Banu Ijl

Banu Ijl بنو عجل
Adnaniylar
Etnik tarkibi	Arab
Joylashuv	Arabiston yarim oroli
Tarmoqlari	Banu Dubaya, Banu Saʼd, Banu Rabia
Dini	Xristianlik va Islom

Banu Ijl (arabcha: بنو عجل‎‎), shuningdek Banu Ajal, islomgacha va ilk islom davrida Quyi Mesopotamiyada yashagan arab qabilasi. Mazkur qabila Banu Bakr qabilasining tarmogʻi boʻlib, Lahazim qabilalar ittifoqi tarkibiga kirgan.

Ajdodlari

Banu Ijlning ajdodi Ijl ibn Lujaym ibn Sa’b ibn Ali ibn Bakr ibn Voil ibn Qosit ibn Hanab ibn Afso ibn Da’mi ibn Jadila ibn Asad ibn Rabia ibn Nizar ibn Ma’add ibn Adnan boʻlgan.

Ijlning Saʼlaba, Abdulasvad va Yazid ismli uch oʻgʻli boʻlib, ushbu uch oʻgʻildan uch yirik urugʻ — Banu Dubaya, Banu Saʼd va Banu Rabia — kelib chiqqan.

Tarixi

Banu Ijl Ayn at-Tamr shahridan to Al-Ubulla shahri atrofidagi janubiy sohillargacha boʻlgan hududda yashagan. Banu Ijlning baʼzi aʼzolari al-Yamama shahrida yashagan. Qabila al-Lahazim nomli qabila ittifoqi tarkibiga ham kirgan. Mazkur ittifoqqa Banu Qays, Banu Taym va Banu Anazza kabi qabilalar ham kirgan. Mazkur qabilalar ittifoqi asosan Banu Yarbu va Banu Shaybonga qarshi mudofaa ittifoqi edi. Banu Ijl, shuningdek, arab qabilalari Sosoniylar lashkarini magʻlub etgan mashhur Dhi Qar jangida ishtirok etgan. Ilk islom fathlarida Banu Ijl musulmon qabilasi aʼzolari Xolid ibn Valid lashkariga qoʻshilib, Valaja va Ullays janglarida ishtirok etganlar. Valaja jangida Banu Ijl qabilasi musulmonlari oʻzlarining Sosoniylar qoʻshiniga qoʻshilgan nasroniy qabiladoshlariga qarshi jang olib borishgani haqida maʼlumotlar mavjud.

Nasroniylar Banu Ijl qabilasining salmoqli qismi boʻlgan. Islom arafasida Abjar ibn Jobir qabilasi yetakchisi nasroniy eʼtiqodida boʻlgan va 660-yilda Kufada vafot etgunga qadar oʻz eʼtiqodini saqlab qolgan.