Azobenzol

Azobenzol – sodda aromatik aʼzo-birikma; sargʻish-qizil rangli kristall. Suvda erimaydi. Suyuqlanish temperaturasi 68°, qaynash temperaturasi 297°. Efirda, muzlagan sirka kislota va konsentrlangan sulfat kislotada eriydi. Azobenzol tolalarga ilashmaydi, oʻzi boʻyovchi modda emas. Agar azobenzol molekulasiga amin yoki oksiguruhlar kiritilsa, oddiy azoboʻyoqlar hosil boʻladi. Azobenzol nitrobenzol yoki azoksibenzolni ishqoriy muhitda pyx kukuni ishtirokida qaytarib olinadi. Azobenzol ishqoriy muhitda pyx bilan qaytarilsa, gidro-zobenzolga, sirka kislotali muhitda qaytarilsa, anilinga, xlorid kislota va qalay ta’sirida qaytarilsa, benzidinga aylanadi. Azobenzolni 1834-yilda nemis kimyogari E. Micherlix topgan.

Adabiyotlar

• OʻzME. Birinchi jild. Toshkent, 2000-yil