Aysel (xonanda)
| Aisel | |
|---|---|
.jpg) Mammadova 2018-yil | |
| Tavalludi |
Aysel Mammadova 1989-yil 3-iyul |
| Kasbi |
|
Aysel Mammadova (ozarbayjoncha: Aysel Məmmədova; 1989-yil 3-iyulda tugʻilgan) — taxallusi Aisel, ozarbayjonlik xonanda.
Aysel Ozarbayjon nomidan Eurovision 2018 qo'shiq tanlovida X My Heart qoʻshigʻi bilan ishtirok etgan. Shuningdek, u 2023-yilgi Formula-1 Ozarbayjon Gran-prisining ochilish marosimida Ozarbayjon davlat madhiyasini ijro etgan.
Dastlabki hayoti
Mammadova maxsus oʻrta musiqa maktabida tahsil olgan hamda keyinchalik Ozarbayjon davlat konservatoriyasini tamomlagan[1].
Faoliyati
Mammadova 2005 va 2006-yillarda Baku International Jazz Festivalda, 2009-yilda esa Montreux Jazz Festivalda ishtirok etgan[2]. Shuningdek Aysel Baku Jazz Center aʼzosi[3].
Eurovision qoʻshiq tanlovi
2017-yil 8-noyabrda Mammadova Eurovision 2018 qo'shiq tanlovida Ozarbayjon vakili sifatida eʼlon qilingan[4]. Uning tanlov uchun tayyorlangan X My Heart qoʻshigʻi 2018-yil 4-martda taqdim etilgan[5].
Aysel 8-may kuni oʻtkazilgan birinchi yarim finalda birinchi boʻlib sahnaga chiqgan. Va 94 ochko toʻplab, 11-oʻrinni egallagan. Umumiy hisobda final yoʻllanmasini qoʻlga kiritgan oʻninchi oʻrindagi Finland vakilidan 14 ochko ortda qolgan. Xonanda hakamlar hayʼati va tomoshabinlar ovozidan teng ravishda — 47 ochkodan jamgʻargan. U eng yuqori bahoni Gretsiya hakamlar hayʼatidan olgan. Hakamlar qoʻshiq uchun 12 ochko berishgan. Aysel Ozarbayjonning Eurovision tarixida finalga chiqolmagan ilk ishtirokchisi edi[6].
Qoʻshiq haqida soʻz yuritar ekan, Aisel shunday degan:
"Qoʻshiq matni bilan oʻzimni juda yaqin his qilaman, chunki oʻzimga boʻlgan ishonch hayotimdagi koʻplab qiyinchiliklarni yengib oʻtishimga yordam bergan. Men hammaga shuni aytmoqchiman: oʻzingizga ishonish sizni har qanday toʻsiqdan kuchliroq qila oladi"
[7].
Biroq oradan ikki yil oʻtgach, xonanda X My Heart bilan qilgan chiqishidan afsusda ekanligini bildirib, aslida qoʻshiq bilan hech qachon ruhiy bogʻliqlik his qilmaganini aytgan[8].
2023-yil oktabr oyining oxirida Aysel Eurovision 2024 qo'shiq tanlovi uchun Ozarbayjon milliy saralashining qisqa roʻyxatiga kiritilgan 16 ishtirokchidan biri sifatida eʼlon qilingan[9].
Bir hafta oʻtgach, Mammadova yakuniy bosqichga yoʻl olgan olti nomzod qatoridan joy olgan[10]. Biroq yakunda u Ozarbayjon vakili sifatida tanlanmagan.
Manbalar
- ↑ Adams, William Lee „Azerbaijan: AISEL will sing at the Eurovision Song Contest 2018“. Wiwibloggs (2017-yil 8-noyabr). Qaraldi: 2020-yil 15-fevral.
- ↑ „Oh Mammadova! Aisel to represent Azerbaijan at Eurovision in 2018.“. eurovision.tv. EBU (2017-yil 8-noyabr). 2017-yil 8-noyabrda asl nusxadan arxivlangan. Qaraldi: 2020-yil 15-fevral.
- ↑ Davies, Megan „Azerbaijan: AISEL to Lisbon“. Eurovoix (2017-yil 8-noyabr). 2017-yil 9-noyabrda asl nusxadan arxivlangan. Qaraldi: 2020-yil 15-fevral.
- ↑ van Lith, Nick „AISEL to represent Azerbaijan at Eurovision 2018!“. escxtra.com (2017-yil 8-noyabr). 2023-yil 19-oktyabrda asl nusxadan arxivlangan. Qaraldi: 2020-yil 15-fevral.
- ↑ Noutsos, Angelos „Azerbaijan: Aisel to sing "X My Heart" at Eurovision“. escxtra.com (2018-yil 3-mart). 2021-yil 2-avgustda asl nusxadan arxivlangan. Qaraldi: 2020-yil 15-fevral.
- ↑ „Azerbaijan – Participation history“. European Broadcasting Union (EBU). Qaraldi: 2026-yil 3-may.
- ↑ Aderemi, Deban „"X My Heart" — Aisel reveals Azerbaijan song title ahead of Sunday reveal“. Wiwibloggs (2018-yil 3-mart). 2018-yil 7-aprelda asl nusxadan arxivlangan. Qaraldi: 2021-yil 4-fevral.
- ↑ Giacometti, Emilia „Aisel zažalila nastup s "X My Heart"“. eurosong.hr (2020-yil 20-sentyabr). 2020-yil 30-oktyabrda asl nusxadan arxivlangan. Qaraldi: 2020-yil 20-sentyabr.
- ↑ Granger, Anthony „Azerbaijan: Live Auditions Take Place in Baku for Eurovision 2024“. Eurovoix (2023-yil 29-oktyabr). 2023-yil 29-oktyabrda asl nusxadan arxivlangan. Qaraldi: 2023-yil 29-oktyabr.
- ↑ Stephenson, James „Azerbaijan: Six Acts Remain in Contention for Eurovision 2024“. Eurovoix (2023-yil 6-noyabr). 2023-yil 6-noyabrda asl nusxadan arxivlangan. Qaraldi: 2023-yil 6-noyabr.