Azizi masjidi
| Masjid | |
Azizi masjidi
Masjid Azizi | |
 | |
| Mamlakat |  Indoneziya
|
| Joylashuvi | Tanjung Pura, Shimoliy Sumatra |
| Koordinatalar | 3°53′29″N 98°25′26″E / 3.891526°N 98.423973°E |
| Masjid turi | sunniy, Islom |
| Meʼmoriy uslub | Islom arxitekturasi |
| Qiymati | 200,000 ringgit |
| Binokorlik | 1899—1902 |
| Oʻlchami | 2000 namozxon |
| Gumbazlar soni | 21; 4 ta asosiy gumbaz |
| Gumbazlar soni | 21; 4 ta asosiy gumbaz |
| Balandligi | 30 m (98 ft) |
| Gumbaz balandligi | 20 m (66 ft) |
| Minoralar soni | 1 |
| Minoralar soni | 1 |
| Minoralar balandligi | 60 m (200 ft) |
| Holati | faol |
Azizi masjidi – Indoneziyaning Shimoliy Sumatra hududidagi Langkat tumaniga qarashli Tanjung Pura shahrida joylashgan masjid. Avval Langkat sultonligining davlat masjidi boʻlgan.
Tarixi
1889-yilda Langkat sultonligining XIX asr oxirlaridagi hukmdori Tengku sulton Hoji Muso al-Xolidiy al-Muazzamshohning oʻgʻli Tengku sulton Abdulazizning topshirigʻi bilan masjidning qurilish ishlari boshlangan[1]. Masjid loyihasi nemis meʼmori tomonidan ishlab chiqilgan. Qurilish ishlarining katta qismini Langkatdagi xitoylik aholi amalga oshirgan. Qurilish uchun zarur materiallar Penang va Singapurdan Batang Serangan daryosi orqali keltirilgan va obyektga 80 ta hoʻkiz arava yordamida tashilgan[1]. Abdulaziz masjid qurilishi tugashidan avval vafot etganligi sababli ishlarni uning oʻgʻli Tengku sulton Mahmud Rahmatshoh davom ettirgan[1]. Masjid qurilishi 1902-yil 13-iyunda yakunlangan. 1926-yilda masjid minorasi bunyod etilgan[2].
Masjid 1978–1979, 1980–1981 va 1990–1991-yillarda bir necha bor taʼmirlangan[2].
Meʼmorchiligi
Masjid taxminan 3 gektar (7.4 akr) maydonga ega majmuada joylashgan. Asosiy namozxona taxminan 25 x 25 m (taxminan 82 x 82 fut). Asosiy namozxonaning shimol, janub va sharq tomonlarida 3 ta Mugʻal meʼmorchiligi uslubida yaratilgan kirish eshiklari mavjud. Masjidning yuqori qismida Mugʻal uslubidagi mis gumbazlar qurilgan boʻlib, ulardan eng ogʻiri taxminan 36 tonnani tashkil qiladi.[1]. Ichki qismi, asosan, marmardan qurilgan boʻlib, italyan kristalli lyustralar bilan bezatilgan[1]. Masjid majmuasi ichida Langkat sultonligiga mansub bir nechta shoh oilasi vakillarining qabrlarini ham uchratish mumkin[2].
Malayziyaning Kedah shtatidagi Zahir masjidi Azizi masjidi meʼmorchiligidan ilhomlanib yaratilgan[2].
Yana qarang
Manbalar
Adabiyotlar
- ; Tjepi KusmanAlbum Peninggalan Sejarah dan Purbakala (id). Jakarta: Direktorat Jenderal Kebudayaan, 1991. ISBN 9789798250002.
- Zein, Abdul Baqir. Masjid-masjid bersejarah di Indonesia (id). Gema Insani, 1999. ISBN 9789795615675.
Havolalar
Vikiomborda „Azizi masjidi“ mavzusi boʻyicha mediafayllar bor.