Barakat
Barakat Bereket | |
|---|---|
| shahar | |
| 39°14′23″N 55°17′56″E / 39.23972°N 55.29889°E | |
| Mamlakat | Turkmaniston |
| Viloyat | Bolqon viloyati |
| Tuman | Barakat tumani |
| Asos solingan | 1895 |
| Avvalgi nomlari | Qarsanjiq, Qazanjiq |
| Qachondan beri shahar | 1999 |
| Rasmiy til(lar)i | turkman tili |
| Aholisi (2022) |
23 697 |
| Vaqt mintaqasi | UTCUTC+5 |
|
| |
Barakat (shahar oʻtmishda Qarsanjiq, 1881-yilgacha shu nomdagi qishloq; keyinchalik Qazanjiq, 1895-yildan) — Turkmanistonning Bolqon viloyatidagi shahar, Barakat tumanining maʼmuriy markazi. Ashxoboddan 292 km shimoli-gʻarbda, Kopetdogʻ (Kurendogʻ) tizmasining shimoli-gʻarbiy etaklarida, Qoraqum kanalining quyilish qismida joylashgan.
Tarixi va nomlanishi
Shahar oʻtmishda turli nomlar bilan atalgan. 1881-yilgacha Qarsanjiq qishlogʻi, 1895-yildan Qazanjiq (yoki Gazanjiq) deb yuritilgan. 1895-yilda temir yoʻl qurilishi munosabati bilan qishloq yaqinida stansiya vujudga kelgan[1]. Bu nomlar mahalliy buloqlarning tuzilish shakliga qarab xalq tomonidan berilgan. 1939-yili Qazanjiq shahar maqomini olgan. 1999-yildan buyon Barakat deb ataladi.
Aholisi va infratuzilmasi
Aholisi 1990-yillar oʻrtalarida 15 ming kishini, 2005-yilda esa 20 ming kishiga yaqinni tashkil etgan.
Shahar muhim transport tuguni boʻlib, Ashxobod — Turkmanboshi yoʻnalishidagi temir yoʻl stansiyasi hisoblanadi. Iqtisodiyotining asosini temir yoʻl transporti korxonalari, gilamchilik fabrikasi va qurilish materiallari zavodi tashkil etadi. Shaharda 4 ta umum taʼlim maktabi, kutubxona, kasalxona, savdo va maishiy xizmat koʻrsatish shoxobchalari faoliyat koʻrsatadi[2].
Manbalar
- ↑ Fayl:National Encyclopedia of Uzbekistan logo.png „Barakat“, Oʻzbekiston milliy ensiklopediyasi (Q-harfi). Toshkent: „Oʻzbekiston milliy ensiklopediyasi“ Davlat ilmiy nashriyoti, 2000–2006-yillar.
- ↑ Fayl:National Encyclopedia of Uzbekistan logo.png „Barakat“, Oʻzbekiston milliy ensiklopediyasi. (B-harfi). Toshkent: „Oʻzbekiston milliy ensiklopediyasi“ Davlat ilmiy nashriyoti, 2000–2006-yillar.
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Turkmaniston geografiyasiga oid ushbu maqola chaladir. Siz uni boyitib, ZiyoSferaga yordam berishingiz mumkin. |