha maxsus til markazlari tashkil etildi[14].

2023-yil 4-sentyabr kuni Qabul va registrator ofisi[15] tashkil etilib, talabalikka qabul qilish, o‘qishni ko‘chirish va tiklash jarayonlari markazlashtirildi.

Ma’naviy-ma’rifiy faoliyat va talabalar hayoti

2021-yil 27-oktyabrda universitetning ramziy bayrog‘i tasdiqlandi hamda shu yili TATU tarixida ilk bor universitet madhiyasi yaratildi[16].

2023-yil yanvar oyida universitetda Ma’naviyat va ma’rifat markazi ochildi[17]. Ochilish marosimida Oliy ta’lim, fan va innovatsiyalar vaziri Kongratbay Sharipov[18] hamda Raqamli texnologiyalar vaziri Sherzod Shermatov ishtirok etdi.

Talabalar bo‘sh vaqtini mazmunli tashkil etish maqsadida Oqtosh, Qarshi, Urganch, Samarqand, Nukus, Farg‘ona va boshqa hududlarda 7 mingdan ortiq talabani qamrab olgan jamoaviy (team building) tadbirlar o‘tkazildi. Shuningdek, TUIT bright future week haftaligi[19], Rektor kubogi[20], TUIT Party [21], Movie Night, QVZ va boshqa madaniy-ma’rifiy hamda intellektual tadbirlar tashkil etildi.

Kadrlar salohiyati va akademik almashinuv

Ta’lim sifatini oshirish maqsadida 430 dan ortiq professor-o‘qituvchilar Janubiy Koreya, AQSH, Hindiston, Yaponiya, Belgiya, Xitoy kabi 20 dan ziyod davlatlarda malaka oshirish va stajirovka dasturlarida ishtirok etdi. 700 ga yaqin talaba esa xalqaro akademik almashinuv dasturlari doirasida 10 dan ortiq davlatlarda ta’lim oldi.

Xalqaro hamkorlik va reytinglar

Baxtiyor Mahkamov rektorligi davrida universitet 35 ta davlatning 180 dan ortiq universiteti, 8 ta ilmiy tadqiqot markazi hamda 24 ta tashkilot va kompaniyalar bilan jami 200 dan ortiq hamkorlik shartnomalari va memorandumlarini imzoladi.

Universitet QS xalqaro reyting agentligi tomonidan 4 yulduz bilan baholandi[22]. TATU ilk bor THE World University Rankings 2025 [23]fan reytingida ishtirok etib, ta’lim yo‘nalishida dunyoning top-600, kompyuter fanlari va dasturlash texnologiyalari bo‘yicha top-1000 taligiga kirdi. Shuningdek, THE Impact Rankings 2025 natijalariga ko‘ra universitet dunyoning top-1000 oliy ta’lim muassasalari qatoridan joy oldi[24]. Universitet QS, Times Higher Education va SCImago[25] reytinglarida ham e’tirof etildi.

Xalqaro akkreditatsiyalar

Universitet Germaniyaning ASIIN xalqaro akkreditatsiya tashkiloti tomonidan 6 ta ta’lim dasturi bo‘yicha akkreditatsiyadan o‘tdi[26]. Sun’iy intellekt, infokommunikatsiya injiniringi va televizion texnologiyalar yo‘nalishlari MDH davlatlari orasida ilk bor Yevropa standartlari asosida akkreditatsiya qilindi.

Shuningdek, Axborot xavfsizligi yo‘nalishi AQSHning nufuzli ABET xalqaro akkreditatsiyasidan muvaffaqiyatli o‘tdi[27].

Umumiy natijalar

Baxtiyor Mahkamov rektorligi davrida Toshkent axborot texnologiyalari universitetida infratuzilma modernizatsiya qilindi, zamonaviy o‘quv binolari, laboratoriyalar va innovatsion markazlar tashkil etildi. Ta’lim jarayoni amaliyotga yo‘naltirildi, xalqaro hamkorlik kengaytirildi hamda universitet nufuzli xalqaro reytinglar va akkreditatsiyalarda o‘z o‘rnini mustahkamladi.

Manbalar

  1. ↑ 1,0 1,1 1,2 Oʻzbekistonning taniqli olimlari ensiklopediyasi, 1-tom (oʻzbekcha), Toshkent: Science and Innovation, 2022 — 342-bet. 
  2. ↑ „Baxtiyor Mahkamov Toshkent axborot texnologiyalari universitetining rektori vazifasini bajaruvchi etib tayinlandi“ (2021-yil 16-iyun).
  3. ↑ 3,0 3,1 3,2 „Назначен исполняющий обязанности ректора ТУИТа“ (2021-yil 16-iyun).
  4. ↑ „Toshkent axborot texnologiyalari universiteti rektori o‘zgardi“ (2021-yil 16-iyun).
  5. ↑ 5,0 5,1 „TATUga yangi rektor tayinlandi“ (2021-yil 16-iyun).
  6. ↑ „Toshkent axborot texnologiyalari universitetining rektori vazifasini bajaruvchi lavozimiga Mahkamov Baxtiyor Shuhratovich tayinlandi“ (2021-yil 16-iyun). 2023-yil 26-iyulda asl nusxadan arxivlangan. Qaraldi: 2023-yil 26-iyul.
  7. ↑ „Rossiya iqtisodiyot universitetining (RIU) Toshkent shahridagi filiali Kengashi qarori bilan TATU rektori i.f.d., professor B.Maxkamov RIUning "Faxriy professori" unvoni hamda esdalik nishoni bilan taqdirlandi.“.
  8. ↑ „TATU rektori i.f.d., prof. B.Maxkamov Kookmin universitetining "Faxriy professori" unvoni bilan taqdirlandi.“.
  9. ↑ „Maxkamov Baxtiyor Shuxratovich ushbu “King’s Award for Excellence 2024”ning “Texnologik tadqiqotlar va ishlanmalar" yo‘nalishida g'olib bo'ldi.“.
  10. ↑ „Sport markazlari tashkil etildi“.
  11. ↑ „2022-yil 23-sentabr kuni Universitetning yana bir yangi o‘quv binosi foydalanishga topshirildi“.
  12. ↑ „FAB-LAB в ТУИТ“.
  13. ↑ „В ТУИТ новые возможности – «Living Lab» открыт!“.
  14. ↑ „TATU'da til markazlari e'tiborda“.
  15. ↑ „Registrator offisi“.
  16. ↑ „TATU'da ramziy bayrog' joriy etildi“.
  17. ↑ „TATUda “Ma’naviyat va ma’rifat” markazi ochildi“.
  18. ↑ „Tadbirda Oliy ta’lim, fan va innovatsiyalar vaziri Qo‘ng‘irotboy Sharipov, Raqamli texnologiyalar vaziri Sherzod Shermatov, shuningdek, universitet rahbariyati va professor-o‘qituvchilari hamda talabalar ishtirok etdi.“.
  19. ↑ „Соврин жамғармаси 1,2 млрд сўмлик “TUIT bright future week” ҳафталиги бўлиб ўтмоқда“.
  20. ↑ Yangi davr (18-mart).
  21. ↑ „Rektor kubogi“.[sayt ishlamaydi]
  22. ↑ „4 stars university“.
  23. ↑ {{Veb manbasi}} andozasidan foydalanishda sarlavha= parametrini belgilashingiz kerak. „“.
  24. ↑ „top 1000 university“.
  25. ↑ „TUIT in SCImago“.
  26. ↑ „TUIT in ASIIN“.
  27. ↑ „TATU yana bir xalqaro e’tirofga sazovor bo‘ldi“.
Bu maqolada boshqa til boʻlimlariga ishorat yoʻq.
Siz ularni topib va ushbu maqolaga qoʻshib, loyihaga yordam berishingiz mumkin. 
"https://ziyosfera.uz/index.php?title=Baxtiyor_Mahkamov&oldid=318241" dan olindi