Baholash
Baholash — taʼlim oluvchilarning muayyan soha (domen) boʻyicha oʻzlashtirilgan bilim, koʻnikma, malaka va kompetensiyalar darajasini aniqlash va oʻlchash jarayoni[1]. Shuningdek, baholash oʻquv dasturlarini takomillashtirish va taʼlim sifatini oshirish maqsadida taʼlim oluvchilarning oʻzlashtirish darajasi, qobiliyati, munosabatlari hamda dunyoqarashiga oid empirik maʼlumotlarni hujjatlashtirish hamda tahlil qilishni koʻzda tutadi[2]. Baholash jarayonida maʼlumotlar bevosita taʼlim oluvchilar ishlarini tekshirish yoki oʻrganish jarayoni haqida mantiqiy xulosalar chiqarish imkonini beruvchi bilvosita manbalar asosida toʻplanadi[3]. Garchi ushbu tushuncha koʻpincha test bilan sinonim sifatida qoʻllansa-da, uning koʻlami faqat testlar bilan cheklanmaydi[4]. Baholash obyekti sifatida alohida taʼlim oluvchi, muayyan guruh, oʻquv kursi, akademik dastur yoki yaxlit taʼlim tizimi ishtirok etishi mumkin. Baholash atamasi taʼlim kontekstida mustaqil tushuncha sifatida Ikkinchi jahon urushidan keyingi davrda keng isteʼmolga kirgan[5].
Manbalar
- ↑ Jalilov 2020, s. 10.
- ↑ Allen, M.J.. Assessing Academic Programs in Higher Education. San Francisco: Jossey-Bass, 2004.
- ↑ Kuh, G.D.; Jankowski, N.; Ikenberry, S.O.. Knowing What Students Know and Can Do: The Current State of Learning Outcomes Assessment in U.S. Colleges and Universities. Urbana: University of Illinois and Indiana University, National Institute for Learning Outcomes Assessment, 2014. Qaraldi: 2020-yil 1-sentyabr (2024-yil 24-noyabrda asl nusxadan arxivlangan).
- ↑ National council on Measurement in Education http://www.ncme.org/ncme/NCME/Resource_Center/Glossary/NCME/Resource_Center/Glossary1.aspx?hkey=4bb87415-44dc-4088-9ed9-e8515326a061#anchorA (Wayback Machine saytida 2017-07-22 sanasida arxivlangan)
- ↑ Nelson, Robert; Dawson, Phillip (2014). "A contribution to the history of assessment: how a conversation simulator redeems Socratic method". Assessment & Evaluation in Higher Education 39 (2): 195–204. doi:10.1080/02602938.2013.798394.
Adabiyotlar
- Jalilov, Komil. Baholash nazariyasi asoslari. Toshkent: Akademnashr, 2020 — 256-bet. ISBN 978-9943-6498-4-2.