Ayseli Göksoy
| Hatice Ayseli GöksoyHatice Ayseli Göksoy | |
|---|---|
| Manisadan 20-parlament deputati | |
|
Mansab davri 8-yanvar 1996 – 25-mart 1999 | |
| Shaxsiy maʼlumotlari | |
| Tavalludi |
Hatice Ayseli Erman 21-sentyabr 1935-yil Istanbul, Turkiya |
| Vafoti |
26-noyabr 2022-yil (87 yoshda) |
| Siyosiy partiyasi | To‘g‘ri Yo‘l partiyasi DYP |
| Bolalari | 2 |
| Kasbi | rassom, ayollar huquqlari himoyachisi va siyosatchi |
Hatice Ayseli Göksoy (qizlik familyasi: Erman, 21-sentabr 1935 — 26-noyabr 2022), turk rassomi, ayollar huquqlari himoyachisi va siyosatchi edi. U parlamentda bir muddat deputatlik qilgan.
Ayollar huquqlari himoyachisi
Göksoy bir qator ayollar tashkilotlarida faol edi. 1964-yilda u Turkiya Ayollar Ittifoqi markaziy kengashiga saylandi. 1983-yilda u ushbu tashkilot raisi boʻldi. U ayollar huquqlariga katta ahamiyat berdi. U 8-mart kuni Xalqaro xotin-qizlar kuni va 5-dekabr (1934) kuni Turkiya ayollarining saylanish huquqi kuni bayramlarini tashkil etdi. U Milliy ta’lim vazirligi tomonidan aqli zaif bolalar uchun maxsus maktablar tashkil etilishiga bosh-qosh boʻldi[1].
Siyosiy faoliyati
Göksoy To‘g‘ri Yo‘l partiyasiga (turkcha: Doğru Yol Partisi, DYP) qoʻshildi. U 1995-yilgi umumiy saylovda Manisa viloyati deputatligiga nomzodini qoʻydi. U 20-chaqiriq parlamentda xizmat qilish uchun Turkiya Buyuk Millat Majlisiga kirdi[1].
1997-yilda u DYPdan isteʼfo berdi va Demokratik Turkiya partiyasiga hamasoschilik qildi. U partiya raisining oʻrinbosari etib saylandi[1].
Shaxsiy hayoti
Hatice Ayseli Göksoy 21-sentabr 1935-yilda Turkiyaning Istanbul shahrida Ali Rizo Erman va Emine Erman oilasida tugʻilgan. Uning bir singlisi Nihal va ikki akasi Nihat hamda Atilla boʻlgan[2].
U Nişantaşı 52-maktabida boshlangʻich taʼlim olgan. Nişantaşı qizlar oʻrta maktabida oʻrta va oliy maktab taʼlimini tugallagach, Zubeyde Xonim Qizlar texnik maktabida oʻqidi. Soʻngra u rassomlik boʻyicha xususiy darslar oldi. Oʻz asarlarini bir necha bor namoyish qilgan.
Hatice Ayseli Göksoy Abdulkadir Durmush Göksoyga turmushga chiqdi va ikki qiz farzand koʻrdi: Banu Nerime (Köksal) va Bengu Chigʻdem (Baydar)[1][2].
Hatice Ayseli Göksoy 2022-yil 26-noyabrda Istanbulda vafot etdi. U Teshvikiye masjididagi diniy marosimdan soʻng Feriköy qabristoniga dafn etildi[2].
Manbalar
- ↑ 1,0 1,1 1,2 1,3 „Türk Parlamento Tarihi TBMM XX. Dönem (1995–1999)“ (tr). TBMM. Qaraldi: 2024-yil 8-fevral.
- ↑ 2,0 2,1 2,2 „Sözcü Bugünkü Vefat (Ölüm) – Başsağlığı – Anma – Teşekkür – Mevlit İlanları-27 Kasım 2022“ (tr) (2022-yil 27-noyabr). Qaraldi: 2024-yil 8-fevral.[sayt ishlamaydi]
