Bahrom Hamdamiy

Bahrom Hamdamiy
Bahrom Hamdamiy avtoportreti. 1940-yil
Haqiqiy ismi	Bahrom Hamdamiy
Tavalludi	1910-yil Toshkent
Vafoti	1942-yil Ikkinchi Jahon urushida halok boʻlgan
Millati	oʻzbek

Bahrom Hamdamiy (1910, Toshkent – 1942, frontda halok boʻlgan) – rassom, Oʻzbekiston rassomlari uyushmasining tashkilotchilaridan. Toshkent rassomlik texnikumida Aleksandr Volkovdan taʼlim olgan (1930– 1936); Moskva, Leningradda ijodiy safarda boʻlib malakasini oshirgan. Hamdamiy asarlarida kunning dolzarb voqealarini, xalq hayotini tasvirladi: „Kolxozchilar“ (1933), „Kolxoz choyxonasida“ (1936) – Sharq muzeyida; „Avtoportret“ (1939, 1941); „Ish tugadi“ („Langar kanali quruvchilari“, 1939), „Bobom–shoir Muztarib portreti“ (1939) – Oʻzbekiston sanʼat muzeyida. Navoiy asarlari asosida „Farhod sahroda“ (1940), „Farhod Xusrav asiri“ (1941) kabi asarlar yuzaga keldi. „OʻzTAG oynasi“ plakatlarini tayyorlashda qatnashgan (1941–1942). R.Ahmedov, Z. Inogʻomov va boshqalarga dars bergan.