Babna
Babna بابنا | |
|---|---|
| Qishloq | |
| Mamlakat | Suriya |
| Muhofaza | Latakiya |
| Okrug | Al-Haffa okrugi |
| Kichik tuman | Al-Haffa |
| Aholisi (2004) |
802[1] |
| Vaqt mintaqasi | UTCEET +2; +3 |
Babna (arabcha: بابنا, shuningdek Babanna yoki Bab Ana) Suriya shimoli-gʻarbidagi qishloq. Maʼmuriy jihatdan al-Haffa okrugi tarkibiga kiradi. Latakiyadan shimoli-sharqda va al-Haffa shahridan 10 kilometr (6.2 mi) shimolda joylashgan[2]. Suriya Markaziy Statistika Byurosi (CBS) maʼlumotlariga koʻra, 2004-yil aholini roʻyxatga olishda Aramo aholisi 490 kishini tashkil qilgan[1]. Aholi sunniylardan iborat[3].
Tarixi
Babna 1519 va 1547-yillardagi Usmoniylar soliq roʻyxatlarida Sahyun tumaniga qarashli hudud sifatida qayd etilgan boʻlib, undan 620 dirham miqdorida soliq undirilgani haqida ma’lumot keltirilgan[4]. 19-asr boshlaridan 1924-yilgacha, ya’ni Usmoniylar hukmronligi davrida (1517-1918) va keyinchalik Fransiya mandati davrida (1923-1946) Babna Sahyun kazasining (tumanining) markazi boʻlib kelgan. Fransuzlar hududning ushbu maʼmuriy rolini yaqin atrofdagi al-Haffa shahriga oʻtkazishdi. Maqomi pasaytirilishidan oldin Babnada 2000 nafarga yaqin aholi yashagan boʻlib, ularning aksariyatini atrofdagi hududlarning yirik yer egalari tashkil etardi. Shaharda katta masjid, ma’muriy sud, saroy (hukumat uyi) va gavjum bozor mavjud edi. Keyinchalik aholi soni tez orada keskin kamayib ketdi. Shaharning nufuzli kishilari va ularga tobe boʻlganlar Latakiya hamda Jableh shaharlariga koʻchib oʻtdilar. Hozirda hudud kichik qishloqqa aylanib qolgan. 1990-yillargacha eski masjid va hududning sobiq aholisiga tegishli boʻlgan ba’zi katta villalar saqlanib qolgan edi. 1994-yilda qishloq aholisi 711 nafarni tashkil qilgan[5].
Suriya fuqarolar urushi davomida 2012-yil iyun oyida Babna, al-Haffa va uning atrofidagi hududlarda qoʻzgʻolonchilar bilan hukumat kuchlari oʻrtasida shiddatli toʻqnashuvlar yuz berdi[6]. 2022-yil aprel oyida Babna qishlog‘i aholisi va qaytib kelgan shaxslar jangovаr harakatlar vaqtida shikastlangan uylarni qayta qurish yoki ta’mirlash uchun ruxsatnomalar soʻrab murojaat qila boshladilar[7].
Manbalar
- ↑ 1,0 1,1 General Census of Population and Housing 2004. Syria Central Bureau of Statistics (CBS). Latakia Governorate. (arabcha)
- ↑ Balanche 2000, ss. 101, 153.
- ↑ Balanche 2000, s. 297.
- ↑ Winter 2016, s. 109.
- ↑ Balanche 2000, ss. 101, 153, 160, 183.
- ↑ Heavy fighting erupts in Syria's Latakia province. Reuters. 2012-06-05.
- ↑ Subscription Begins for Renovation of Houses Damaged by Terrorism in the Countryside of Al-Haffeh, Lattakia. Syria Times. 2012-06-05.
Adabiyotlar
- Balanche, Fabrice „Les Alaouites, l'espace et le pouvoir dans la région côtière syrienne : une intégration nationale ambiguë.“ (French). Tours: Université François Rabelais (2000). Qaraldi: 2024-yil 20-oktyabr.
- Winter, Stefan. A History of the 'Alawis: From Medieval Aleppo to the Turkish Republic. Princeton and Oxford: Princeton University Press, 2016. ISBN 9780691167787.
.svg){kind=small} | Suriya geografiyasiga oid ushbu maqola chaladir. Siz uni boyitib, ZiyoSferaga yordam berishingiz mumkin. |