Baqqolzoda masjidi
| Masjid | |
 | |
| Mamlakat |  Turkiya
|
| Shahar | Istanbul |
| Joylashuvi | Atikali mahallasi, Fotih tumani |
| Koordinatalar | 41°00′40″N 28°57′58″E / 41.011°N 28.966°E |
| Binokorlik sanasi | 1845-yildan oldin |
| Minoralar soni | 1 |
| Minoralar soni | 1 |
Baqqolzoda masjidi (turkcha: Bakkalzade Camii) – Istanbulning Fotih tumani, Atikali mahallasi Baqqolzoda koʻchasida joylashgan Usmoniylar davriga oid kichik masjid. Binoning aniq qachon bunyod etilgani maʼlum emas, biroq ilk bor 1845-yilgi Istanbul shahar xaritasida qayd etilgan boʻlib, u yerda shu yilgacha qurilgan masjidlar qatorida koʻrsatilgan[1].
Tarixi
Baqqolzoda masjidi dastlab Atikali mahallasi aholisiga xizmat qilgan. Vaqt oʻtishi bilan, ayniqsa, XX asr oxirlarida binodan foydalanmay qoʻyilgan va yaroqsiz holga kelgan, hatto bir muddat vaqtinchalik avtoturargoh sifatida ham foydalanilgan[2].
Taʼmirlash va asrash
2010-yilda dastlabki arxeologik va meʼmoriy tadqiqotlar oʻtkazilib, keng qamrovli restavratsiya loyihasining boshlanishiga zamin yaratdi. 2013-yilda Vaqflar bosh boshqarmasi (Vakıflar Genel Müdürlüğü) Hazrati Oysha vaqfi bilan inshootni tiklash boʻyicha shartnoma imzoladi. 2016-yilda rekonstruksiya loyihasi Istanbul madaniy merosni muhofaza qilish mintaqaviy kengashi tomonidan maʼqullandi. 2018-yilda atrof hududlarni obodonlashtirish va piyodalar uchun kirish yoʻlaklari boʻyicha ishlar yakunlandi. 2021-yilda esa yondosh qabriston va qoʻshimcha inshootlarni restavratsiya qilish ishlari tasdiqlandi va ishlar amalga oshirildi[3].
Meʼmorchiligi
Masjid mahalliy kesma toshlardan barpo etilgan. Gumbazi 1 ta, ibodatxonaning qurilish rejasi sodda toʻrtburchak shaklda. Shimoli-sharqiy burchagiga tutashtirilgan 1 ta minoraga ega. Ichki qismidagi mehrob va minbar vaqt oʻtishi bilan yoʻqolgan va XIX asr Usmoniylar meʼmorchiligi uslubiga mos ravishda qayta tiklangan[manba kerak].
Joylashuvi va kirish
Baqqolzoda masjidi Baqqolzoda koʻchasida (Bakkalzade Sokak), Ebezâde Abdulloh afandi favvorasi roʻparasida joylashgan. T5 liniyasidagi Edirnekapı tramvay bekatidan piyoda oʻn daqiqalik yoʻl.
Yana qarang
Manbalar
- ↑ „BİR HARİTANIN REHBERLİĞİNDE 1845 İSTANBULU“. İstanbul Tarihi Araştırmaları Enstitüsü. Qaraldi: 2025-yil 27-may.
- ↑ „talan adilen tarih camilerimiz…“. Fatih Haber. Qaraldi: 2025-yil 27-may.
- ↑ „İstanbul Fatih'teki hazine: Bakkalzade Mescidi“. Qaraldi: 2025-yil 27-may.